Levítico 18:19 - Qullan Arunaca

¹⁹ “Phajjsi wilani warmimpisti janipuni jucha luramti.

Aymar Bibliia 1986

¹⁹ “Phajjsi wilani warmimpisti janipuni jucha luramti.

Qullan Arunaka DC

¹⁹ “Phaxsi wilan warmirusti janipuniw warmisïtati.

Levítico 18:19 Jak'a apnaqawi uñst'ayäwi

2 Samuel 11:4

Uqhamasti Davidajj mayni jakenac qhitaraquïna uca warmi irptanipjjañapataqui, uca warmimpisti iquintaraquïnwa; uca khepatsti warmejj utaparuw cuttawayjjaraquïna. Uca warmisti ucapachaquiraquiw k'omachasiscatayna phajjsi wilapatjja.

Ezequiel 18:6

Kollu patanacan cuna mank'äwinacatejj utjqui yakha diosanacar yupaychañanjja ucanacatjja jithektiwa, janiraquiw Israel c'ari diosanacaparus catuyascaraquiti; jake masipatsa janiw warminacapjja irparcaraquiti, janiraquiw pachpa warmiparus jac'caraquiti cunapachatejj uca warmejj phajjsi wilapampïqui ucapachajja.

Ezequiel 22:10

Yakhepa jakenacasti pachpa awquipan warmipampiw jucha lurañan sarnakapjjaraqui, jan ucajj pachpa warmipampisa cunapachatejj phajjsi wilapampïsipqui ucapacha.

Levítico 12:2

“Israelitanacarusti aqham saraquim: Cunapachatejj mä warmejj usur jakeptani, ucatsti mä yokall wawa wawachasiraquini, uca warmisti pakallko urucamawa k'añu uñjasini, cunjämatejj phajjsi wilapan jutatajj uñjasirïqui uqhama.

Levítico 15:19

“Mayni warmitejj phajjsi wilapampïscani ucasti pakallko uruwa k'añut uñt'atäni. Cawquïritejj uca warmiru llamct'ani ucasti k'añut uñt'atäniwa, jayp'thapiñapcama.

Levítico 15:24

“Maynitejj uca phajjsi wilani warmimpi iquintani, uqhamarac uca phajjsi wila usupampisa chicachasiraquini, ucasti pakallko urunacaw k'añut uñt'ata jicjjatasiraquini, uqhamarac cawqui chekarutejj uca jakejj iquintcqui uca chekasa k'añut uñt'ataraquïniwa.

Levítico 18:18

“Jan warmiman cullacaparojj warmisimti, janiraqui jupampejj wachoka juchsa luramti warmima jacasquipanjja, jan ucasti cullacpurwa jan walt'añaru puriyäta.

Levítico 20:18

“Mayni jaketejj phajjsi wilani warmimpi iquintani ucasti uca warmirojj warmisiraquini, uca jakesti uca warmin wila jutañapwa khanaru apsusqui uca warmisa jupa quipcaraquiwa khanaru apsojja; uca laycu ucanacajja panpacha jiwayatäñapawa.