Levítico 5:7 - Qullan Arunaca “Janitejj kollkejj ucacama utjarapcani mä jisc'a oveja alañataquejja, ucapachasti Tatitun ucarojj pä paloma, jan ucajj pä paloma wawa aparaquini uca jucha luratapatjja; ucanacat mayasti jucha luräwit loktani, maynïrsti naqhantayatäñatac ofrendat loktaraquini. Aymar Bibliia 1986 “Janitejj kollkejj ucacama utjarapcani mä jisc'a oveja alañataquejja, ucapachasti Tatitun ucarojj pä paloma, jan ucajj pä paloma wawa aparaquini uca jucha luratapatjja; ucanacat mayasti jucha luräwit loktani, maynïrsti naqhantayatäñatac ofrendat loktaraquini. Qullan Arunaka DC “Janitix mä jisk'a oveja alañatak qullqix utjkani ukapachasti, Tatitun ukarux pä qhurukutu, jan ukax pä paloman chhiwchhipa uka jucha luratapat apani; ukanakat maysti jucha luräwit wilañcha luqtani, maynïrsti nakhantayatäñatakiw luqtarakini. |
“Cunapachatejj uca k'omachasiña urunacajj phokhasjjani, mä yokall wawa jan ucajj mä imill wawa wawachasitapatjja, ucapachasti taycajj Tatitumpi Jiquisiñ Carpäquis uca nayrakataruw sarani mä marani orko oveja apjjaruwayaraquini Tatitutaqui k'ala nact'ayasa loktaraquini, mä paloma wawampi jan ucajj mä palomampsa, juchanacat sacrificio loktatäcaspas uqhama. Sacerdoteruw take ucanacajj catuyatäjjani,
Ucampisa uca taycantejj jan ucacamajj mä orko oveja alañataqui kollkejj utjarapcani ucapachasti, puediraquiniwa pä paloma jan ucajj pä paloma wawanacsa apaniña, maysti takpacha nact'ayasin loktañataqui, maysti jucha luratata loktañataquiraqui; ucapachaw sacerdotejj uca warmitaquejj juchapat pampachatäña jicjjataraquini, uca warmisti k'omachataw uñjasjjaraquini.
Ucjjarusti sacerdotejj maynïri paloma jan ucajj mä palom wawsa loktjjaraquini, cunjämarutejj k'omachasiri jakejj apancani uqhamarjama.
Maynïr palomjja jucha luratat sacrificio loktäwïcaspasa uqhamwa loktaraquini, maynïri palomsti k'ala naqhantayaraquïni, granonacat ofrenda loktasqui ucanacat sipansa. Uqhamatwa sacerdotejj cawquïri jaketejj k'omachasisqui ucataquejj juchanacapat perdón jicjjatani.”
Sacerdotesti uca palomanacat mayjja jucha luratata sacrificiot loktjjaraquini, maynïrsti k'ala nact'ayasaw loktjjaraquini. Uqhamwa sacerdotejj phokhani Tatitun nayrakatapana uca wila apayasir warmin k'omachasiñapa toketjja.
“Israelita jakenacataquisti, Aaronajj pä cabritompi mä orko ovejampi aparaquini, uca cabritonacsti jucha luratat sacrificio loktaraquini, orko ovejsti takpacha nact'ayasaw loktaraquini.
Cawquïri jaketejj arsüwipa phokhañataqui churaña muncani, ucat uca jakejj pobreraquïni, ucasti sacerdoten nayräjjaparu irpatäniwa, uqhamat sacerdotejj kawkhatejj churañapäqui uca sañapataqui, cunjämäquitejj uca churiri jakejj uqhamarjama.
“Ucat janipunitejj kollkejj utjarapcani pä palom, jan ucajj pä palom wawanaca alt'asiñataquisa, uca jucha luratapat ofrenda loktañataquejj pä kilo wali suma jac'u aparaquini. Uca jac'jjarusti janiw aceitempisa ni inciensompisa warjjatcaraquiniti, jucha luratat mä ofrenda loktatätap laycu.
“Yatcasin pantjasïwi jucha luräwinacat loktäwisti sinti kollanawa, uca tokenacata yatichäwisti aqhamawa:
Israelitanacarusti saraquim, jupanacajj mä cabrito churapjjaracpan jucha luräwita sacrificio loktañataqui, uqhamaraqui mä orko vacampi, mä ovejampi, ucanacasti mä maranïñapaquiwa, jan cuna camacht'ata c'umara uywanacaraqui, naqhantayat ofrenda loktatäñapataqui,
“Take Israelitanacar aqham sam: Cunapachatejj cawquïri jakesa, mä warmisa, Tatitur jan suma arccani, uqhamarac cuna jan walinacsa jake masipar lurani mä jach'a jucha lurasa,
Quimsakallko uru purinipansti, sacerdoten ucaruw apani pä tórtola sat jamach'inaca, uqhamarac pä paloma wawanaca Jiquisiñ Carpäquis uca mantañaru.
Sacerdotesti maynïrjja sacrificiotwa juchanacat loktani, maynïrsti takpach nact'ayasaw loktaraquini, ucatsti cunatejj waquisqui uca luraraquini, uca juchanacat perdón jicjjatañataqui, mä jiwatar llamct'atap laycu. Uca ururaquiw Tatiturojj ñic'utapjja wasitat catuyasjjani.
“¡Amuyasipjjam! Nayasti jumanacarojj ovejanacjamwa kamakenac taypiru qhitapjjsma. Catarinacjam ch'iqhïpjjam, palomanacjam llamp'u chuymaniraqui.
Jesusasti Diosan templopar mantasinjja take ucan aljasirinacaru uqhamarac alasirinacaruw ankaru alissüna. Kollke troquirinacan mesanacapsa liwinucünwa, uca quicparaquiw luräna paloma aljirinacan sillanacapsa.
Cunapachatejj Jesusajj bautisatäjjän ucqhajja, umatwa mistunjjäna, ucatsti mayacwa alajjpachajj jist'artäna, Jesusasti uñjaraquïnwa Kollan Ajayurojj palomar uñtat jupjjar sarakasinquiri.
Jupanacajj sarapjjänwa sacrificio loktiri, cunjämtï Tatitun leyipajj sisqui uqhamarjama: “Pä paloma jan ucajja pä khorucut apapjjañapäna.”
Cunapachatejj maynejj churañ muni ucqhajja Diosajj catokewa utjiriparjama. Jupajj janiw mayquiti maynin jan utjcchi ucqhajja.