“Marcajjajj k'ala lokheratawa, janiw uñt'cjjaraquituti siw Tatitojja. Jan amuyt'asiri wawanacäpjjewa, janiw amuythapisipquiti. Ñankhanac lurañanacataquisti ch'amanacapas jilararaquiwa, ucampisa janiw cunatejj asquïqui ucjja lurañ yatipquiti.”
Juan 8:55 - Qullan Arunaca Ucampis jumanacajj janiw uñt'apctati, nayasti uñt'twa. Nayatejj: ‘Janiw uñt'cti’ sirista ucajja, jumanacjam c'ariw tucuraquirista. Chekpachansa nayajj uñt'twa, cuntejj jupajj sisqui ucwa luraracta. Aymar Bibliia 1986 Ucampis jumanacajj janiw uñt'apctati, nayasti uñt'twa. Nayatejj: “Janiw uñt'cti' sirista ucajja, jumanacjam c'ariw tucuraquirista. Chekpachansa nayajj uñt'twa, cuntejj jupajj sisqui ucwa luraracta. Qullan Arunaka DC Ukampis jumanakax janiw uñt'apktati, nayasti juparux uñt'twa; nayatix: “Janiw jupar uñt'kti” siristxa, jumanakjam k'ari jaqïristwa. Chiqpachansa nayax jupar uñt'twa, kuntix jupax siski uk lurarakta. |
“Marcajjajj k'ala lokheratawa, janiw uñt'cjjaraquituti siw Tatitojja. Jan amuyt'asiri wawanacäpjjewa, janiw amuythapisipquiti. Ñankhanac lurañanacataquisti ch'amanacapas jilararaquiwa, ucampisa janiw cunatejj asquïqui ucjja lurañ yatipquiti.”
C'arisiñataquisti janc'aquïpjjewa, flechanacsa mä arcompi antutt'apcaspa uqhama. Aca marcansti c'arisiñaquiw phokt'atäsqui, janiw chekapajj utjquiti; jan walit juc'ampi jan waliruquiw sarjjapjje, ucatsti pachpa Tatituw arsuraqui: “Janiw nayarojj uñt'añ munapquituti” sasa.
Jakenacan jan wali luratanacapaw Diosaparojj jan cuttayanquiti. Wachoka juchampi atipjatäsinwa, Tatiturojj jan uñt'cjjeti.
“Awquejjasti take cunwa churjjetu ucampis janiw qhitis Yokarojj uñt'quiti, jan ucasti Awquiquiwa. Awquirusti janiraquiw qhitis uñt'quiti, jan ucasti Yokaquiw Awquirojj uñt'i, uqhamarac qhitirutejj Yokajj uñt'ayañ munqui ucanacampi.
“Awquejjajj take cunwa nayarojj catuyjjetu. Janiw qhitisa yatquiti Yokan qhitïtapsa, jan ucasti Awquiquiw yati, uqhamarac qhitinacarutï Yokajj uñt'ayañ munqui ucanacaraqui.”
Janiw cunapachas Diosarojj qhitis uñjquiti, ucampis mä sapa Yokapa, cawquïritejj Awquipa jac'ana kont'atäquis ucawa uñt'ayistu cunjamäquitejj Diosajj ucjja.
Cunjämtejj Awquejjajj nayaru uñt'quitojja, uca pachparaquiw nayajj Awquirojj uñt'aracta; jacañajjsti ovejanacajj laycuw apt'asiracta.
Nayan camachinacajjtï phokhapjjäta ucajja, nayajj munasipcsma uca munasiñanwa sarnakapjjäta, cunjämtejj nayajj Awquejjan camachinacap phoktjja uqhamarac jupajj nayar munasitu ucanaracwa sarnakta.
Take acanacjja lurapjjätamwa nayan sutejj laycu, jupanacajj qhitanquitu ucarojj jan uñt'apjjatap laycuraqui.
Suma Awquiy, acapachajj janiw uñt'ctamti, ucampis nayajj uñt'smawa, acanacasti yatjjapjjewa juman nayaru qhitanitama.
Janiw qhitis uñjquiti Awquirojja, jan ucasti qhititejj Diosat jutqui ucaquiw jupar uñji.
Ucatsti jisct'apjjaraquïnwa: —¿Cawquinquis Awquimajja? —sasa. Jesusasti ucjjarojj sänwa: —Jumanacajj janiw nayar uñt'apquistati, ni Awquejjarusa. Nayarutejj uñt'apjjetasmajja, Awquejjarojj uñt'apjjaraquismawa —sasa.
Qhititejj nayar qhitanquitu ucajja nayampïsquiwa; Awquejjajj janiw sapac jaytquituti, nayajj jupar cusisiyquirpun cuns luratajj laycu.
Jumanacan awquimajj Supayawa, jumanacajj Supayancapjjtawa. Cuntejj jupajj munqui ucwa lurapjjaractajja. Supayajj kalltatpacha jake jiwayiriwa. Janiw cunapachas jupajj chek parlquiti, jupajj c'arïtap laycu. Cunapachatejj c'arinac parlqui ucqhajja jupatacwa parlasqui, c'arïtap laycu, uqhamarac c'arin awquipätap laycuraqui.
Khanacwa sapjjsma, qhititejj nayan arsutajjarjama cuns lurani ucajja, janiw cunapachas jiwcaniti —sasa.
Judionacasti ucjjarojj sapjjaraquïnwa: —Jichhaw yatjjapjjtjja ñankha ajayunïtama. Abrahamasa, uqhamarac take profetanacasa jiwapjjewa, jumasti arstawa: ‘Qhititejj nayan arsutajjarjama cuns luranejja, janiw cunapachas jiwcaniti’ sasa.
Jumanacajj sacrificionac loktasipjjerïctas ucawjanac sarnakcasinjja, nayajj mä altar jicjjatta aqham kellkatani: ‘Jan uñt'at Diosaru’ sasa. Uca jan uñt'casin yupaychapctas uca Diosatpï nayajj jumanacarojj parlapjjsmajja —sasa.
Diosajj khanapjja ch'amacan khantaycäna, uca pachpa Diosaraquiw khanapjja chuymanacasan khanayi. Uca khanampisti Diosan c'ajquir cancañapajj Jesucriston ajanupan khanquis uc uñt'apjjañasataquiwa.
Jiwasatejj sañäni: “Jupampejj mayaquïtanwa” sasajja, ucatsti uqham arscasinjja ch'amacan jacascaracstanjja, c'arïtanwa arsüwisansa, uqhamarac luräwisansa.
¿Qhitis c'arejja? Qhititejj Jesusar sejja: “Janiw Cristöquiti” sasa. Ucawa Criston uñisiripajja, Awquirus uqhamarac Yokarus jan uñt'iri tucutap laycu.
Ucampis cawquïritejj sanejja: “Nayajj uñt'twa” sasa, ucatsti janirac camachinacap imcaniti ucasti, c'ariwa. Jupanjj janiraquiw cheka arojj utjquiti.
Qhititejj Diosan Yokaparojj iyawsqui uquïrejj jacäwipampiw khanañchi. Qhititejj Diosar jan iyawsquejja c'arit uñt'ayi, Diosajj Yokapjjat khanañchatapjja jan iyawsatap laycu.
Uqhamajj qhitinacatejj Supayan tamapancasipqui, uqhamarac: Judiöpjjtwa sas c'arisis sarnakasipqui ucanacarojj juman ucaruw qhitanëjja cayunacamar quillt'asipjjañapataqui, uqhamata yatipjjañapataqui nayajj jumar munatajj-jja.