Levítico 9:3 - Qullan Arunaca

³ Israelitanacarusti saraquim, jupanacajj mä cabrito churapjjaracpan jucha luräwita sacrificio loktañataqui, uqhamaraqui mä orko vacampi, mä ovejampi, ucanacasti mä maranïñapaquiwa, jan cuna camacht'ata c'umara uywanacaraqui, naqhantayat ofrenda loktatäñapataqui,

Aymar Bibliia 1986

³ Israelitanacarusti saraquim, jupanacajj mä cabrito churapjjaracpan jucha luräwita sacrificio loktañataqui, uqhamaraqui mä orko vacampi, mä ovejampi, ucanacasti mä maranïñapaquiwa, jan cuna camacht'ata c'umara uywanacaraqui, naqhantayat ofrenda loktatäñapataqui,

Qullan Arunaka DC

³ Israelitanakarusti sarakim, jupanakax mä chivo churapxpan jucha luräwit wilañcha luqtañataki, nakt'ayat waxt'a luqtañatakisti, marani mä urqu vacampi, marani mä ovejampi apanipxpan, uka uywanakasti jan kuna kamacht'atäñapawa,

Levítico 9:3 Jak'a apnaqawi uñst'ayäwi

Génesis 37:31

Jupanacasti Josean isip catusinjja, mä cabrito jiwayasin uca wilaruw chillsupjjäna,

Esdras 10:19

jupanacasti take chuymawa arsusipjjäna warminacaparu qhitanucjjañataqui, ucatsti mä ovejwa uchapjjäna juchanacapata ofrenda loktañataqui.

Esdras 6:17

Uca urunsti sacrificionacjja loktapjjänwa pataca vaca kallunaca, pä pataca qhariñ ovejanaca, uqhamarac pusi pataca mä marani ovejanaca, ucjjarusti tunca payan chivonaca, israelitanacan tribunacapatjja mayacama take Israel marcpachana juchanacapata loktasisina.

Éxodo 12:5

‘Aca uywasti orköñapawa mä marani, c'umara uywäñaparaquiwa, ovejanacata jan ucajj cabritonacatsa.

Isaías 53:10

Tatituw juparojj uqham t'akhesiyäna. Niyaquejjay jupajj jucha laycu sacrificiot catuyaschïnjja, jichhajj wali jaya maranacaw jacaraquini; wawanacapsti uñjasiraquiniwa, jupa tokeraquiw Tatitun amtatanacapajj suma phokhasini.

Levítico 10:16

Ucatsti Moisesajj tumparaquïnwa cawquïri cabritotejj jucha luratata sacrificiot loktatäcänjja uca, ucatsti yatisjjaraquïnwa uca cabritojj naqhantayatäjjatapa. Ucatwa Moisesajj colerasïna Eleazar, uqhamarac Itamar sisqui ucanacataquejja, ucanacasti Aaronan pani yokanacapajj jilt'cäna ucanacänwa, ucat jupanacarojj saraqui:

Levítico 12:6

“Cunapachatejj uca k'omachasiña urunacajj phokhasjjani, mä yokall wawa jan ucajj mä imill wawa wawachasitapatjja, ucapachasti taycajj Tatitumpi Jiquisiñ Carpäquis uca nayrakataruw sarani mä marani orko oveja apjjaruwayaraquini Tatitutaqui k'ala nact'ayasa loktaraquini, mä paloma wawampi jan ucajj mä palomampsa, juchanacat sacrificio loktatäcaspas uqhama. Sacerdoteruw take ucanacajj catuyatäjjani,

Levítico 14:10

“Quimsakallko ururusti pä orko ovejanaca caturaquini, uca ovejanacasti k'oma ovejanacäñaparaquiwa, uca quipcaraqui mä kachu ovejampi, ucasti mä maranïñapawa jan cuna camacht'ataraqui; uqhamarac sojjta kilo chicatani suma jac'umpi, uqhamata granonacat mä suma ofrenda loktañataquisti, aceitempi chaputäñaparaquiwa, ucjjarusti niya chicat litro aceitempi cuna.

Levítico 16:15

uca khepatwa cabritorojj jiwayjjaraquini, jakenacan juchanacapata mä sacrificiöcaspasa uqhama, ucatsti uca wiljja velo khepäjjaruw apjjaraquini; uca mankhanwa taparojj patjjata uqhamarac nayräjjata ch'allt'ani, cunjämtejj vacan wilapampejj ch'allt'cäna uqhama.

Levítico 16:5

“Israelita jakenacataquisti, Aaronajj pä cabritompi mä orko ovejampi aparaquini, uca cabritonacsti jucha luratat sacrificio loktaraquini, orko ovejsti takpacha nact'ayasaw loktaraquini.

Levítico 23:12

Uca pachpa uru cunapachatejj uca trigo marka churapcäta uca urusti mä marani oveja churapjjaraquïta, uca ovejasti jan cuna camacht'ata k'oma ovejäñaparaquiwa, ucasti Tatitutaqui nact'ayasina loktatäñaparaquiwa.

Levítico 4:23

Cunapachatejj uca jucha luratapa amuyasjjani ucapachasti mä c'umara orko cabrito ofrendat apjjaraquini.

Levítico 4:3

“Jucha lurirïqui ucatejj jilïr sacerdotënejja, jakenacjjaru juchapajj puritap laycojja, mä c'umara orko vaca uca jucha luratapatjja loktañapawa.

Levítico 9:2

ucat Aaronarojj saraquïna: “Jichhajj mä orko vaca kallu irpjjarum, uqhamaraqui mä orko ovejampi, ucanacasti jan cuna camacht'ata c'umara uywanacäñapawa, ucanacsti k'ala naqhantayatäñataqui sacrificiot Tatitur loktaraquim.

Levítico 9:4

uqhamaraqui mä orko vacampi, mä orko ovejampi Tatitun nayrakatapanjja qharinucuspan, sumancthapiñataqui sacrificiot loktata. Ucjjarusti granonacat waquichata ofrenda apanipjjaracpan, aceitempi chaptata, jichhürusti Tatituw jumanacaru uñstapjjätam uca laycu” sasa.

Romanos 8:3

Diosajj phokhawayjjewa cuntejj Moisesan leyipajj jan lurcäna jan ch'amanïtapata, jiwasanacan wali juchararätas laycu. Diosasti jupan mä sapa Wawaparuw qhitani jiwasjam janchi cuerponi, uca quipca jucharus purirjamaraqui. Jupasti jucha laycu jiwañataquiw juti, ucatsti jupajj jucharojj juchañchawayiwa, janchincasinracwa atipjawayi.

2 Corintios 5:21

Cristojj janiw cuna juchsa lurcänti, ucampis Diosajj juparojj mä juchan jakerjamaw uñjäna jiwasanac laycu, jiwasajj Cristomp chicäjjatas laycojj mä chekap jacañanëjjañasataqui, cunjämtï Diosajj jacañas munqui uqhama.

Tito 2:14

Jupawa jiwas laycu jiwawayi jan walinacat jiwasar khespiyañataqui, k'omachañataqui, uqhamata jupancañataqui jan karjasisa asqui lurañasataqui.

1 Pedro 2:24

Jesucristo quipcaraquiw juchanacasjja pachpa cuerpopjjaru apawayjje, crusan jiwasina, uqhamata jiwasajj jucha lurañar jiwañasataqui, mä suma jacañan jacañasataqui. Jupajj chhojjriñchjatänwa jumanacajj c'umaräpjjañamataqui.

1 Pedro 3:18

Cristo quipcaraquiw juchanacas laycojj jiwäwipanjja t'akhesiwayejja jan mayampitaqui. Jupajj asqui jakënwa, ucampis jiwasan jan walïtas laycuw t'akhesiwayi, jiwasar Diosar irpañataqui. Janchinaqui jiwatänjja ucampis ajayupanjja jactanjjewa.

Apocalipsis 5:9

Mä machak k'ochu k'ochupjjaraquïna: “Jumajj asquïtawa uca libro catuñataqui, sellonacap ch'iyarañataquisa; jumarojj jiwayapjjäyätamwa, ucatsti wilamampiw Diosataqui alapjjestajja, take casta jakenacaru, cunayman parlani jakenacaru jisc'a marcaru, jach'a marcaru.