Mateo 21:12 - Qullan Arunaca

¹² Jesusasti Diosan templopar mantasinjja take ucan aljasirinacaru uqhamarac alasirinacaruw ankaru alissüna. Kollke troquirinacan mesanacapsa liwinucünwa, uca quicparaquiw luräna paloma aljirinacan sillanacapsa.

Aymar Bibliia 1986

¹² Jesusasti Diosan templopar mantasinjja take ucan aljasirinacaru uqhamarac alasirinacaruw ankaru alissüna. Kollke troquirinacan mesanacapsa liwinucünwa, uca quicparaquiw luräna paloma aljirinacan sillanacapsa.

Qullan Arunaka DC

¹² Jesusasti Diosan utapar mantasin taqi ukan aljirinakampiru, alasirinakampiruw anqar alissüna. Qullqi turkasirinakan uchasiñanakap liwinuküna, paloma aljirinakan qunuñanakap jaqurpayäna;

Mateo 21:12 Jak'a apnaqawi uñst'ayäwi

Éxodo 30:13

Take qhitinacatejj jact'atäcani ucanacawa Tatiturojj churapjjañapajja pheska gramo kollke, ucasti kollan chekancqui uca tupun chicatapawa.

Levítico 1:14

“Naqhantayañatac Tatitur loktäwitejj mä jamach'ïnejja, ucajj palomäñapawa, jan ucajj mä palom wawa.

Levítico 12:6

“Cunapachatejj uca k'omachasiña urunacajj phokhasjjani, mä yokall wawa jan ucajj mä imill wawa wawachasitapatjja, ucapachasti taycajj Tatitumpi Jiquisiñ Carpäquis uca nayrakataruw sarani mä marani orko oveja apjjaruwayaraquini Tatitutaqui k'ala nact'ayasa loktaraquini, mä paloma wawampi jan ucajj mä palomampsa, juchanacat sacrificio loktatäcaspas uqhama. Sacerdoteruw take ucanacajj catuyatäjjani,

Levítico 12:8

Ucampisa uca taycantejj jan ucacamajj mä orko oveja alañataqui kollkejj utjarapcani ucapachasti, puediraquiniwa pä paloma jan ucajj pä paloma wawanacsa apaniña, maysti takpacha nact'ayasin loktañataqui, maysti jucha luratata loktañataquiraqui; ucapachaw sacerdotejj uca warmitaquejj juchapat pampachatäña jicjjataraquini, uca warmisti k'omachataw uñjasjjaraquini.

Levítico 14:22

pä palomampi jan ucajj pä palom wawampsa, kawkhatejj kollkepajj utjarapqui uqhamarjama; maya jucha luratata sacrificio loktatäcaspas uqhama, maysti takpacha nact'ayaña ofrendäcaspasa uqhamaraqui.

Levítico 14:30

Ucjjarusti sacerdotejj maynïri paloma jan ucajj mä palom wawsa loktjjaraquini, cunjämarutejj k'omachasiri jakejj apancani uqhamarjama.

Levítico 15:14

Quimsakallko ururusti pä paloma jan ucajj pä palom wawanacwa caturaquini, ucatsti ucanac apt'atajj Tatitumpi Jiquisiñ Carpäquis uca nayräjjaruw sararaquini, take ucanaca Tatitun nayrakatapana sacerdoter catuyjjañataqui.

Levítico 15:29

Quimsakallko urunacarusti pä paloma caturaquini jan ucajj pä palom wawanacsa, ucatsti ucanacjja sacerdoten ucaruw apjjaraquini Tatitumpi Jiquisiñ Carpa nayrakataru.

Levítico 5:11

“Ucat janipunitejj kollkejj utjarapcani pä palom, jan ucajj pä palom wawanaca alt'asiñataquisa, uca jucha luratapat ofrenda loktañataquejj pä kilo wali suma jac'u aparaquini. Uca jac'jjarusti janiw aceitempisa ni inciensompisa warjjatcaraquiniti, jucha luratat mä ofrenda loktatätap laycu.

Levítico 5:7

“Janitejj kollkejj ucacama utjarapcani mä jisc'a oveja alañataquejja, ucapachasti Tatitun ucarojj pä paloma, jan ucajj pä paloma wawa aparaquini uca jucha luratapatjja; ucanacat mayasti jucha luräwit loktani, maynïrsti naqhantayatäñatac ofrendat loktaraquini.

Marcos 11:11

Jesusasti Jerusalenar purisinjja, temploruw mantäna. Take cun uñatatasinsti Betaniaruw tunca payani discipulonacapamp mistjjäna, niya jayp'öjjaraquïnwa.

Lucas 2:24

Jupanacajj sarapjjänwa sacrificio loktiri, cunjämtï Tatitun leyipajj sisqui uqhamarjama: “Pä paloma jan ucajja pä khorucut apapjjañapäna.”

Juan 2:13

Judionacan Pascua fiestapajj niya jac'äjjatap laycojja, Jesusajj Jerusalén marcaruw sarawayjjäna.