Levítico 18:21 - Qullan Arunaka DC

²¹ “Wawanakamsti janipun Moloc sat diosarux wilañchat luqtamti. Janirak ukham lurasax Diosan sutipsa ñanqhachamti. Nayakïtwa Tatituxa.

Aymar Bibliia 1986

²¹ “Janipuni wawanacamjja Moloc sat diosarojj sacrificiot loktamti. Janiraqui uqham lurasajj Diosan sutipsa ñankhachamti. Nayaquïtwa Tatitojja.

Qullan Arunaca

²¹ “Janipuni wawanacamjja Moloc sat diosarojj sacrificiot loktamti. Janiraqui uqham lurasajj Diosan sutipsa ñankhachamti. Nayaquïtwa Tatitojja.

Levítico 18:21 Jak'a apnaqawi uñst'ayäwi

1 Reyes 11:33

Salomonax nayar apanukutuwa, sidonionakan Astarté sat diosaparuw yupaychxi; moabitanakan Quemós sat diosaparu; amonitanakan Milcom sat diosaparuw yupaycharaki. Jupan luratanakapasti nayan nayraqataxan janiw sumäkiti, janirakiw kamachinakaxsa, arsüwinakaxsa phuqkiti, kunjämtix David awkipax lurkän ukhama.

1 Reyes 11:7

Khä urunakansti Salomonax Jerusalenat inti jalsu tuqinkki uka qullun, mä yupaychäwi chiqa Quemós sat Moab markan axtkañ idolopatak luräna, ukhamaraki amonitanakan Moloc sat axtkañ idolopatakisa.

2 Reyes 16:3

jupax Israelan maynïr reyinakapan thakhip arkäna, jupasti wawaparusa wilañcha luqtasin nakhantayäna, kunjämtix markanakax jan walinak lurapxirïkän ukhama, Tatitusti uka markanakarux israelitanakan nayraqatapat jaqunukutaynawa.

2 Reyes 17:31

Avá ukankir jaqinakasti Nibhaz, Tartac sat idolonak lurasipxarakïna; Sefarvaim ukankir jaqinakasti wawanakap ninar nakhantayapxäna, Adramélec, Anamélec sat diosanakapar wilañcha luqtasa.

2 Reyes 21:6

Ukxarusti wawanakaparux wilañcha luqtasaw nakhantayäna, ukatsti ajayunakar jawsañampi, jamusiñanakampi yatïna, ukatsti ajayunakampi parlaña, layqasiñanakampi utt'ayäna. Luratanakapasti Tatitun nayraqatapan sinti jan walinakänwa, ukhamat Tatitur wali q'apisiyäna.

2 Reyes 23:10

Josías reyix Ben-hinom sat qhirwan utjkatayna uka nakhayaña t'unjarakïna, jan khitis yuqall wawaparusa, imilla wawaparus Milcom diosatak wilañcha luqtasipkañapataki.

2 Crónicas 28:3

Ben-hinom qhirwan incienso nakhayäna, wawanakaparusti wilañcha luqtasin nakhantayäna, kawkïr markanakarutix Tatitux israelitanak nayraqatat jaqunukkatayna ukanakan axtkañ luräwinakap lurasa.

Jeremías 19:5

Ukhamarus Baal diosar wawanakap wilañcha luqtañatakiw altaranak lurarasipxaraki, janiw nayax ukham lurapxañap jupanakar siskäyätti, janirakiw ukham lurapxañapsa amtkäyätti.

Jeremías 32:35

Ben-hinom sata qhirwansti Baal diosatakix altaranak lurasipxi, ukat juk'ampi jan wali luratanakapax axtasiyitu, uka altaranakan imill wawanakaparu, yuqall wawanakapar Moloc diosar wilañcha luqtapxi, ukhamat Judá markarux juchar puriyapxi, uka axtaskañ lurañanaksti janiw nayax jupanakarux ‘Lurapxam’ siskti, janirakiw akch'as amuyuxarux ukanakax jutkarakïnti.

Jeremías 7:31

Ben-hinom qhirwansti Tófet sat nina phichhaña chiqaruw altar wakichapxi, ukan imill wawarusa jan ukax yuqall wawarusa phichhantapxi, nayasti janipuniw jupanakarux ukanak lurapxam siskti, janirakiw amtäwixansa ukanakax utjkänti.

Ezequiel 20:26

Jupanakarusti, uka diosanakar jilïr yuqall wawanakap wilañcha luqtañampiw q'añuptayta. Taqi ukanaksti jupanakan axsartapxañapatakiw lurta, ukat nayan Tatitütax yatipxañapataki.’

Ezequiel 20:31

Jumanakax wawanakamar ninampi nakhantayasin wilañcha luqtasax, uka axtaskañ diosanakamampix q'añuchasisipkaktawa. Jichhasti israelitanaka, ¿ukham lurkasas nayar jiskt'asirix jutañ munasipkaktati? Naya, Tatituw jakañax layku juramentompi arsta, janipuniw jumanakampix jiskt'ayaskäti.

Ezequiel 23:37

Jupanakax janiw nayarux taqi chuyma arkapkituti, amparanakapasa wilampi q'añuchjatawa, wawanakap jiwarayasaw uka diosanakaparux wilañcha luqtapxäna, nayataki utjayarapkitu uka wawanaka.

Levítico 19:12

“K'ari arsüwinak nayan sutixar jan luramti, ukham lurasax Tatit Diosaman sutip ñanqhachtaxa. Nayätwa Tatituxa.

Levítico 21:6

jan ukasti, Tatit Diosaparuw katuyasipxañapa, jupan sutip janirakiw ñanqhachapxañapäkiti, jupanakaw taqi nakt'at waxt'anaksa, Tatitun t'ant'apsa luqtapxi; ukhamasti jupanakax Tatitutak yaqhachatapuniw sarnaqapxañapa.

Levítico 22:2

“Aaronampiru wawanakapampirusti akham sarakim: Jupanakax wal amuyasipxañapawa kuna yänaktix israelitanakax nayar luqtapkitu ukanakatxa, ukhamat jupanakax nayan qullan sutix jan ñanqhachasipkañapataki. Nayätwa Tatituxa.

Levítico 22:32

“Nayan qullana sutixsti janipun takisipxamti, ukhamat taqi israelitanak taypin nayax askit uñt'atayä. Naya Tatituw jumanakarux nayatak yaqhachasipxsma,

Levítico 24:15

Israelitanakarux sarakim: Kawkïritix Tatit Diosapar ñanqhachkani ukarusti, juchap uñt'asiyapxäta, ukatsti taqi jaqinakaw qalamp k'upjas uka jaqirux jiwayapxani. Yaqha markat jutirïskpasa jan ukax pachpa israelita jaqïskpasa, Tatitun sutiptix ñanqhachkani ukasti, uka jaqix jiwayatäñapatak juchañchatäniwa.

Amós 2:7

Jan kunan jaqinakarusti wali t'aqhisiyañampiw jisk'achapxi, llamp'u chuyman jaqinakarux janiw chiqapar uñjapkiti. Awkis, yuqas, pachpa warmimpiw ikintasipxi, ukhamat nayan Qullan sutix takichasipxi.

Amós 5:26

Ukampis jichhax Sicut, Quiiún, jumanakan lurat uka diosanakam apasxapxañamäniwa.

Miqueas 6:7

¿Tatitusti kusisirakispati jupar waranqa ovejanaka, jan ukax tunka waranqa litro aceite churirista ukaxa? ¿Jan ukax jilïr yuqall wawaxcha Tatitur saykatataxata, jucha lurataxatsa, luqtirista?

Malaquías 1:12

Ukampis jumanakax ñanqhachapxistawa. Altaraxax jisk'achañäkaspas ukham amuyapxtaxa, ‘uchatäki uka manq'anakax axtqañawa’ sasaw jisk'achapxaraktaxa.

Hechos 7:43

Janiwa, ukatsipan jumanakax Moloc sat diosan yupaychañ utapxay kallachinakamar apapxstaxa, Refán diosan warawarap apapxaraktaxa, yupaychañatak amparanakamamp lursusipkta uka diosanaka. Ukatpï jichhax nayax jumanakarux markamat apsusina, Babiloniat juk'amp khurir ananukupxämaxa” sasa.

Romanos 1:23

jupanakax wiñay jakir Diosan jach'a kankañapsa, jiwir jaqin lurat diosan uñtasitaparuw jaqukipapxi, jamach'inakaru, asirunakaru, pusi kayun animalanakan uñtasitaparu.

Romanos 2:24

Ukatpï Qillqatanakax sixa: “Jan judiöpki uka jaqinakax jumanak laykuw Diosarux ñanqhachapxi” sasa.

Deuteronomio 12:31

Jan jumanakax Tatit Diosamar ukham lurapxamti, kunjämtix uka markanakax diosapar waqaychapki ukax Diosar axtasiyiwa. Jupanakax ninampi phichhantasaw kipka wawanakapsa wilañcha luqtapxi.

Deuteronomio 18:10

Jan jumanakat khitis ninar nakhantayas wawanakamar wilañcha luqtpati, janirak layqasiñanakan sarnaqpati, jutir urunakat yatxatañanakarus uchasipxpati, janiraki layqasir jaqïpxpati,