Jeremías 7:31 - Qullan Arunaca

³¹ Ben-hinom vallensti Tofet sat nina phichhaña chekaruraquiw altar waquichapjje, ucan imill wawarusa jan ucajj yokall wawarusa naqhantayañataqui, nayasti janipuniw jupanacarojj ucanac lurapjjam siscti, ni amtäwejjansa ucanacajj utjcaraquïnti.

Aymar Bibliia 1986

³¹ Ben-hinom vallensti Tofet sat nina phichhaña chekaruraquiw altar waquichapjje, ucan imill wawarusa jan ucajj yokall wawarusa naqhantayañataqui, nayasti janipuniw jupanacarojj ucanac lurapjjam siscti, ni amtäwejjansa ucanacajj utjcaraquïnti.

Qullan Arunaka DC

³¹ Ben-hinom qhirwansti Tófet sat nina phichhaña chiqaruw altar wakichapxi, ukan imill wawarusa jan ukax yuqall wawarusa phichhantapxi, nayasti janipuniw jupanakarux ukanak lurapxam siskti, janirakiw amtäwixansa ukanakax utjkänti.

Jeremías 7:31 Jak'a apnaqawi uñst'ayäwi

2 Reyes 17:17

Uqhamaraquiw yokall, imill wawanacaparusa naqhantayapjjäna, ucatsti jupanacajj yatirinacaru, laykanacaruw jisct'asipjjäna, ucatjja Tatitun nayrakatapanjja jan wali lurañanacaruwa catuyasipjjäna, uqhamata jupar colerayasina.

2 Reyes 23:10

Josías reyisti taquichasiraquïnwa Ben-Hinom sat vallenquiri naqhayañäqui uca, jan qhitis yokalla imilla wawaparusa Moloc diosataqui sacrificion loktapjjañapataqui.

2 Reyes 23:20

Ucatjja uca diosanacan santuario utanacapan sacerdotenacajj utjcäna ucanacarusti altar patjjanwa jiwarayäna; ucatjja uca patjjarojja take ch'aqhanacwa naqhantayäna. Ucatsti Jerusalén marcaruw cutt'anjjäna.

2 Crónicas 28:3

Ben-hinom Vallenjja incienso naqhayäna, uqhamarac wawanacaparusa sacrificion loktasina naqhantayäna, cunjämatï Tatitojj israelitanaca nayrakatapata ajjtcaña luräwinacani marcanacaru jakonuccäna uca luräwinacapa lurasa.

2 Crónicas 33:6

Ucjjarusti wawanacaparuwa sacrificiot loktasina naqhantayäna Ben-hinom valle sat chekana, ajayunacaru jisct'asisin yupaychäna, ucatsti utt'ayänwa ch'amacaninaca, ajayunacampi parlañanaca, uqhamarac laykasiñanaca. Tatitun nayrakatapanjja luräwinacapajja sinti jan walinacänwa, Tatitun colerasiñapa sartayañcama.

Isaías 30:33

Nayrapachatpacha Asiriataquejja, reyipataquisa, t'akhesiyañ chekajj waquichatawa, ancho uqhamaraqui mankharaquiwa, ninasti ucanjja wal naqharaqui. Tatitun phust'atapaw aktayani, mä jach'a azufre jawiräcaspas uqhama.

Isaías 57:5

roble kokanaca jac'ana, take ch'ojjña kokanac c'uchunwa k'añu lurañanacaru catuyasipjjtajja, jawira thiyanacana, karka p'iya mankhanacan jisc'a wawanacsa sacrificiot loktapjjtajja.

Jeremías 19:2

Ucatsti Ben-hinom sisqui uca valleru sararaquim, C'allananac Puncu sisqui uca uñcatasiru, ucansti yatiyaraquim cuna arunactejj nayajj siscäma uca arunaca.

Jeremías 2:23

¿Cunjämraqui sätasti: ‘Janiw nayajj k'añucht'ascti, janiraquiw yakha diosanacarus yupaychcaractti’ sasasti? Amuyasim cunjämänsa valle token sarnakatamajja, take luratanacamatsti wali amuyasiraquim, kachu camellor uñtata, orko camellon khepapjja cawcsarusa jalaquiractawa.

Jeremías 32:34

Nayaru catuyata templsa taquisipjjewa, uca ajjtascañ yakha diosanacap ucar uchasisajja.

Jeremías 32:35

Ben-hinom sisqui uca vallensti Baal diosataquejj altaranacsa lurasipjjaraquiwa, Moloc diosaru imill wawanacapsa, yokall wawanacapsa sacrificiot loktañataqui, uqhamat Judá marcaru juchar puriyasa, uca ajjtascaña lurañanacsti janiw nayajj jupanacarojj ‘Lurapjjam’ siscti ni acch'as amuyojjarojj ucanacajj jutcaraquïnti.

Ezequiel 16:20

“Cuna wawanactejj jumampi nayampejj jicjjatasctan ucanacsti yakha diosanacaruraquiw sacrificiot loktjjtajja, jupanacan mank'asipjjañapataqui. ¿Jumataquisti uqham jan wali sarnaker warmiru tucutamasti juc'aquiti,

Ezequiel 20:26

Jupanacarusti yakha diosanacapampi k'añuchasipjjañanacapataquiw apanucuracta, jilïri yokall wawanacapsa uca yakha diosanacar sacrificiot loktapjjañanacapataquiw apanucuracta. Jupanacan ajjsartapjjañanacapataquiw luraracta, ucat nayan Tatitütajja yatipjjañapataqui.’

Ezequiel 20:31

Jumanacan wawanacama sacrificiot loktasa ninampi naqhantayasinjja, uqhamarac ofrendanac churasinsa jumanacajj uca yakha diosanacampejj k'añuchasisipcactawa. ¿Jichhasti israelitanaca, uqhamäcasinti nayar jisct'asiri jutapjjaracta? Naya Tatituw jacañajj laycu juramentompi arsta, janipuniw jumanacampejj jisct'ayascäti.

Levítico 18:21

“Janipuni wawanacamjja Moloc sat diosarojj sacrificiot loktamti. Janiraqui uqham lurasajj Diosan sutipsa ñankhachamti. Nayaquïtwa Tatitojja.

Miqueas 6:7

¿Tatitusti cusisiraquispati jupar waranka ovejanaca, jan ucajj tunca waranca aceite jawiranaca churirista ucajja? ¿Jan ucajj jilïr yokall wawajjcha loktirista, Dios contra sayt'asitajjata, uqhamarac juchajjatsa?

Deuteronomio 12:31

Jan jumanacajj uqham Tatitu Diosamarojj lurapjjamti. Diosajj jan uñjañ munqui ucanacwa uca marcanacasti diosaparu wakaychañataquejj lurapjje, uqhamaraquiwa quipca wawanacapsa ninampi phichhantapjje sacrificiot loktasa.

Deuteronomio 17:3

yakha diosanacaru yupaychasina uqhamaraqui ucanacar quillt'asiraquini, phajjsirüpasa, intirüpasa, warawaranacarüpasa, cawquïri luräwinactejj Diosajj jan lurañas munqui ucanac lurasa.

Deuteronomio 18:10

Jan jumanacat cawquïris sacrificiot ninar nakhantayasa loktapjjamti wawanacamaru, janiraqui yatiri jakes tucupjjamti, janiraqui jutcan uca urunacat yatjjatañanacarusa uchasipjjamti, janiraqui laykanacasa tucupjjamti.

Josué 15:8

Ucatsti maqhatascaquïnwa Ben-hinom vallenjama, Jebús Jerusalén sutini aynachcama, ucatsti sarascaquïnwa kollu patanjama, cawquïritï intis jalantqui Ben-hinom sat valle tokencqui uca chekacama, Refaim valle amstacamaraqui.