Jeremías 32:35 - Qullan Arunaca

³⁵ Ben-hinom sisqui uca vallensti Baal diosataquejj altaranacsa lurasipjjaraquiwa, Moloc diosaru imill wawanacapsa, yokall wawanacapsa sacrificiot loktañataqui, uqhamat Judá marcaru juchar puriyasa, uca ajjtascaña lurañanacsti janiw nayajj jupanacarojj ‘Lurapjjam’ siscti ni acch'as amuyojjarojj ucanacajj jutcaraquïnti.

Aymar Bibliia 1986

³⁵ Ben-hinom sisqui uca vallensti Baal diosataquejj altaranacsa lurasipjjaraquiwa, Moloc diosaru imill wawanacapsa, yokall wawanacapsa sacrificiot loktañataqui, uqhamat Judá marcaru juchar puriyasa, uca ajjtascaña lurañanacsti janiw nayajj jupanacarojj ‘Lurapjjam’ siscti ni acch'as amuyojjarojj ucanacajj jutcaraquïnti.

Qullan Arunaka DC

³⁵ Ben-hinom sata qhirwansti Baal diosatakix altaranak lurasipxi, ukat juk'ampi jan wali luratanakapax axtasiyitu, uka altaranakan imill wawanakaparu, yuqall wawanakapar Moloc diosar wilañcha luqtapxi, ukhamat Judá markarux juchar puriyapxi, uka axtaskañ lurañanaksti janiw nayax jupanakarux ‘Lurapxam’ siskti, janirakiw akch'as amuyuxarux ukanakax jutkarakïnti.

Jeremías 32:35 Jak'a apnaqawi uñst'ayäwi

1 Reyes 11:33

Salomonasti nayarojj apanucutuwa, ucatsti sidonios ucanacana Astarté sat diosaparuwa yupaychjje; ucatsti yupaycharaquïnwa moabitanacan Quemos sat diosaparuraqui; ucatsti yupaychänwa amonitanacan Milcom sat diosaparuraqui. Jupan luratanacapasti nayan nayrakatajjana janiw sumäquiti, janiraquiw leyinacajjsa, arsüwinacajjsa phokcaraquiti, cunjämatï David awquipajj lurcäna uqhama.

1 Reyes 11:7

Qhä tiemponsti Salomonajj Jerusalenata inti jalsu tokenquir kollurojja lurayänwa mä santuario Quemos sat c'ari diosataqui, ucasti Moab ucan ajjtcaña diosapänwa, uqhamarac Moloc ucataquiraqui, ucasti amonitanacan ajjtcaña diosapänwa.

1 Reyes 14:16

Jeroboaman juchanaca luratapa laycuwa Tatitojj Israel marcaru catuyani, uqhamarac Israel marcaru jucha lurayatapataraqui” sasa.

1 Reyes 15:26

Ucampis jupan luräwinacapajj janiw walïcänti Diosan nayrakatapana; jupasti cuna juchanactejj awquipajj lurcäna ucanacaracwa luraraquïna, uqhamarac cunanacampitejj israelitanacar juch luraycäna ucanacampiraquiw jucha lurayäna.

1 Reyes 15:30

Acasti lurasïnwa Jeroboam reyin jucha luratanacapampi israelitanacar jucha luraycäna ucata, uqhamata Israelan Tatit Diosapar colerayasina.

1 Reyes 16:19

Acasti lurasïnwa jucha luratapata, uqhamarac Tatitun nayrakatapana jan walinaca luratapataraqui. Jupasti pachpa juchanacwa luränjja Jeroboam reyejj lurcäna ucanaca, ucat juc'ampi juchanacwa israelitanacaru lurayänjja.

1 Reyes 21:22

Uqhamarus familiamampejj luraraquïwa, cunjämtï Nabat chachan Jeroboam yokapan familiapampi lurcta, uqhamarac Ahías chachan Baasa yokapan familiapampisa, Israel marcar jucha lurayapjjatapata nayar colerayasa uqhama’ sasa.

2 Reyes 21:11

“Manasés reyin jan wali k'añu luräwinacapata, ñankha luräwinacapajj juc'amp jilätapata, jupat sipana nayra jacapcäna uca amorreonacata sipana juc'ampi, uqhamarac Judá marcarusa yakha diosanacapampi jucha lurayatapatjja:

2 Reyes 21:4

Ucjjarusti Tatitun templopanjja altaranacwa lurayäna. Uca toketsti Tatitojj sänwa: “Jerusalenaruwa sutejj-jja uchäjja” sasa.

2 Reyes 23:10

Josías reyisti taquichasiraquïnwa Ben-Hinom sat vallenquiri naqhayañäqui uca, jan qhitis yokalla imilla wawaparusa Moloc diosataqui sacrificion loktapjjañapataqui.

2 Reyes 23:15

Nabat chachan Jeroboam yokapajj israelitanacar juch luraycäna ucasti Betel chekana mä altara, yakha diosanacan santuario utap luraycäna ucjja, Josías reyiw k'al tucjäna lak'ar tucuyañcama, ucatsti ninampiwa naqhantayäna, uqhamarac Asera diosan lantiparusa.

2 Reyes 3:3

Ucampisa luränwa Nabat chachan Jeroboam yokapajj juchanaca lurcäna uca pachpanaca, ucanacampiraquiw Israelarojj juch lurayäna.

2 Crónicas 33:6

Ucjjarusti wawanacaparuwa sacrificiot loktasina naqhantayäna Ben-hinom valle sat chekana, ajayunacaru jisct'asisin yupaychäna, ucatsti utt'ayänwa ch'amacaninaca, ajayunacampi parlañanaca, uqhamarac laykasiñanaca. Tatitun nayrakatapanjja luräwinacapajja sinti jan walinacänwa, Tatitun colerasiñapa sartayañcama.

2 Crónicas 33:9

Manasés reyejj jan wali thaquiruwa maysaru saranucuyäna Judá orakenquir jakenacaru, uqhamarac Jerusalenanquiri jakenacarusa, Tatitojj israelitanacan nayrakatapana tucjcäna uca marcanacana luräwinacapatsa juc'ampi jan walinaca lurayasa.

2 Crónicas 36:14

Uqhamaraquiw Judá orakenquir jilïrinacasa, sacerdotenacasa, uqhamarac jakenacasa juc'amp jan walinaca lurapjjäna, jucharar marcanacan ajjtcaña luräwinacapa lurasina, uqhamarac Tatitun templopa taquichasina, cuntejj Tatitojj Jerusalenan santuario ajlliscäna uca.

Éxodo 32:21

Ucat Moisesajj, Aaronarojj saraquïnwa: —¿Cunsa aca jakenacajj lurapjjtama? ¿Cunatsa aca jach'a jucha jupanacaru luraytajja? —sasa.

Isaías 57:5

roble kokanaca jac'ana, take ch'ojjña kokanac c'uchunwa k'añu lurañanacaru catuyasipjjtajja, jawira thiyanacana, karka p'iya mankhanacan jisc'a wawanacsa sacrificiot loktapjjtajja.

Jeremías 19:2

Ucatsti Ben-hinom sisqui uca valleru sararaquim, C'allananac Puncu sisqui uca uñcatasiru, ucansti yatiyaraquim cuna arunactejj nayajj siscäma uca arunaca.

Jeremías 30:14

Take munirinacamasti apanucuwayjjapjjtamwa, janiw jumat amtascjjapjjaraquiti. Nayaw jumarojj uqham chhojjriñchsmajja, uñisirimäquiristsa uqhama jan qhuyapt'ayasisaw mutuyämajja, walja jach'a juchanac luratam laycuw uqham lursmajja.

Jeremías 44:4

Nayasti mayampi mayampwa nayar sirviri profetanacjja qhitanipjjäyäsma jumanacaru jan uca ajjtaña luräwinaca lurapjjañanacamata jarct'añapataqui, nayasti uca luräwinacampejj ajjtastwa.

Jeremías 7:30

Tatitusti siwa: “Judá orakenquir jakenacasti mä jan walwa lurapjje nayaru ñankhachquiri: uca ajjtascañ c'ari diosanacapwa nayar loktat templorojj uchasjjapjje, uqhamat templojja k'añuchapjje.

Jeremías 7:31

Ben-hinom vallensti Tofet sat nina phichhaña chekaruraquiw altar waquichapjje, ucan imill wawarusa jan ucajj yokall wawarusa naqhantayañataqui, nayasti janipuniw jupanacarojj ucanac lurapjjam siscti, ni amtäwejjansa ucanacajj utjcaraquïnti.

Ezequiel 23:37

Jupanacajj janiw nayaru take chuymampi arcapquitänti, amparanacapasa wilampi k'añuchsutaraquiwa. C'ari diosanacaparu yupaychasasti nayarojj janiw take chuymampi arcjjapjjetänti, uca yakha diosanacar yupaychasasa wawanacapjja ninaruw naqhantayapjjaraqui sacrificiot loktasina, cawquïri wawanactejj nayataqui utjayarapquitäna uca wawanacjja.

Levítico 18:21

“Janipuni wawanacamjja Moloc sat diosarojj sacrificiot loktamti. Janiraqui uqham lurasajj Diosan sutipsa ñankhachamti. Nayaquïtwa Tatitojja.

Hechos 7:43

Janiwa, ucatsipan jumanacajj Moloc sat diosan templopjjay apapjjstajja Renfán diosan warawarapsa, cawquïr diosanactejj jumanac quicpa lursusipcta yupaychañataqui ucanaca. Ucatpï jichhajj nayajj jupanacarojj marcapat apsusina, Babiloniat juc'amp qhurir ananucöjja’ sasa.

Deuteronomio 12:31

Jan jumanacajj uqham Tatitu Diosamarojj lurapjjamti. Diosajj jan uñjañ munqui ucanacwa uca marcanacasti diosaparu wakaychañataquejj lurapjje, uqhamaraquiwa quipca wawanacapsa ninampi phichhantapjje sacrificiot loktasa.

Deuteronomio 18:10

Jan jumanacat cawquïris sacrificiot ninar nakhantayasa loktapjjamti wawanacamaru, janiraqui yatiri jakes tucupjjamti, janiraqui jutcan uca urunacat yatjjatañanacarusa uchasipjjamti, janiraqui laykanacasa tucupjjamti.

Deuteronomio 24:4

ucapachasti uca nayra chachapajj janiw uca warmimpejj casarasiñ puedquiti, jupan jan k'omätap laycu, ucampis ucajj Diosataquejj mä ajjtañ luräwïspawa, ucatsti jumanacajj janiw jisc'achayapjjätati cawquïri oraktejj Tatitu Diosamajj catuyapctam ucarojja.