Lucas 2:24 - Qullan Arunaca

²⁴ Jupanacajj sarapjjänwa sacrificio loktiri, cunjämtï Tatitun leyipajj sisqui uqhamarjama: “Pä paloma jan ucajja pä khorucut apapjjañapäna.”

Aymar Bibliia 1986

²⁴ Jupanacajj sarapjjänwa sacrificio loktiri, cunjämtï Tatitun leyipajj sisqui uqhamarjama: “Pä paloma jan ucajja pä khorucut apapjjañapäna.”

Qullan Arunaka DC

²⁴ Jupanakasti wilañcha luqtiriw sarapxäna, Tatitun kamachipax siski ukhamarjama: Pä jisk'a paloma jan ukax, pä qhurukutu apapxañapäna.

Lucas 2:24 Jak'a apnaqawi uñst'ayäwi

Levítico 1:14

“Naqhantayañatac Tatitur loktäwitejj mä jamach'ïnejja, ucajj palomäñapawa, jan ucajj mä palom wawa.

Levítico 12:2

“Israelitanacarusti aqham saraquim: Cunapachatejj mä warmejj usur jakeptani, ucatsti mä yokall wawa wawachasiraquini, uca warmisti pakallko urucamawa k'añu uñjasini, cunjämatejj phajjsi wilapan jutatajj uñjasirïqui uqhama.

Levítico 5:11

“Ucat janipunitejj kollkejj utjarapcani pä palom, jan ucajj pä palom wawanaca alt'asiñataquisa, uca jucha luratapat ofrenda loktañataquejj pä kilo wali suma jac'u aparaquini. Uca jac'jjarusti janiw aceitempisa ni inciensompisa warjjatcaraquiniti, jucha luratat mä ofrenda loktatätap laycu.

2 Corintios 8:9

Jumanacasti Tatit Jesucriston munasiñapjja niya yatjjapjjtawa. Jupajj wali kamirïnwa, ucampis jan cunaniw tucuwayi jumanacar munasina, uqhamata jumanacajj uqham tucutapampi kamirquipstapjjañamataqui.