Levítico 9:3 - Qullan Arunaka DC

³ Israelitanakarusti sarakim, jupanakax mä chivo churapxpan jucha luräwit wilañcha luqtañataki, nakt'ayat waxt'a luqtañatakisti, marani mä urqu vacampi, marani mä ovejampi apanipxpan, uka uywanakasti jan kuna kamacht'atäñapawa,

Aymar Bibliia 1986

³ Israelitanacarusti saraquim, jupanacajj mä cabrito churapjjaracpan jucha luräwita sacrificio loktañataqui, uqhamaraqui mä orko vacampi, mä ovejampi, ucanacasti mä maranïñapaquiwa, jan cuna camacht'ata c'umara uywanacaraqui, naqhantayat ofrenda loktatäñapataqui,

Qullan Arunaca

³ Israelitanacarusti saraquim, jupanacajj mä cabrito churapjjaracpan jucha luräwita sacrificio loktañataqui, uqhamaraqui mä orko vacampi, mä ovejampi, ucanacasti mä maranïñapaquiwa, jan cuna camacht'ata c'umara uywanacaraqui, naqhantayat ofrenda loktatäñapataqui,

Levítico 9:3 Jak'a apnaqawi uñst'ayäwi

Génesis 37:31

Jupanakasti mä cabrito jiwayapxäna, ukatsti Josean isip katusin uka wilaruw chillsupxäna;

Esdras 10:19

jupanakasti taqi chuymaw warminakapar khithanukxañatak arsupxäna, ukatsti mä oveja uchapxäna juchanakapat waxt'äwi luqtañataki.

Esdras 6:17

Ukürusti, wilañcha luqtapxäna: patak vaca qallunaka, pä patak khariñ ovejanaka, pusi patak mä maran ovejanaka, ukxarusti, tunka payan chivonaka, israelitanakan sapa ayllunakapatxa mayakama, Israel markpacha juchanakapat pampachat uñjasiñataki.

Éxodo 12:5

Uka uywasti mä maranïñapawa, jan kamacht'at suma k'umar urqu uywäñapawa, uka uywax ovejäpasa, cabritöpasa.

Isaías 53:10

Tatituw juparux ukham t'aqhisiyäna. Niyakixay jupax juchanakas layku luqtasiwaychixa, jichhax wali jaya maranakaw jakani; wawanakaparus uñjarakiniwa, kuntix Tatitux munki uk phuqhani.

Levítico 10:16

Ukatsti Moisesax kawkïri chivotix jucha luratata wilañcha luqtañatakïki uk tumpäna, ukatsti uka chivon nakhantayatäxatap yatisinxa, Moisesax Eleazar, ukhamarak Itamar jupanakatakiw phiñasïna, jupanakasti Aaronan pani yuqanakapänwa, ukat jupanakarux sarakïna:

Levítico 12:6

“Kunapachatix q'umachasiñ urunakax phuqhasxani, wawapax yuqallächini, jan ukax, imillächini ukapachasti taykax Tatitump Jikisiñ Carpäkis uka nayraqataruw sarani, ukatsti mä marani urqu ovejampi, paloman chhiwchhipampi jan ukax, mä qhurukutumpi aparakini, juchat nakt'at wilañcha Tatitur luqtañataki. Uksti sacerdoteruw katuyani,

Levítico 14:10

“Kimsaqallqu ururusti jan kunas kamacht'at pä urqu ovejampi, marani mä qachu ovejampi, suxta kilo chikatan aceitempi chapt'at suma jak'umpi, ukxarusti niya chikat litro aceitempi, taqi ukanaksti waxt'a luqtañatak apaniñapawa.

Levítico 16:15

uka qhipatsti jaqinakan juchanakapat mä wilañchäkaspas ukham luqtañatakiw cabritorux jiwayxani, wilapsti velo qhipäxaruw apxani; uka manqhan arcan qhuphiñaparux kunjämtix vacan wilapampix ch'allt'käna ukham ch'allt'arakini.

Levítico 16:5

“Israelita jaqinakatsti, Aaronax pä cabritompi mä urqu ovejampi apani, uka cabritonakxa jucha luratat wilañcha luqtani, urqu ovejsti taqpach nakt'ayasaw luqtarakini.

Levítico 23:12

Trigo marqa churapkäta uka pachpa urunsti, mä maran jan kamacht'at urqu oveja nakt'ayas luqtañapatak churapxarakïta.

Levítico 4:23

Kunapachatix uka jucha luratapa amuyasxani ukapachasti mä jan kuna kamacht'at chivo waxt'a luqtañatak apxarakini.

Levítico 4:3

“Jilïr sacerdotetix juch luranixa, uka jucha luratapan taqi jaqinakxar puritap laykux, mä k'umar urqu vaca uka jucha luratapat luqtañapa.

Levítico 9:2

Aaronarusti sarakïnwa: “Jichhax mä urqu vaca qallu irpxarum, ukhamarak mä urqu ovejampi, ukanakax jan kuna kamacht'at uywanakäñapawa, ukanaksti nakt'at wilañcha Tatitur luqtarakim.

Levítico 9:4

ukhamarak mä urqu vacampi, mä urqu ovejampi sumankthapiñatak wilañcha luqtañatak Tatit nayraqatan kharinukuspan. Ukxarusti granonakat aceitempi chapt'at waxt'a apanipxpan, Tatituw jichhürux jumanakar uñstapxätam uka layku” sasa.

Romanos 8:3

Diosax kuntix Moisesan kamachipax jan lurkän uk phuqhawayi, jaqin janchi kankañanïtap laykuw ukax jan luraskänti: Diosasti jupan mä sapa Wawap khithani, juchan jaqjam janchi kankañani, jucha layku jiwiri, ukhamat janchi kankañanïkasin juchar t'unjañataki.

2 Corintios 5:21

Cristox janiw kuna juchsa lurkänti; ukampis Diosax jiwasanak laykuw juchan jaqirjam uñjäna, ukhamat jiwasanakan Cristonkasin askit katuqatäñasataki.

Tito 2:14

Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.

1 Pedro 2:24

Jesucristo pachpaw cruzan jiwasin juchanakas janchipxar apawayxi, ukhamat jiwasanakax jucha jan luras jakxañasataki, jan ukasti askinak luras jakañasataki. Jupax jumanak k'umaräpxañamatakiw chhuxriñchjatänxa.

1 Pedro 3:18

Cristox mä kutikiw juchanakas pampachañatak jiwawayi. Jupax aski jaqïnwa, ukampis juchararanak laykuw t'aqhisiwayi, ukhamat jiwasanakar Diosan ukar irpkatañataki. Jupax janchin jiwawayi; ukampis ajayun jakxañatakiw jaktaniwayi,

Apocalipsis 5:9

Jupanakasti taqpachaniw aka machaq q'uchu q'uchupxäna: “Jumakiw uka qillqat katuñatak askïtaxa, sellonakap ch'iyaqañatakis askirakïtaxa, jiwayat uñjasitam layku; wilam wartasaw Diosatak alawayta, taqi jaqinaka, kunayman parlan jaqinaka, jisk'a markanaka, jach'a markanaka.