Amós 8:6 - Qullan Arunaca

⁶ ¡Pobrenacarojj aynacht'ayapuniñäni jupanacpacha jiwasaru esclavot catuyasiñapcama manunacap phokhañataqui, mä paris wisqhuquisay manüscpan ucasa! ¡Trigo achunacsti jipimppachwa aljasiñäni!”

Aymar Bibliia 1986

⁶ ¡Pobrenacarojj aynacht'ayapuniñäni jupanacpacha jiwasaru esclavot catuyasiñapcama manunacap phokhañataqui, mä paris wisqhuquisay manüscpan ucasa! ¡Trigo achunacsti jipimppachwa aljasiñäni!”

Qullan Arunaka DC

⁶ ¡Jan kunaninakarux aynacht'ayapuniñäni, jupanakpacha jiwasar luqtirit aljasiñapkama, ukhamat manunakap phuqhañataki, mä paris wiskhuksa manüsipkpan ukasa! ¡Trigo achunaksti jipimppach aljañäni!” sasa.

Amós 8:6 Jak'a apnaqawi uñst'ayäwi

Nehemías 5:8

Ucatsti jupanacarojj sistwa: —Nanacajj cawqhacamatejj ch'amanacajjajj utjqui ucqhacamaw jiwasa marca masi judío jakenacar cutsuyanipjjta, qhitinacatejj jucharar marcanacar aljatäpcäna ucanacaru; ucatsti jichhajj ¿wastatampiti jupanacar aljapjjta nanacan cutsuyaniñataqui? —sasa. Ucatsti jupanacajj amuquïpjjänwa, janiraquiw camscjjapjjänsa.

Ezequiel 22:12

Yakhepa jakenacamasti kollke catokasipjjaraqui jake masiparu jiwayañataqui. Kollksa waljaptayañanacaru uqhamaraqui walja interesanwa mayt'apjjaraqui, jake masinacaparusti t'akhesiyasaraquiwa, irnakayapjje, nayatsti armasipjjaraquiwa. Naya Tatituw ucjja arsta.

Joel 3:3

Sorteasisinwa marcajj-jja jaljasipjjänjja, imill wawarusa, yokall wawarusa aljasipjjaraquïnwa, ucatsti uca kollkjja machañanacana, uqhamaraqui jan wali warminacampi sarnakañanacan tucjapjje.

Joel 3:6

Judá marcanquir jakenacarojja, uqhamaraqui Jerusalenanquirirusa jayaruw apapjjtajja, esclavotracwa griego jakenacaru aljapjjtajja.

Amós 2:6

Aqham siw Tatitojja: “Israel marcanquir jakenacajj walja ñankhanacpuni lurapjje, ucasti janiw jan mutuyatäpcaspati; jan cuna juchanirusti kollkeruw aljapjje, pobrerusti mä paris wisqhururaqui.

Amós 3:9

Asdod marcan palacionacapana, uqhamarac Egipton palacionacapansa yatiyapjjam, “Samaria oraken kollunacapar jutapjjam, ucatsti uñjapjjam cuna jan walt'añanacampi, cuna t'akhesiyañanacampitejj ucan utjqui ucanaca.”

Amós 4:1

Ist'apjjam aca arunaca, Basananquir kamir warminaca, qhitinacatejj Samaria kollunacan utjapjjta ucanaca, jumanacasti pobrenacarojj jachayapjjtawa, jan cunanirusti t'akhesiyapjjaractawa, chachanacamarusti “vino apanipjjam umañataqui” sapjjaractawa.

Amós 8:4

Ac ist'apjjam, alt'at chuyman jakenacar t'akhesiyirinaca, uqhamarac pobrenacaru tucjirinaca.

Zacarías 5:6

Juparusti jisct'aractwa: —¿Cunas ucajja? —sasa. Jupasti saraquituwa: —Ucajj mä tupuñawa. Marcpachan jacapqui ucan juchap tupuñawa —sasa.