Levítico 5:7 - Qullan Arunaka DC

⁷ “Janitix mä jisk'a oveja alañatak qullqix utjkani ukapachasti, Tatitun ukarux pä qhurukutu, jan ukax pä paloman chhiwchhipa uka jucha luratapat apani; ukanakat maysti jucha luräwit wilañcha luqtani, maynïrsti nakhantayatäñatakiw luqtarakini.

Aymar Bibliia 1986

⁷ “Janitejj kollkejj ucacama utjarapcani mä jisc'a oveja alañataquejja, ucapachasti Tatitun ucarojj pä paloma, jan ucajj pä paloma wawa aparaquini uca jucha luratapatjja; ucanacat mayasti jucha luräwit loktani, maynïrsti naqhantayatäñatac ofrendat loktaraquini.

Qullan Arunaca

⁷ “Janitejj kollkejj ucacama utjarapcani mä jisc'a oveja alañataquejja, ucapachasti Tatitun ucarojj pä paloma, jan ucajj pä paloma wawa aparaquini uca jucha luratapatjja; ucanacat mayasti jucha luräwit loktani, maynïrsti naqhantayatäñatac ofrendat loktaraquini.

Levítico 5:7 Jak'a apnaqawi uñst'ayäwi

Levítico 12:6

“Kunapachatix q'umachasiñ urunakax phuqhasxani, wawapax yuqallächini, jan ukax, imillächini ukapachasti taykax Tatitump Jikisiñ Carpäkis uka nayraqataruw sarani, ukatsti mä marani urqu ovejampi, paloman chhiwchhipampi jan ukax, mä qhurukutumpi aparakini, juchat nakt'at wilañcha Tatitur luqtañataki. Uksti sacerdoteruw katuyani,

Levítico 12:8

Ukampisa uka taykantix mä urqu oveja alañataki qullqix jan utjarapkani ukapachasti, pä qhurukutu jan ukax paloman pä chhiwchhipa apanirakispa, mayax nakt'ayas luqtañataki, mayasti jucha luratat wilañcha luqtañataki; ukapachaw sacerdotex uka warmitak juchapat pampachatäñ mayini, uka warmisti q'umachataw uñjasxarakini.

Levítico 14:30

Ukxarusti sacerdotex mayïri qhurukutu, jan ukax mä paloma chhiwchhi luqtxani, kunjämarutix q'umachasiri jaqix apankani ukhamarjama.

Levítico 14:31

Mayïr qhurukutux jucha luratat wilañcha luqtäwitakïniwa, mayïristi nakhantayat luqtäwitakirakïniwa, granonakat waxt'a luqtaski ukanakamp kuna. Ukhamat sacerdotex q'umachasir jaqin juchapat pampachatäñ jikxatani.”

Levítico 15:30

Sacerdotesti mayxa jucha luratat wilañcha luqtxani, maysti nakt'ayasaw luqtxarakini, ukhamat uka wila apayasir warmix wasitat q'umäxarakini,

Levítico 16:5

“Israelita jaqinakatsti, Aaronax pä cabritompi mä urqu ovejampi apani, uka cabritonakxa jucha luratat wilañcha luqtani, urqu ovejsti taqpach nakt'ayasaw luqtarakini.

Levítico 27:8

Uka jaqitix t'aqhin jakani ukatsti janirak ukkha qullqi churañatak utjarapkani ukasti, sacerdoten ukar sarañapawa, sacerdotew qawqtix uka jaqix churkaspa ukhamarjam alap sani.

Levítico 5:11

“Ukat janipun qullqix utjarapkani pä qhurukutu, jan ukax pä paloman chhiwchhipa alt'asiñatakixa, uka jucha luratapat waxt'a luqtañatakix pä kilo wali suma jak'u apani. Uka jak'urusti janiw aceitempisa, inciensompis warxatañapäkiti jucha luratat mä waxt'a luqtatätap layku.

Levítico 7:1

“Jucha luräwinakat wilañcha luqtäwix aski qullanawa. Uka tuqinakat yatichäwinakasti akanakawa:

Levítico 9:3

Israelitanakarusti sarakim, jupanakax mä chivo churapxpan jucha luräwit wilañcha luqtañataki, nakt'ayat waxt'a luqtañatakisti, marani mä urqu vacampi, marani mä ovejampi apanipxpan, uka uywanakasti jan kuna kamacht'atäñapawa,

Números 5:6

“Israelitanakar akham sarakim: Kunapachatix khiti jaqisa, mä warmisa, Tatitur jan suma arkkani, ukhamarak kuna jan walinaksa jaqi masipar lurani mä jach'a jucha lurasa,

Números 6:10

Kimsaqallqür ururusti, sacerdoten ukaruw apani pä qhurukutu, jan ukax, pä paloma chhiwchhinaka, uksti sacerdoteruw katuyani qullan utjäwir mantañana.

Números 6:11

Ukatsti sacerdotex ukanak luqtani; mayax jucha luratat wilañcha luqtäniwa, mayasti nakt'at luqtarakïniwa, ukampiw mä jiwatar llamkt'ata jucha luratapat pampachayasiñ jikxatani. Ukürpachaw Tatitur katuyasit jaqix ñik'utap wasitat qullanañchasxani,

Mateo 10:16

“¡Amuyasipxam! Nayasti jumanakarux ovejanakjam qamaqinak taypiruw khithapxsma. Katarinakjam ch'ikhïpxam, palomanakjam llamp'u chuymanïpxarakim.

Mateo 21:12

Jesusasti Diosan utapar mantasin taqi ukan aljirinakampiru, alasirinakampiruw anqar alissüna. Qullqi turkasirinakan uchasiñanakap liwinuküna, paloma aljirinakan qunuñanakap jaqurpayäna;

Mateo 3:16

Kunapachatix Jesusax bautisatäxasin umat mistunxän ukkhasti, alaxpachaw jist'artäna, ukatsti Qullan Ajayurux palomar uñtat jupxar saraqasinkir uñjäna.

Lucas 2:24

Jupanakasti wilañcha luqtiriw sarapxäna, Tatitun kamachipax siski ukhamarjama: Pä jisk'a paloma jan ukax, pä qhurukutu apapxañapäna.

2 Corintios 8:12

Maynitix taqi chuyma churañ munchi ukaxa, Diosax churirin utjiripatjam katuqi. Jupax janiw kunsa maykiti, maynin jan utjkchi ukkhaxa.