Levítico 18:21 - Qullan Arunaca “Janipuni wawanacamjja Moloc sat diosarojj sacrificiot loktamti. Janiraqui uqham lurasajj Diosan sutipsa ñankhachamti. Nayaquïtwa Tatitojja. Aymar Bibliia 1986 “Janipuni wawanacamjja Moloc sat diosarojj sacrificiot loktamti. Janiraqui uqham lurasajj Diosan sutipsa ñankhachamti. Nayaquïtwa Tatitojja. Qullan Arunaka DC “Wawanakamsti janipun Moloc sat diosarux wilañchat luqtamti. Janirak ukham lurasax Diosan sutipsa ñanqhachamti. Nayakïtwa Tatituxa. |
Salomonasti nayarojj apanucutuwa, ucatsti sidonios ucanacana Astarté sat diosaparuwa yupaychjje; ucatsti yupaycharaquïnwa moabitanacan Quemos sat diosaparuraqui; ucatsti yupaychänwa amonitanacan Milcom sat diosaparuraqui. Jupan luratanacapasti nayan nayrakatajjana janiw sumäquiti, janiraquiw leyinacajjsa, arsüwinacajjsa phokcaraquiti, cunjämatï David awquipajj lurcäna uqhama.
Qhä tiemponsti Salomonajj Jerusalenata inti jalsu tokenquir kollurojja lurayänwa mä santuario Quemos sat c'ari diosataqui, ucasti Moab ucan ajjtcaña diosapänwa, uqhamarac Moloc ucataquiraqui, ucasti amonitanacan ajjtcaña diosapänwa.
jan ucasti arcänwa Israelana reyinacapana luräwinacaparu, jupasti wawaparusa sacrificionjja naqhantayänwa, cunjämatejj marcanacajj k'añu lurañanaca yatipcäna uqhama, Tatitusti uca marcanacarojj israelitanacan nayrakatanacapatjja apanucutaynawa.
Ava ucanquiristi lurasipjjänwa Nibhaz, sat yakha diosa; uqhamarac Tartac sat yakha diosa, ucatsti Sefarvaim ucanquirinacasti wawanacapwa ninar naqhantayapjjäna Adramelec, uqhamarac Anamelec uca diosanacapar sacrificiona loktasina.
Ucjjarusti wawanacaparuwa naqhantayäna sacrificion loktasina. Ucatsti yatïnwa ajayunacaru jawsaña, uqhamarac yatirinaca apnakañsa, ucatjja utt'ayänwa ajayunacampi parlaña, uqhamarac laykasiñanaca. Tatitun nayrakatapansti luratanacapajj sinti jan walinacänwa, uqhamatwa Tatitur wali colerayäna.
Josías reyisti taquichasiraquïnwa Ben-Hinom sat vallenquiri naqhayañäqui uca, jan qhitis yokalla imilla wawaparusa Moloc diosataqui sacrificion loktapjjañapataqui.
Ben-hinom Vallenjja incienso naqhayäna, uqhamarac wawanacaparusa sacrificion loktasina naqhantayäna, cunjämatï Tatitojj israelitanaca nayrakatapata ajjtcaña luräwinacani marcanacaru jakonuccäna uca luräwinacapa lurasa.
Uqhamarusa Baal diosaru wawanacapa sacrificiot loktañataquisa altaranacwa lurarasipjjaraqui, uqham lurapjjañapsti janiw nayajj jupanacarojj siscäyätti, janiraquiw uqham lurapjjañapjja amtcäyätti.
Ben-hinom sisqui uca vallensti Baal diosataquejj altaranacsa lurasipjjaraquiwa, Moloc diosaru imill wawanacapsa, yokall wawanacapsa sacrificiot loktañataqui, uqhamat Judá marcaru juchar puriyasa, uca ajjtascaña lurañanacsti janiw nayajj jupanacarojj ‘Lurapjjam’ siscti ni acch'as amuyojjarojj ucanacajj jutcaraquïnti.
Ben-hinom vallensti Tofet sat nina phichhaña chekaruraquiw altar waquichapjje, ucan imill wawarusa jan ucajj yokall wawarusa naqhantayañataqui, nayasti janipuniw jupanacarojj ucanac lurapjjam siscti, ni amtäwejjansa ucanacajj utjcaraquïnti.
Jupanacarusti yakha diosanacapampi k'añuchasipjjañanacapataquiw apanucuracta, jilïri yokall wawanacapsa uca yakha diosanacar sacrificiot loktapjjañanacapataquiw apanucuracta. Jupanacan ajjsartapjjañanacapataquiw luraracta, ucat nayan Tatitütajja yatipjjañapataqui.’
Jumanacan wawanacama sacrificiot loktasa ninampi naqhantayasinjja, uqhamarac ofrendanac churasinsa jumanacajj uca yakha diosanacampejj k'añuchasisipcactawa. ¿Jichhasti israelitanaca, uqhamäcasinti nayar jisct'asiri jutapjjaracta? Naya Tatituw jacañajj laycu juramentompi arsta, janipuniw jumanacampejj jisct'ayascäti.
Jupanacajj janiw nayaru take chuymampi arcapquitänti, amparanacapasa wilampi k'añuchsutaraquiwa. C'ari diosanacaparu yupaychasasti nayarojj janiw take chuymampi arcjjapjjetänti, uca yakha diosanacar yupaychasasa wawanacapjja ninaruw naqhantayapjjaraqui sacrificiot loktasina, cawquïri wawanactejj nayataqui utjayarapquitäna uca wawanacjja.
“Jan c'ari arsüwinac nayan sutejjaru luramti, uqham lurasajj Tatitu Diosaman sutipwa ñankhachtajja. Nayätwa Tatitojja.
jan ucasti Tatitu Diosaparuwa catuyasipjjañapa, janiraquiw jupan sutipjja ñankhachapjjañapäquiti, jupanacaw take ofrendanacjja nact'ayasina uqhamarac pachpa Tatitun t'ant'apsa loktapjjejja uca laycu; uqhamasti jupanacajj Tatitutaqui yakhachatapuniw sarnakapjjañapa.
“Aaronampiru wawanacapampirusti aqham saraquim: Jupanacajj wali amuyasipjjañapawa cuna yänactejj israelitanacajj nayaru loktapquitu ucanacatjja, uqhamat jupanacajj jan nayan kollan sutejja ñankhachasipcañapataqui. Nayätwa Tatitojja.
“Nayan kollana sutejjsti janipuni taquisimti, uqhamatwa take israelitanac taypinjja nayajj asquit uñt'atayäjja. Naya Tatituw jumanacarojj nayataqui yakhachasipjjsma,
Israelitanacarusti saraquim: Cawquïri jaketejj Tatituru ñankhachcani, uqhamarac maldiscaraquini ucarusti juchapa uñt'asiyapjjäta, ucatsti take jakenacaw kalampi c'upjasina uca jakerojj jiwayjjapjjani. Uca jakejj yakha marcat jutiri jakëscpasa jan ucajj pachpa israelita jakëscpasa. Tatitun sutiptejja ñankhachchi ucapachasti uca jakejj jiwayatäniwa.
Pobrenacarusti wali t'akhesiyasaw jisc'aru tucuyapjje, janiraquiw chekapar uñjapquiti llamp'u jakenacarojja. Awquis, yokas pachpa warmimpiraquiw iquintasipjje, uqhamatwa nayan kollan sutejja taquichasipjje.
Ucampis, jichhajj apapjjañamäniwa Sicut, uqhamaraqui Quiyún uca jumanacan lurata diosanacama.
¿Tatitusti cusisiraquispati jupar waranka ovejanaca, jan ucajj tunca waranca aceite jawiranaca churirista ucajja? ¿Jan ucajj jilïr yokall wawajjcha loktirista, Dios contra sayt'asitajjata, uqhamarac juchajjatsa?
Ucampisa jumanacajj ñankhachapjjestawa. Altarajjajj mesajjäcaspas uqhamwa amuyapjjtajja; ‘Uchatäqui uca mank'anacas k'añuwa’ sasaw jisc'achapjjtajja.
Janiwa, ucatsipan jumanacajj Moloc sat diosan templopjjay apapjjstajja Renfán diosan warawarapsa, cawquïr diosanactejj jumanac quicpa lursusipcta yupaychañataqui ucanaca. Ucatpï jichhajj nayajj jupanacarojj marcapat apsusina, Babiloniat juc'amp qhurir ananucöjja’ sasa.
Ucatwa Diosan jach'a c'ajquir cancañapa jakoquipapjje, jiwirïqui uca Diosar yupaychañat sipanjja jiwir jakenacan diosanacaparuw yupaychapjje jamach'inacaru, asirunacaru, pusi cayun animalanacar cuna.
Ucatpï Tatitun arunacapajj aqham sejja: “Jan judiöpquis uca jakenacajj Diosat jan wali arunac parlapjje, juma judionac laycu” sasa.
Jan jumanacajj uqham Tatitu Diosamarojj lurapjjamti. Diosajj jan uñjañ munqui ucanacwa uca marcanacasti diosaparu wakaychañataquejj lurapjje, uqhamaraquiwa quipca wawanacapsa ninampi phichhantapjje sacrificiot loktasa.
Jan jumanacat cawquïris sacrificiot ninar nakhantayasa loktapjjamti wawanacamaru, janiraqui yatiri jakes tucupjjamti, janiraqui jutcan uca urunacat yatjjatañanacarusa uchasipjjamti, janiraqui laykanacasa tucupjjamti.