Jeremías 7:32 - Qullan Arunaca

³² Ucatwa jichhajj naya Tatitojj arsta, mä uruw purinini, cunapachatejj uca chekarojj janiw Tofet, Valle de Ben-hinom siscjjapjjaniti jan ucasti Jiwarayañ Valle sasaw sisjjapjjani. Tofet chekanwa jiwatanacarojj imjjapjjaraquini, jan juc'ampi orakejj imañataqui utjcjjatapata.

Aymar Bibliia 1986

³² Ucatwa jichhajj naya Tatitojj arsta, mä uruw purinini, cunapachatejj uca chekarojj janiw Tofet, Valle de Ben-hinom siscjjapjjaniti jan ucasti Jiwarayañ Valle sasaw sisjjapjjani. Tofet chekanwa jiwatanacarojj imjjapjjaraquini, jan juc'ampi orakejj imañataqui utjcjjatapata.

Qullan Arunaka DC

³² Ukatpï jichhax naya, Tatitux arstxa, akat qhiparusti uka chiqarux janiw Tófet siskxapxaniti, janirakiw Ben-hinom Qhirwa siskxapxanisa, jan ukasti, Jiwarayañ Qhirwa sasaw sutichxapxani. Jan juk'ampi uraqix amayanak imañatak utjatapatxa, Tófet chiqaruw jiwatanakarux imapxarakini.

Jeremías 7:32 Jak'a apnaqawi uñst'ayäwi

2 Reyes 23:10

Josías reyisti taquichasiraquïnwa Ben-Hinom sat vallenquiri naqhayañäqui uca, jan qhitis yokalla imilla wawaparusa Moloc diosataqui sacrificion loktapjjañapataqui.

Jeremías 19:11

Ucatsti saraquim: ‘Take ch'amani Tatitojj aqham siwa: Aca jakenacarusti aca marcanjja jisc'a jisc'a tucjaraquï, cunjämatejj mä jakejj mä uma wayuchjja jisc'a jisc'a t'unjejj uqhama, ucatsti uca wayuchjja janiw qhitisa juc'ampi asquichcjjaspati. Jakenacasti jiwatanacapjja Tofet sisqui uca chekanwa imasipjjani, jan juc'ampi yakha chekajj imañataqui utjcjjatap laycu.

Jeremías 19:13

Jerusalenanquir utanacasa, Judá orakenquir reyinacan palacionacapasa, uqhamaraqui uta terraza patanacan warawaranacaru inciensonaca loktasipcäna, yakha diosanacaru vino ofrendanaca warapcäna uca chekanacasti k'añu chekat uñt'atäniwa, cunjämäquitejj Tofet chekajj uqhama’ ” sasa.

Jeremías 19:2

Ucatsti Ben-hinom sisqui uca valleru sararaquim, C'allananac Puncu sisqui uca uñcatasiru, ucansti yatiyaraquim cuna arunactejj nayajj siscäma uca arunaca.

Jeremías 19:6

Ucatpï, jichhajj urunacajj purininejja aca chekajj jan juc'ampi Tofet satäjjañapataqui, ni Ben-hinom satäjjañapataquisa, jan ucasti Jiwarayañ valle satäjjaniwa. Naya Tatituw ucjja arsta.

Jeremías 31:40

Cawqharutejj jiwatanacajj imatäqui, uqhamaraqui khellas wartatäcaraqui, Cedrón jawira patanacasa, inti jalsu tokena Caballonacan puncupa satäqui ucasa nayaru catuyatcamaquïniwa, take ucanacasti janipuniw mayampsa t'unjatäcjjaniti” sasa.

Jeremías 7:31

Ben-hinom vallensti Tofet sat nina phichhaña chekaruraquiw altar waquichapjje, ucan imill wawarusa jan ucajj yokall wawarusa naqhantayañataqui, nayasti janipuniw jupanacarojj ucanac lurapjjam siscti, ni amtäwejjansa ucanacajj utjcaraquïnti.

Ezequiel 6:4

Cawquïri altaranacantejj jumanacajj sacrificionaca, inciensonacsa naqhayasipcta uca chekanacjja k'alwa tucjäjja, jakenacaparusti pachpa diosanacap nayräjjaruw jiwarayaraquëjja.

Levítico 26:30

Nayaw jumanacan yakha diosanacaru yupaychaña altaranacamjja t'unjaraquëjja, uqhamarac uca incienso loktasiña altaranacamsa payaruw t'unjaraquëjja, jumanacan jiwat janchinacamsti yakha diosanacaman jiwat janchipjjaruw liwjjataraquëjja, nayan jumanacar ajjtasitajjwa uñacht'ayapjjaraquïma,