2 Reyes 21:6 - Qullan Arunaca

⁶ Ucjjarusti wawanacaparuwa naqhantayäna sacrificion loktasina. Ucatsti yatïnwa ajayunacaru jawsaña, uqhamarac yatirinaca apnakañsa, ucatjja utt'ayänwa ajayunacampi parlaña, uqhamarac laykasiñanaca. Tatitun nayrakatapansti luratanacapajj sinti jan walinacänwa, uqhamatwa Tatitur wali colerayäna.

Aymar Bibliia 1986

⁶ Ucjjarusti wawanacaparuwa naqhantayäna sacrificion loktasina. Ucatsti yatïnwa ajayunacaru jawsaña, uqhamarac yatirinaca apnakañsa, ucatjja utt'ayänwa ajayunacampi parlaña, uqhamarac laykasiñanaca. Tatitun nayrakatapansti luratanacapajj sinti jan walinacänwa, uqhamatwa Tatitur wali colerayäna.

Qullan Arunaka DC

⁶ Ukxarusti wawanakaparux wilañcha luqtasaw nakhantayäna, ukatsti ajayunakar jawsañampi, jamusiñanakampi yatïna, ukatsti ajayunakampi parlaña, layqasiñanakampi utt'ayäna. Luratanakapasti Tatitun nayraqatapan sinti jan walinakänwa, ukhamat Tatitur wali q'apisiyäna.

2 Reyes 21:6 Jak'a apnaqawi uñst'ayäwi

Génesis 13:13

cawqhantejj jakenacajj jan walïpjjäna, uqhamarac Tatitu contras sinti jach'a juchanaca lurapjjaraquïna.

2 Reyes 16:3

jan ucasti arcänwa Israelana reyinacapana luräwinacaparu, jupasti wawaparusa sacrificionjja naqhantayänwa, cunjämatejj marcanacajj k'añu lurañanaca yatipcäna uqhama, Tatitusti uca marcanacarojj israelitanacan nayrakatanacapatjja apanucutaynawa.

2 Reyes 17:17

Uqhamaraquiw yokall, imill wawanacaparusa naqhantayapjjäna, ucatsti jupanacajj yatirinacaru, laykanacaruw jisct'asipjjäna, ucatjja Tatitun nayrakatapanjja jan wali lurañanacaruwa catuyasipjjäna, uqhamata jupar colerayasina.

2 Reyes 23:24

Josías reyejj tucjaraquïnwa take laykanacaru, yatirinacaru, utan wali munat c'ari diosanacaru, yakha diosanacarusa, uqhamarac cunanacatejj utjcäna yupaychañataqui ajjtcaya yänaca, Judá orakena uqhamaraqui Jerusalenansa. Ucsti jupajj luränwa Hilcías sacerdotejj Tatitun templopana jicjjatcäna uca ley libron kellkatanacar phokhasina.

1 Crónicas 10:13

Uqhamawa Saúl reyejj ñankha luratap laycujja jiwäna, jupasti juchwa luräna jan Tatitun arunacap ist'asina, uqhamarac mä yatiri warmiru jisct'asiri saratap laycuraqui.

2 Crónicas 28:3

Ben-hinom Vallenjja incienso naqhayäna, uqhamarac wawanacaparusa sacrificion loktasina naqhantayäna, cunjämatï Tatitojj israelitanaca nayrakatapata ajjtcaña luräwinacani marcanacaru jakonuccäna uca luräwinacapa lurasa.

2 Crónicas 33:6

Ucjjarusti wawanacaparuwa sacrificiot loktasina naqhantayäna Ben-hinom valle sat chekana, ajayunacaru jisct'asisin yupaychäna, ucatsti utt'ayänwa ch'amacaninaca, ajayunacampi parlañanaca, uqhamarac laykasiñanaca. Tatitun nayrakatapanjja luräwinacapajja sinti jan walinacänwa, Tatitun colerasiñapa sartayañcama.

Isaías 19:3

P'eksa jupanacarojj mayjt'ayäwa, amtatanacapsti t'unjaraquïwa. Ucapachawa yakha diosanacaparu, laykanacaparu jisct'asir sarapjjani, jiwatan ajayunacaparu, yatiri jakenacaparuw jisct'asipjjani.

Isaías 66:4

Nayaraquiw jupanacatac t'akhesiña ajllï, cuntejj jupanacajj wal ajjsarapqui ucanac apayaniraquëjja. Cunapachatejj jawscäyäta ucapachajj janiw ist'apquitänti uca laycu, parlascäyätwa ucampis janiraquiw ist'apquitänti; cuntejj nayajj jan munctjja uca lurapjjaraquejja, cuntejj nayarojj colerayquitu uca lurañwa ajllisipjjaraquïnjja.”

Isaías 8:19

Jakenacasti sapjjaraquïtamwa: ‘Jiwatanacan ajayunacapar jisct'asipjjam, uca yatiri jakenacarusti qhitinacarutejj jisc'at chhiphisisipqui ucanacaru. ¿Janit mä marcasti diosanacaparu jisct'ascaspasti, janit jiwirinacarusa, jaquirinacjjata suma amuyt'äwi arunaca maycaspa?

Jeremías 19:4

Israelitanacasti nayarojj apanucuwayapjjetuwa, aca oraksti yakha orakeruw tucuyapjjaraqui, aca chekanwa yakha diosanacaru inciensonac loktasipjjaraqui, uca diosanacsti janiw jupanacajj uñt'apcänti; ni nayra awquinacapasa, ni Judá orakenquir reyinacasa uñt'apcänti; aca orakerusti jan juchani jakenacan wilapampiw phokhantapjjaraqui.

Jeremías 19:5

Uqhamarusa Baal diosaru wawanacapa sacrificiot loktañataquisa altaranacwa lurarasipjjaraqui, uqham lurapjjañapsti janiw nayajj jupanacarojj siscäyätti, janiraquiw uqham lurapjjañapjja amtcäyätti.

Ezequiel 23:39

Cunürutejj wawanacapa uca c'ari diosanacar sacrificiot loktapcänjja uca pachpa urpacharaquiw nayan templojjaru taquisirejj jutapjjänjja. ¡Ucpï nayan pachpa utajjan lurapjjejja!

Levítico 18:21

“Janipuni wawanacamjja Moloc sat diosarojj sacrificiot loktamti. Janiraqui uqham lurasajj Diosan sutipsa ñankhachamti. Nayaquïtwa Tatitojja.

Levítico 19:26

“Janipun mank'apjjamti cunsa wilanïni ucanacjja. Janipun yatirïñjja munapjjamti, janiraqui cunatejj acat kheparojj lurascani ucanaca yatiñarusa uscusipjjamti.

Levítico 19:31

“Janipuni ch'amacaninacarusa ni laykanacarusa sarapjjamti. Janiraqui jupanacaru jisqhisisasa ñankhachasipjjamti. Nayätwa jumanacan Tatitu Diosamajja.

Miqueas 6:7

¿Tatitusti cusisiraquispati jupar waranka ovejanaca, jan ucajj tunca waranca aceite jawiranaca churirista ucajja? ¿Jan ucajj jilïr yokall wawajjcha loktirista, Dios contra sayt'asitajjata, uqhamarac juchajjatsa?

Hechos 16:16

Mä urusti oración lurañäquis ucqharuw sarasipcäyäta. Sarcasinsti, mä ñankha ajayuni tawakoruw jicjjatapjjta. Jupasti uca ñankha ajayumpejj cunatejj khepürun pasañapäcän ucanac khanañchirïnwa. Uywirinacapataquisti walja kollkenac jicjjatirïnwa uca yatiyäwinac toke.

Deuteronomio 32:16

Diosarusti colerayaraquïnwa yakha ajjtascañ diosanacar yupaychasa.

Deuteronomio 32:21

Cawquïri diosatï jan diosäqui ucampiw colerayapjjestajja, uca jan yäkat diosanacampiw colert'ayapjjaraquista; ¡ucatwa nayajj colerayapjjaraquïma jan amuyun jakenacampi, cawquïritejj jan marcäqui, uca marcampiw colerayapjjaraquïma!.