Amós 8:3 - Qullan Arunaca

³ Uca urojj palacion k'ochutanacasa llaquisiñaquïniwa; waljaniraquiw jiwarapjjani, jiwat janchinacapasti ankaru jaktatäjjaraquiniwa. Tatituw ucjja arsu.

Aymar Bibliia 1986

³ Uca urojj palacion k'ochutanacasa llaquisiñaquïniwa; waljaniraquiw jiwarapjjani, jiwat janchinacapasti ankaru jaktatäjjaraquiniwa. Tatituw ucjja arsu.

Qullan Arunaka DC

³ Uka urux reyin jach'a utapan q'uchutanakax llakisiñaruw tukuni. Walja jaqinakaw jiwarapxani, jiwat janchinakapasti anqar jaqtatarakïniwa. Tatituw ukham arsu.

Amós 8:3 Jak'a apnaqawi uñst'ayäwi

Salmos 39:9

“Nayasti amutuw tucta, janiw lacajj jist'arcti, juman take cun sarayascatam yatta.

Isaías 37:36

Uca arumasti Tatitun angelapajj sarasin pataca quimsakallk tunca pheskani waranka jakenacwa asirionacan campamentopanjja jiwarayäna, khantatirusti takeniw jiwarat uñjasipjjaraquïna.

Jeremías 22:18

Tatitusti Judá orakenquiri Josías reyin Joacim yokapjjatjja aqham siwa: “Janiw qhitis jupan jiwatapatjja jachcaniti. Janiw qhiti jachiris utjcaniti ni qhitis siscaraquiniti; ‘¡Ay, jilata, ay, jilata! ¡Ay, Tata, ay, jach'a rey!’ sasajja.

Lamentaciones 2:10

Ucqha suma Sión marcanquiri chuymani jakenacasa amuquiw oraken konurjjapjje, p'ekenacapjjarusti lak'anacwa jach'jjatasipjje, chhanqha isinacampiw isthapisipjjaraqui. Jerusalén marcanquir tawakonacasti orakcamaw p'ekenacapsa alt'asipjjaraqui.

Joel 1:11

Jumanacasti yapuchirinaca, uqhamarac uva yapu uñjirinaca, jichhajj llaquisiñata jachapjjam, yapunacaman tucusitapata, trigosa, cebadasa jan achcjjatapata.

Joel 1:13

Jumanacasti sacerdotenaca, Diosan altarapan irnakerinaca, chhanqha isinacampi isthapisipjjam, llaquisiñatsa jachapjjaraquim, Diosan templopana jan trigosa, ni vinosa ofrenda churañataqui utjatap laycu.

Joel 1:5

“¡Jumanacasti, umatanaca sartapjjam! ¡Vino umirinaca, jichhajj jachapjjam, jichhajj jumanacataquejj janiw uvas achcjjaniti!

Levítico 10:3

Ucatsti Moisesajj Aaronarojj saraquïnwa: —Tatitojj acpï sañ munänjja cunapachatejj siscäna: ‘Qhitinacatejj nayaru jac'achasipjjetani ucanacarusti k'oma cancañajjwa uñacht'ayäjja, take israelitanacarusti c'ajquir khanajjwa uñacht'ayaraquëjja’ —sasa. Aaronasti uca arunaca ist'asajj janiw cunsa siscjjänti.

Amós 4:10

“Egipto marcar apaycayätsa uqham mä t'akhesiñaracwa jumanacarojj apayanipjjaracsma, waynanacarusti guerran jiwarayaractwa, caballonacapsti uñisirinacaparuraquiw catjjaruytjja; campamentonacan jiwaratäcän uca k'aphinacsa muqhirayaractwa, ucampis jumanacajj janiw nayarojj cutt'anipctati.” Uqham siw Tatitojja.

Amós 5:16

Aqham siw take ch'amani Tatitu Diosajja: “Take plazanacanwa jachañajj utjani, take callenacanwa warariñajj utjani, pampan utjirinacarusti llaquisiñaruraquiw jawsapjjani, uqhamarac jachiri jakenacarusti jachañaruraqui.

Amós 5:23

¡K'ochunacamjja nayat jithekayapjjeta; janiw ist'añ muncti arpanaca tocatanacamsa!

Amós 6:4

Marfilat c'achachat suma iquiñanacan wincurapjje, suma konuñanacapjjaruw jipirapjjaraqui, ucatsti jach'a mank'äwinacapataquisti ovej kallunacampi, liq'ïri vaca kallunacampi qharsuyasipjjaraqui.

Amós 6:5

Pinquillu phust'asaw cunayman k'ochupjje; David quipcaquiraquiw tocañ instrumentonacsa lurapjjaraqui;

Amós 6:8

Tatitu quipcaw juramento lurawayi; take ch'amani Tatitu Diosasti siwa: “Uñistwa Jacobun marcapan jach'a jach'a tucutapjja, uñisiractwa palacionacapsa, marcsa, uqhamaraqui cunanacatejj ucan utjqui ucamppacha, uñisiriruraquiw catjjaruyäjja.”

Amós 8:10

Fiestanacamjja jiwatanacat jachañaruw tucuyäjja, k'ochutanacamasti, imäwi llaquinacaruraquiw tucuyäjja; llaqui isimpiraquiw ist'ayäjja, ñic'utanacapsti llaquisiñatsa mururasipjjaraquiniwa. Jachapjjaraquiniwa mä sapa yokall wawapas jiwatäcaspa uqhama, take cunaw c'allc'u tucunejja.

Nahúm 3:3

¡Caballerían sartatapa! ¡Espadan khanatapa! ¡Lanzan llijutapa! ¡Warankanaca usuchjata jakenaca, jiwaratanacas montonaraqui! ¡Jake jiwatanacas jan tucusquiriraqui! ¡Jakesti uca jiwatanacaruw liwisipjje!

Sofonías 1:7

“¡Amuct'apjjam Dios nayrakatana, Tatitun urupawa jac'achasini! Ucatsti Diosaraquiwa mä sacrificio waquichi jupan arquirinacaparu.