Mateo 10:16 - Qullan Arunaca

¹⁶ “¡Amuyasipjjam! Nayasti jumanacarojj ovejanacjamwa kamakenac taypiru qhitapjjsma. Catarinacjam ch'iqhïpjjam, palomanacjam llamp'u chuymaniraqui.

Aymar Bibliia 1986

¹⁶ “¡Amuyasipjjam! Nayasti jumanacarojj ovejanacjamwa kamakenac taypiru qhitapjjsma. Catarinacjam ch'iqhïpjjam, palomanacjam llamp'u chuymaniraqui.

Qullan Arunaka DC

¹⁶ “¡Amuyasipxam! Nayasti jumanakarux ovejanakjam qamaqinak taypiruw khithapxsma. Katarinakjam ch'ikhïpxam, palomanakjam llamp'u chuymanïpxarakim.

Mateo 10:16 Jak'a apnaqawi uñst'ayäwi

Génesis 3:1

Diosasti take animalanac lurcatayna ucanac taypinjja catarejj wali ch'iqhïnwa take animalanacat sipansa, ucatsti warmiruw jisct'äna aqham sasa: —¿Uqhamajj Diosajj sapjjtamti: ‘Janiw cawquïri kokan achunacapsa mank'apjjätati’ sasa?

Génesis 3:13

Ucatsti Tatitu Diosajj warmirojj jisct'araquïnwa: —¿Cunatsa uc lurta? —sasa. Warmisti saraquïnwa: —Catariw nayarojj c'arintitu ucatwa nayajj mank'antta —sasa.

Nehemías 4:13

Ucatsti nayajj jakenacarojj maytwa familia, familia, tantachasipjjañapataqui perka khepäjjana, uqhamarac jan perkas alaycamäquiti uca chekawjanacaru, uqhamaraqui p'iyawjäquis ucqhanacarusa espadanacani, lanzanacani, uqhamarac flecht'aña arconacani.

Jeremías 40:16

Ucampisa Gedaliasajj saraquïnwa: ¡Jan cunsa luramti! Cuntejj Ismael toketa parlapqui ucajj janiw chekäquiti” sasa.

Oseas 7:11

Efrainajj ipi palomjamawa, jan amuyuni. Egiptoruw yanapjja mayi, ucatsti Asiriaruquiw sararaqui.

Mateo 24:25

Take acanacsti jumanacarojj nayrakatwa yatiyapjjsma.

Mateo 24:45

“¿Qhitis suma uywatajja amuyuniraquejja, ucat utanipajj jupar jaytawayaspan take utancquis ucanacar horasapar mank'anacs churañapataqui?

Mateo 25:2

Uca tuncanitjja pheskanejj wali amuyasirïpjjänwa, pheskanisti pisi amuyt'aniraquïnwa.

Mateo 25:4

Ucampis amuyt'aninacäcäns ucanacasti lamparanacapataquejj yakha botellampiruw apasipjjatayna lamparaparusti phokharaqui.

Mateo 25:9

Amuyt'aninacäcäns ucanacasti jupanacarojj sapjjewa: ‘Janiwa, jumanacataquis ni nanacataquis pist'aspawa churapjjerisma ucajja. Sarapjjamay cawqhantejj aljquis ucaru, ucatsti alasipjjaraquim jumanacataqui’ sasa.

Lucas 10:3

Sarapjjam, amuyasipjjaraquim ovejanacarjamaw tiwulanac taypiru qhitapjjsma.

Lucas 21:15

Nayaw jumanacarojj yatiñ cancañan phokt'at arunacsa, churapjjäma, ucarusti janiraquiw qhiti uñisirinacamasa camsañataquis ch'amanïpcaniti.

Hechos 20:29

Nayasti yattwa, naya sarjjä uca khepatjja, yakhanacaw jutapjjani iglesia t'unjañ munasa, cunjämtejj kamakenacajj ovejanacar tucjañataqui jutapquejja uqhama.

1 Corintios 14:20

Jilatanaca, jan wawjam amuyt'asirïpjjamti. Jan ucasti jan walinac lurañataquiqui wawjamäpjjam, ucampis amuyt'asiñ tokensti jach'a jakenacjamäpjjaraquim.

2 Corintios 1:12

Mayaw nanacarojj cusisiyapjjetu. Chuymanacajjajj sapjjetuwa nanacajj aca orakenjja mä suma chuymampi, uqhamarac k'oma chuymampi sarnakapjjatajja, jumanac taypinjja yämasa. Diosaw qhuyapayasiñapanjja uqham sarnakañataquejj yanapapjjetu, janiw nanacan amuyt'asipjjatanacajj laycuti.

2 Corintios 11:14

Acajj janiw cunäquisa; pachpa Supayapuniw uqham mä khana angeläcaspas uqham tucujja.

2 Corintios 11:3

Cunjämatejj catarejj Eva warmirojj wali c'arinacapampi sallkjänjja, uqhamaraquiw nayajj jumanacatjja llaquista: “Acanacajj amtäwinacapan sallkjayasipcanicha” sasa, uqhamäspa ucajj jumanacajj saraktasjjapjjasmawa, Cristor k'oma chuymampi sirviñatjja.

2 Corintios 8:20

Uqhamatwa nanacajj cuna jan walsa jan parlayasiñ munapcti aca ofrendanac apthapipjjatajjata.

Filipenses 2:15

uqhamat jan qhitis cunatsa jumanacar juchañchañapataqui, jan ucasti Diosan wawanacapjama jan cuna k'añuni jan wali jakenac taypins jicjjatasipjjañamataqui. Jumanacasti jupanac taypinjja c'ajapjjapunim cunjämatejj mä warawarajj ch'amac taypin c'ajqui uqhama,

Colosenses 1:9

Ucat nanacajj cunürutï ucanac yatipcta ucürutpachaw jumanacataquejj jan karjasisa orapjjta, Diosatjja mayipjjtwa jumanacajj jupan munañapa amuyt'apjjañamataqui, uqhamarac take casta yatiñanacsa ajay token amuyt'añanacsa jumanacar churaniñapataqui.

Colosenses 4:5

Qhitinacatejj jan iyawsirïpqui ucanacampejj suma amuyt'ampi sarnakapjjam, take horasanacansa asquinac lurapjjam.

1 Tesalonicenses 2:10

Jumanacaw testigöpjjta, Diosas testigoraquiwa, nanacan k'oma cancañan sarnakatanacajjatjja, jumanac iyawsirinacampis, jan qhitinsa ni cunjjatsa juchañchayasiñataquisa.

1 Tesalonicenses 5:22

Take jan walinacat saraktapjjam.