Mateo 10:16 - Qullan Arunaka DC

¹⁶ “¡Amuyasipxam! Nayasti jumanakarux ovejanakjam qamaqinak taypiruw khithapxsma. Katarinakjam ch'ikhïpxam, palomanakjam llamp'u chuymanïpxarakim.

Aymar Bibliia 1986

¹⁶ “¡Amuyasipjjam! Nayasti jumanacarojj ovejanacjamwa kamakenac taypiru qhitapjjsma. Catarinacjam ch'iqhïpjjam, palomanacjam llamp'u chuymaniraqui.

Qullan Arunaca

¹⁶ “¡Amuyasipjjam! Nayasti jumanacarojj ovejanacjamwa kamakenac taypiru qhitapjjsma. Catarinacjam ch'iqhïpjjam, palomanacjam llamp'u chuymaniraqui.

Mateo 10:16 Jak'a apnaqawi uñst'ayäwi

Génesis 3:1

Diosasti taqi laq'unak lurkatayna uka taypinxa, asirux taqi uka laq'unakat sipan wali sallqänwa, ukatsti warmirux akham sasaw jiskt'äna: —¿Ukhamasti Diosax sapxtamti: “Janiw kawkïri quqan achunakapsa manq'apxätati” sasa?

Génesis 3:13

Ukat Tatit Diosax warmir jiskt'arakïna: —¿Kunatsa jumax uk lurta? —sasa. Warmisti sarakïnwa: —Katariw nayarux sallqjitu, ukat nayax manq'antta —sasa.

Nehemías 4:13

13 (7) Ukat nayax jaqinakar mayïyäta nuwantasiñatak wakicht'asipxañapataki. Ukatsti ut uta jupanakax pirqa qhipäxan tantachasipxañapataki, ukhamarak kawkhanakantix pirqax janïr askichatäki ukkhanakana, k'ajlla chiqanakana, espadanakani, lanzanakani, mich'inak antutt'añanakani.

Jeremías 40:16

Ukampis Guedaliasax sarakïnwa: —¡Jan kunsa luramti! Kuntix Ismaelxat parlkta ukax janiw chiqäkiti —sasa.

Oseas 7:11

Israelax jan amuyuni ipirat palomjamaw jikxatasi. Egipto markaruw yanap mayi, Asiria markaruw yanap mayirix sari.

Mateo 24:25

Jumanakarusti taqi akanak janïräkipan yatiyapxsma.

Mateo 24:45

“¿Khitirak aski amuyt'an suma uywatasti? Juparuw uywiripax utapankirinakar wakisitaparjam manq'a churañapatak jayti.

Mateo 25:2

Uka tunkanit phisqanix pisi amuyunïnwa, phisqanisti suma amuyt'aniraki.

Mateo 25:4

suma amuyt'an tawaqunakasti, lamparar yapt'añatakix aceite jilpach apasipxatayna.

Mateo 25:9

Amuyt'an tawaqunakasti jupanakarux sänwa: ‘Aceitex janiw jumanakamppachatak utjkiti, churapxirisma ukax pist'apxitaspawa. Kawkhantix aceite aljapki ukar alasir sarapxam’ sasa.

Lucas 10:3

Sarapxam, amuyasipxarakim, nayasti ovejanakarjamaw qamaqinak taypir khithapxsma.

Lucas 21:15

nayaw jumanakarux yatiñ kankañan phuqt'at arunak churapxäma, ukarusti janirakiw khiti uñisirinakamas kun kamsañatakis ch'amanïpkaniti.

Hechos 20:29

Nay sarxä uka qhipatsti, yaqhanakaw jutapxani, jupanakasti qamaqinakar uñtataw iglesia t'unjañ munapxani.

1 Corintios 14:20

Jilatanaka, janiy jumanakax wawanakjam lup'ipxamti. Jan ukasti, jan walinak lurañatakik wawjamäpxam; amuyt'asiñansti jach'a jaqinakjamäpxam.

2 Corintios 1:12

Nanakax taqi jaqinak nayraqatana, juk'ampis jumanak nayraqatana, suma, ukhamarak q'uma chuyman sarnaqapxataxat kusisipxta. Uksti, janiw nanakan yatiñ kankañaxampi lurapkti, jan ukasti, Diosan yanapapampiw lurapxta, ukat munasiñapat jupar yuspagarapxta.

2 Corintios 11:14

Ukasti janiw kunäkisa, pachpa Supayaw k'ajkir angeläkaspas ukham tuku;

2 Corintios 11:3

Ukampis axsarañaxaw utjitu, kunjämatix katarix Eva warmir k'arinakapampi sallqantänxa, ukhamach jumanakan chuymanakam sallqantarakispa uk amuyta, ukhamäspa ukasti Cristor q'uma chuymampi arkañat saraqtayapxiristam.

2 Corintios 8:20

Uka yanapt'a apthapipkta ukat janiw khitimpis jisk'achayasiñ munapkti,

Filipenses 2:15

ukhamat jan khitis jumanakar mä kunatsa juchañchaskañapataki, jan ukasti Diosan wawanakapjam jan akch'as q'añuni uka jan wali jaqinak taypin jikxatasipxañamataki. Jumanakasti, ch'amak taypin k'ajir warawarjam jupanak taypin k'ajapxapunim,

Colosenses 1:9

Ukat nanakax, yatipkta ukürutpach jumanakatakix jan qarjasisaw Tatitut mayipxta, Diosan jumanakar munañap uñacht'ayañapataki, kunayman yatiñ kankaña, ajay tuqin amuyt'a kankañ churañapatakiw mayipxarakta.

Colosenses 4:5

Tatitur jan iyawsirinakampisti, suma amuyt'ampi sarnaqapxam, sapa kuti ukham lurañ utjkipansa, askinak lurapxam.

1 Tesalonicenses 2:10

Jumanakaw uñjasipkistaxa, Diosasti uñjasipkarakituwa, nanakasti qullan kankañana, chiqapana, jan kamskayaw jumanak Cristonkirinakampix sarnaqapxta.

1 Tesalonicenses 5:22

Taqi ñanqha lurañat jithiqtapxam.