Amós 8:4 - Qullan Arunaca

⁴ Ac ist'apjjam, alt'at chuyman jakenacar t'akhesiyirinaca, uqhamarac pobrenacaru tucjirinaca.

Aymar Bibliia 1986

⁴ Ac ist'apjjam, alt'at chuyman jakenacar t'akhesiyirinaca, uqhamarac pobrenacaru tucjirinaca.

Qullan Arunaka DC

⁴ Ist'apxam, llamp'u chuyman jaqinakar t'aqhisiyirinaka, markankir jan kunaninakar tukjirinaka;

Amós 8:4 Jak'a apnaqawi uñst'ayäwi

1 Reyes 22:19

Micaiasasti sascaquïnwa: —Uqham satamatjja, ist'am Tatitun arunacapa: ‘Tatiturojj tronopana kont'atäsquirwa uñjta, ucatsti alajjpachanquir ejercitorusti jupa chica sayt'atäsquiriraqui, cupëjjapana, uqhamarac ch'ekäjjapanraqui.

Job 24:4

Pobrenacarojj thaquitsa maysaruw saranucuyapjje, pobre jakenacasti imantasjjapjjaraquiwa.

Salmos 10:7

Lacapajj ñankhachañanacamp phokhantatawa, c'arintañanacampi, sallkantañanacampi; arunacapasti ñankha lurañanacampi, t'akhesiyañanacamp imanti.

Salmos 12:5

Tatitojj jupanacarojj siwa: “Jan cunan jakenacampi, jan yäkat jakenacampejj mutuyataw uñjasipjje, t'akhesiyataw uñjasipjjaraqui, ucat jupanacar yanapt'añatac sartasï, yanapt'ayasiñ munataparjamaw yanapt'ä” sasa.

Salmos 14:4

Ñankha luririnacajj jan amuyunïpjjewa, marcajjarojj t'ant'jam mank'antapjje, janiw Tatitun sutip art'asipquiti.

Salmos 140:12

Llaquit jaker Tatitun chekapar uñjatap yatta, t'akhesiyat jaker arjjatatap yatiracta.

Salmos 56:1

Diosajjay, nayat qhuyapt'ayasita, nayar arcnaker jakenacaw utji, uruy arumaw t'akhesiyapjjetu.

Proverbios 30:14

Yakhep jakenacajj khorüpjjewa, lacanacapasti espada uqhamarac cuchillor uñtatawa, marcanquir pobre jakenacar tucjañataqui.

Isaías 1:10

Sodoma marcan jilïrinacapa, Tatitun arunacap ist'apjjam. Gomorra marcachirinaca, jichhasti sum ist'apjjam cuntejj jiwasan Diosasajj yatichquistani uca.

Isaías 28:14

Ist'apjjamay Tatitun arunacapa, ñankha jakenaca, Jerusalén marca apnakerinaca.

Jeremías 28:15

Uqhamasti Jeremiasajj Hananiasarojj sänwa: ¡Hananías, aca arunac ist'am! Janiw jumarojj Tatitojj qhitanctamti, ucampisa jumajj c'ari arunacwa aca marcarojj yatiyascaractajja, mä c'ari suyt'äwi churasajja.

Jeremías 5:21

‘Aca arunac ist'am, jan amuyt'an marca, nayranïsquiwa, ucampis janiw uñjquiti, jinchunïscaraqui, ucampis janiw ist'quiti.

Ezequiel 22:12

Yakhepa jakenacamasti kollke catokasipjjaraqui jake masiparu jiwayañataqui. Kollksa waljaptayañanacaru uqhamaraqui walja interesanwa mayt'apjjaraqui, jake masinacaparusti t'akhesiyasaraquiwa, irnakayapjje, nayatsti armasipjjaraquiwa. Naya Tatituw ucjja arsta.

Ezequiel 45:10

“Take pesanacamsa, tupunacamsa phokhatarupuni apnakapjjaraquim.

Amós 5:11

Janiw kalat lurasipcta uca suma utanacan jacapcätati, janiraquiw uca suma uva yapunac yapuchasipcta ucats vino umapcätati. Pobrenacar taquichasipjjatamata, uqhamarac trigotsa impuesto apsupjjatamampitjja.

Amós 5:12

Nayajj yattwa walja ñankha lurapjjatanacama, uqhamarac jach'a juchanacamsa; asqui jakerojj t'akhesiyapjjtawa, kollke catokasina, quejanacansti pobrerojj janiw arjjatapctati.

Amós 7:16

“Jichhasti, ist'am Tatitun arupa. Jumasti aqham sistawa: ‘Jan Dios toketjja cuns parlamti Israel marca contrajja, ni Isaacat mirtir wawanacap contrasa’ sasa.

Miqueas 2:2

Orakenacjja walpun munt'apjje, ucatsti uca orakenacjja catuntasipjjaraquiwa; utanacsa walpun munt'apjje, uca utanacsti lunthatapjjaraquiwa. Jakenacarusti t'akhesiyapjjaraquiwa, familianacapsa, uqhamaraqui orakenacapsa catuntasisa.

Miqueas 3:3

Marcajjarojj jacquirpachwa mank'antapjjtajja; lip'ichipsa lluch'supjjtawa, ch'aqhanacapsti p'aquirapjjaractawa; phayasiñ aychäcaspas uqhamwa uñjapjjaractajja.

Zacarías 5:6

Juparusti jisct'aractwa: —¿Cunas ucajja? —sasa. Jupasti saraquituwa: —Ucajj mä tupuñawa. Marcpachan jacapqui ucan juchap tupuñawa —sasa.

Mateo 23:13

“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacasti alajjpacha puncjja jist'antapjjtawa yakhanacan jan mantapjjañapataqui; ni jumanacas mantapcaractati ni yakhanacarus mantayapcaractati.

Santiago 5:6

Jumanacajj jan juchan jakenacarojj juchañchasinwa jiwarayapjjtajja, janiraquiw jupanacas sayt'asipcänti.