Lucas 2:25 - Qullan Arunaca

²⁵ Qhaya urunacansti Jerusalén marcan mä chachaw utjäna Simeón sutini. Jupasti wali suma jakënwa, Diosaru, suyt'ascaraquïnwa Israel marcan khespiyäwipa. Kollan Ajayuw jupampiraquïna,

Aymar Bibliia 1986

²⁵ Qhaya urunacansti Jerusalén marcan mä chachaw utjäna Simeón sutini. Jupasti wali suma jakënwa, Diosaru, suyt'ascaraquïnwa Israel marcan khespiyäwipa. Kollan Ajayuw jupampiraquïna,

Qullan Arunaka DC

²⁵ Khä urunakansti Jerusalén markan mä chachaw utjäna Simeón sata. Jupax Dios chuyma aski jaqïnwa, Israel markan qhispiyasiñap suyt'askäna. Qullan Ajayusti jupampïnwa,

Lucas 2:25 Jak'a apnaqawi uñst'ayäwi

Génesis 6:9

Acaw Noen sarnakäwipajja. Noesti wali suma jakënwa, Diosar jaysasapuniw sarnakaraquirïnjja. Jakenac taypinsti jupa sapaquiw Diosan munañaparjamajj sarnakäna.

Job 1:1

Uz sat chekan mä chachaw utjäna Job sutini. Jupasti asqui, cheka jakënwa, Diosarus ajjsartiriraqui; ñankha lurañatsa jithektataraqui.

Job 1:8

Ucat Tatitojj Supayarojj saraquïnwa: —¿Job sat sirvirejjaru uñjaniwaytati? Janiw qhitisa orakenjja utjquiti jupjama cheka, asqui jakejja, jupasti janipuniw qhitirus ñankha lurañ munquiti —sasa.

Isaías 25:9

Uca urunsti sataraquïniwa: “Acapi jïwasan Diosasajja, juparuw iyawstan, juparaquiw jiwasarojj khespiyistu, cusisipjjañäni, c'uchirtasipjjaraquiñäni, jupaw khespiyistu.”

Isaías 40:1

Jumanacan Diosamajj aqham siwa; “Chuymachapjjam, chuymachapjjam marcajjaru,

Miqueas 6:8

Jake, Tatitojj sistamwa, cunatejj asquïqui ucjja, uqhamarac cuntejj jupajj jumatjja suyqui ucsa; jumajj chekapäqui uc luram, qhuyapayasiriraquim, uqhamarac Tatit Diosamarus alt'at chuymamampirac jaysam.

Números 11:25

Ucatsti Tatitu Diosajj kenayanjam sarakanisinjja, Moisesampiw parläna; ucapachasti Moisesan chicat ajayup catusinjja, uca pakallk tunca jilïrinacaruw churäna. Cunapachatejj ajayojj jupanac patjjaru purïn ucqhajj profetanacjamaw parlapjjäna, ucampis janiw mayampsa uqhamjja parlapcjjänti.

Números 11:29

Ucampisa Moisesajj sänwa: —¿Cunatsa jumajj naya sapan parlañajjaqui muntajja? Tatitojj inas takpach marcaru ajayup churaraquispa, ucatsti takeniw profetanacäpjjaspajja —sasa.

Marcos 15:43

Ucjjarusti Arimateanquir Joseaw jutäna, jupasti jach'a jilïrinac taypinjja mä jilïriraquïnwa, Diosan reinopsti suyascaraquïnwa. Jan ajjsarasaraquiw Pilaton ucarojj mantäna, ucatsti Jesusan jiwat janchip mayiraquïna.

Lucas 1:41

Cunapachatejj Elisabetajj Marian aruntatap ist'cän ucapachaw, puracapan wawajj onjjti. Elisabetasti Kollan Ajayumpi phokt'atänwa.

Lucas 1:6

Dios nayrakatanjja panpachaniw asqui jakëpjjäna, uqhamaraquiw Diosan camachi arunacapsa, leyinacapsa phokhapjjerïna. Uqhamata jupanacarojj janiw qhitis, ni cunats juchañchañïrjamäcänti.

Lucas 1:67

Zacarías awquipasti Kollan Ajayun phokt'atäsinjja, cuntejj Diosajj jupan arsuñapatac churcatayna uca arunac jupajj arsu aqham sasa:

Lucas 2:38

Anasti uca quicpa horasanwa uñstanïna; ucat Diosar yuspagarasin Jesús wawat parlañ kallti take qhitinacatï Jerusalén marcan khespiyasiñapa suyt'asipcän ucanacaru.

Lucas 23:51

Aca Joseasti Diosan reinop suyt'ascäna, uqhamasti janiw “waliquiw” siscänti cuntejj Jach'a Tantachasïwejj lurcatayna ucarojja.

Hechos 10:2

Jupasti Dios chuyma jakënwa, uqhamaraquiw Diosar ajjsartas sarnakerïna, takpach familiapampi. Jupasti judionac taypit pobrenacar walja limosna churirïnwa, Diosar jan armt'asis oracionan mayisiriraqui.

Hechos 10:22

Jupanacasti sapjjaraquïnwa: —Capitán Corneliow qhitanipjjetu. Jupajj asqui jakewa, Diosar ajjsartas sarnakeriraquiwa, take judionacansa sumat uñt'ata. Juparojj Diosan mä angelapaw parlatayna, utapar jum jawsayañataqui, ucata arunacam ist'añapataquiraqui —sasa.

Hechos 2:5

Ucürunacansti Jerusalén marcanjja, yakha marcanacat jutir judionacaw utjaraquïna. Jupanacasti Dios chuyma jakenacäpjjänwa.

Hechos 24:16

Ucatwa ch'amañchasipunta Diosan nayrakatapansa, jakenacan nayrakatapansa, k'oma chuymanïñpuni jacasiña.

Deuteronomio 18:15

“Tatitu Diosamasti jumanac taypitjja mä nayjam profeta sayt'ayaraquini, ucarusti ist'apjjañamawa.

2 Pedro 1:21

Profetanacasti janipuniw cunsa munañanacapatjja parlapcänti, jan ucasti jupanacajj Diosar catuyata jakenacäpjjänwa, Dios toketaracwa parlapjjänjja, Kollan Ajayun amuyt'ayata.