Levítico 18:20 - Qullan Arunaca

²⁰ “Jake masiman warmipampisti janipuni iquintamti, janiraqui jupampejja wachoka juchsa luramti, uqhamat jan k'añuchasiscañamataqui.

Aymar Bibliia 1986

²⁰ “Jake masiman warmipampisti janipuni iquintamti, janiraqui jupampejja wachoka juchsa luramti, uqhamat jan k'añuchasiscañamataqui.

Qullan Arunaka DC

²⁰ “Jaqi masiman warmiparusti janipuniw warmisïtati, ukham lurät ukkhasti, q'añuchjasïtawa.

Levítico 18:20 Jak'a apnaqawi uñst'ayäwi

2 Samuel 11:27

ucampisa lutt'asiña urunacap phokhasjjepansti Davidajj palacioparuw catokjjäna, warmipäñapataqui, jupasti mä yokall wawa wawachasiraquïna. Ucampis Davidan luratanacapajj Tatitutaquejj janiw asquïcänti.

Éxodo 20:14

“Janiw yakhanacampi wachok lurätati.

Proverbios 6:25

Chuymamanjja jan munapayamti jiwaquïtap laycojja, ¡janirac uñtatapampis catuntayasimti!

Ezequiel 18:6

Kollu patanacan cuna mank'äwinacatejj utjqui yakha diosanacar yupaychañanjja ucanacatjja jithektiwa, janiraquiw Israel c'ari diosanacaparus catuyascaraquiti; jake masipatsa janiw warminacapjja irparcaraquiti, janiraquiw pachpa warmiparus jac'caraquiti cunapachatejj uca warmejj phajjsi wilapampïqui ucapachajja.

Levítico 20:10

“Maynitejj jake masipan warmipampi wachoka jucha lurasa sarnakchejja, ucasti jiwayatäñataqui juchañchatäñapawa, uca quipcaraqui uca wachoka jucha lurir warmisa.

Malaquías 3:5

Take ch'aman Diosasti siwa: “Nayaw jumanacaru juchañchiri jutä. Uca quipcaraquiw nayajj testigot sayt'ä qhitinacatejj laykasipqui, yakha warminacampi sarnakapqui, c'ari juramento lurapqui, irnakerinacarusa jan pagapquiti, ijmarus wajcharus jachayapqui, yakha marcat jutir jakenacarus jan wal uñjapqui, uqhamaraqui jan ajjsarapquituti take ucanacjjarojja.”

Números 5:13

ucatsti yakha chachanacampiraqui sarnakaspa, jan chachapan yatita, uqhama jupajj uca k'añu juchanac lurcchi, janiraqui testigonacas utjcchiti, ucatsti uca luratapajj imantatäni jan qhitinsa uñjata.

Romanos 2:22

Jumajj sistawa: “Janiw wachoka juchan sarnakätati” sasa. Ucat jumajj ¿cunats uca wachoka juchan jumapacha sarnakascaractajja? Jumajj yakha diosanacarojj uñissta ucajja ¿cunats jumajj uca c'ari diosanacan templopat lunthatascaractajja?

1 Corintios 6:9

¿Janit yatipcta jucharar jakenacan jan alajjpachar mantañapjja? Jan sallkjayasipjjamti, wachoka juchan sarnaker jakejj janiw Diosan marcapar mantcaniti, ni yakha diosanacar yupaychirisa, wachoka juchan sarnakerisa, chacha pura jan wali sarnakerinacasa, lunthatanacasa, mich'anacasa, machirinacasa, masipjjat parlasirinacasa, sallkjañampi aparirinacasa mantapcaniti.

Gálatas 5:19

Qhitinacatejj jan wali luräwinacan khepap arcapjje ucanacan luräwinacapajj khanaw uñsti. Ucanacasti acanacawa: wachoka jucha lurañanaca, k'añu lurañanaca, vicionaca,

Deuteronomio 22:22

“Mä jaketejj mä casada warmimpi iquintata catjatänejja, ucanacasti panpachaw juchañchasin jiwayatäpjjani, uqhamatwa jumanacajj tucjapjjäta Israel marcan jan walinacjja.

Deuteronomio 22:25

“Ucatsti mä jaketejj pampan mä casarasiñatac parlat tawakoru jicjjatani, ucatsti munquir jan munquir jupampi iquintani, ucapachasti chacha saparuquiw jiwayasini uca warmimpi iquintatapata,

Deuteronomio 5:18

‘Janiw wachok jucha lurätati.

Hebreos 13:4

Casarasiñarusti takenirac respetapjjam, janirac casadöcasin yakhanacamp wachoka juchan sarnakapjjamti, Diosasti juchañchaniwa wachoka juch luririnacarojja.