1 Reyes 11:7 - Qullan Arunaca

⁷ Qhä tiemponsti Salomonajj Jerusalenata inti jalsu tokenquir kollurojja lurayänwa mä santuario Quemos sat c'ari diosataqui, ucasti Moab ucan ajjtcaña diosapänwa, uqhamarac Moloc ucataquiraqui, ucasti amonitanacan ajjtcaña diosapänwa.

Aymar Bibliia 1986

⁷ Qhä tiemponsti Salomonajj Jerusalenata inti jalsu tokenquir kollurojja lurayänwa mä santuario Quemos sat c'ari diosataqui, ucasti Moab ucan ajjtcaña diosapänwa, uqhamarac Moloc ucataquiraqui, ucasti amonitanacan ajjtcaña diosapänwa.

Qullan Arunaka DC

⁷ Khä urunakansti Salomonax Jerusalenat inti jalsu tuqinkki uka qullun, mä yupaychäwi chiqa Quemós sat Moab markan axtkañ idolopatak luräna, ukhamaraki amonitanakan Moloc sat axtkañ idolopatakisa.

1 Reyes 11:7 Jak'a apnaqawi uñst'ayäwi

Génesis 33:2

Nayrakatarusti esclavanacampi wawanacapampwa uchäna, ucjjarusti Learu wawanacapampiruw ucharaqui, kheparusti Raquelampiru Joseampiruw ucharaquïna.

2 Samuel 15:30

Davidasti Olivos kollu amsta maqhatascaraquïna; k'ara cayuquiw sararaquïna, jacht'asisa, p'ekepas ch'okt'ata llaquisitapa uñacht'ayañataqui. Take cawquïri jakenacatejj jupampi chica maqhatapcän ucanacasti p'ekenacapa ch'okt'atcamaquiw sarapjjaraquïna uqhamaraqui jacht'asisa.

1 Reyes 11:5

Salomonasti yupaychänwa Astarté sat diosaru, ucasti sidonianacana diosapänwa, uqhamarac yupaychäna Milcom sat c'ari diosarusa, ucasti amonitanacana ajjtcaña diosapänwa.

1 Reyes 11:6

Uqhamawa Salomonana luratanacapajj jan walïcänti Tatitun nayrakatapana, jupasti janiw chekpacha chuymampi Tatiturojj David awquipjama arccänti uca laycu.

1 Reyes 11:8

Uca pachparaquiw lurarapïna jaya marcanquir warminacapataqui, jupanacasti diosanacaparuwa loktapjjerïna incienso, uqhamarac sacrificionaca.

1 Reyes 15:12

Uca oraketjja jakonucünwa c'ari diosapataqui amtani, chacha pura jan wali luriri chachanacarojja, ucatsti apanucünwa nayra awquinacapajj lurasipcäna uca take yakha diosanaca.

2 Reyes 23:10

Josías reyisti taquichasiraquïnwa Ben-Hinom sat vallenquiri naqhayañäqui uca, jan qhitis yokalla imilla wawaparusa Moloc diosataqui sacrificion loktapjjañapataqui.

2 Crónicas 21:11

Ucjjarusti jupajj Judá kollunacarojja yakha diosanacan santuarionacapwa lurayäna, ucatsti jupaw juchanïnjja Jerusalenanquir jakenacana jan sum Tatitur arcapjjatanacapatjja, ucatsti Judá marcarojj maysaruw saranucuyäna.

Salmos 78:58

jucha lurañ altaranacapampiw Diosarojj k'apisiyapjjäna, acapach diosanacar yupaychatapampiw Diosan chuymap mayjt'ayapjjäna.

Isaías 44:19

Janiw amuyt'añar uscusipquiti, jupanacarojj amuyt'asiñ chuymaw jan utjquiti, ucatsti sapjjañapataqui: “Chicat maderjja naqhaytwa, ucampiraquiw t'ant'a lurastjja, aychsa ucan cancasiractjja ucat mank'aractjja; take uca jilt'atsti aca ajjtascañ yänaca luraractjja, ¡cunarutejj nayajj yupaychascta ucajj mä jisc'a lawaquiwa!”

Jeremías 32:31

Aca marcasti kalltasquejja ucat jichhürcamasti, sintpunwa colerayjjetu. Ucat jichhajj chhaktayäjja,

Jeremías 32:35

Ben-hinom sisqui uca vallensti Baal diosataquejj altaranacsa lurasipjjaraquiwa, Moloc diosaru imill wawanacapsa, yokall wawanacapsa sacrificiot loktañataqui, uqhamat Judá marcaru juchar puriyasa, uca ajjtascaña lurañanacsti janiw nayajj jupanacarojj ‘Lurapjjam’ siscti ni acch'as amuyojjarojj ucanacajj jutcaraquïnti.

Jeremías 48:13

Ucapachaw Moab marcajj amuyasini Quemós sat diosapajj sallkjatapa, cunjämatejj Israel marcajj Betel chekan sallkjata uñjasïnjja uqhama, Israel marcasti uca Betel chekaruw alcatasiraquïna.

Jeremías 48:46

¡Ay, Moab, cunaquïcani jumataquejja! ¡Quemós diosan marcapa, aynacht'atätawa! yokanacamarusa, phuchanacamarusa jaya marcaruw preso apapjje.

Ezequiel 18:12

pobrerusa, pist'ata jakerusa t'akhesiyaraquini. Mayninacatsa lunthataraquini, qhititejj mayt'asqui ucatsa janiraqui phokcaniti uca manupjja, uqhamaraqui uca c'ari diosanacaruraqui catuyasini, uqhamaraqui cuntejj nayajj uñiscta uca luräwinac luraraquini.

Daniel (hebreo) 11:31

“Soldadonacapasti templorusa, suma perkanacaparusa, ñankhachapjjaraquiniwa, sapa uru sacrificio loktasiñäqui ucsti suyt'ayjjaraquiniwa, uca chekarusti mä ajjtascaña luräwinaca lurapjjani, uqhamat Diosan yänacapa taquisisa.

Daniel (hebreo) 12:11

Sacrificio loktasiñajj suyt'ayatäqui ucatsti waranka pä patacani llätunc tuncani urunacaw pasañaparaqui, cunapachatejj ajjtascaña jan wali luräwinaca Tatitun templopan lurascani ucatjja ucqha urunacaw pasaraquini.

Levítico 26:30

Nayaw jumanacan yakha diosanacaru yupaychaña altaranacamjja t'unjaraquëjja, uqhamarac uca incienso loktasiña altaranacamsa payaruw t'unjaraquëjja, jumanacan jiwat janchinacamsti yakha diosanacaman jiwat janchipjjaruw liwjjataraquëjja, nayan jumanacar ajjtasitajjwa uñacht'ayapjjaraquïma,

Miqueas 1:5

Take acanacasti lurasiniwa Jacobun marcapan Diosataqui sayt'asitap laycu, Israel marcan juch luratap laycuraqui. ¿Cawquincaraqui Jacobon jucha luratapasti? ¡Samaria marcanquiwa! ¿Cawquincaraqui Jacobon yakha diosanacar yupaychaña altaranacapasti? ¡Pachpa Jerusalén marcanquiwa!

Zacarías 14:4

Uca uruw Tatitojj cayup tact'asinejja Olivos kollu patjjarojja, ucasti Jerusalén uñcatasinquiwa, inti jalsu tokena. Mä jach'a valleraquiw jist'artaraquini inti jalsut jalanta tokeru, payaruraquiw jaljtayanejja Olivos kollurojja. Chicat kollusti jitt'araquiniwa amsta tokeru, maynïr chicatasti aynacha tokeruraqui.

Números 21:29

¡Moab, jumajj jachcañätawa, aynacht'atätaw, Quemós diosan marcapa! Juparaquiw jakenacamsa jaltayaraqui, warminacamsa Sehón reyin amparapar catuyaraqui.

Números 33:52

takpach uca oraken jaquir jakenacaru alisnucupjjam, uqhamarac t'unjapjjam take kalat lurata, metalat lurata diosanacaru, ucatsti t'unjapjjaraquïtaw take kawkha jisc'a kollunacantejj culto lurañ yatipqui ucanaca.

Mateo 26:30

Mä k'ochu k'ocht'atatsti Olivos sat kolluruw sarjjapjjäna.

Hechos 1:12

Ucanac pasjjepansti, Olivos sat kollutjja Jerusalenaruw cutt'jjapjjäna. Uca kollusti Jerusalenatjj jac'ancaquiwa, mä chica tupun chicataparjama.

Hechos 1:9

Ucanac arsuwayatatjja, Jesusajj apostolonacapan uñjcataw alajjpachar aptatäjjäna. Ucatsti mä kenayaw Jesusarojj muyuntasa jupanacan nayranacapatjj chhaktayawayjjäna.

Hechos 7:43

Janiwa, ucatsipan jumanacajj Moloc sat diosan templopjjay apapjjstajja Renfán diosan warawarapsa, cawquïr diosanactejj jumanac quicpa lursusipcta yupaychañataqui ucanaca. Ucatpï jichhajj nayajj jupanacarojj marcapat apsusina, Babiloniat juc'amp qhurir ananucöjja’ sasa.

Deuteronomio 13:14

Ucanac ist'asinsti jumanacajj sumwa yatjjatapjjañama, ucattejj take ucanacan chekätapa yatipjjäta uqhamaraqui jumanac taypinsa jan wali luräwinac lurasitapa yatisinjja,

Deuteronomio 27:15

‘Maldicitäpan cawquïritejj yakha diosanaca, cunar uñtat diosanac metälat lurasini, ucatsti jan uñjcañ chekaruraqui imantani ucajja; ucasti Diosarojj ajjtasiyiwa.’ Ucatsti takpach marcaraquiw sani: ‘Uqhamäpan’ sasa.

Jueces 11:24

Quemós sat diosamajj, ¿cunanactejj churctam jumancañapataqui ucanacjja jumanquïritjjay uñt'astajj janicha? Uca quipcaraquiw nanacan Diosajjajja cunanactejj churapquitu ucanacjja nanacanquïrit uñt'asipjjaracta.