1 Juan 1:6 - Qullan Arunaca

⁶ Jiwasatejj sañäni: “Jupampejj mayaquïtanwa” sasajja, ucatsti uqham arscasinjja ch'amacan jacascaracstanjja, c'arïtanwa arsüwisansa, uqhamarac luräwisansa.

Aymar Bibliia 1986

⁶ Jiwasatejj sañäni: “Jupampejj mayaquïtanwa” sasajja, ucatsti uqham arscasinjja ch'amacan jacascaracstanjja, c'arïtanwa arsüwisansa, uqhamarac luräwisansa.

Qullan Arunaka DC

⁶ Jiwasatix sañäni: “Jupampix mayakïtanwa” sasaxa, ukham arskasas ch'amakan jakaskañän ukkhaxa, k'arisipxtanwa, janiw chiqarjam lurapktanti.

1 Juan 1:6 Jak'a apnaqawi uñst'ayäwi

Salmos 82:5

“Jumanacasti janiw yatipctati, janiraquiw amuyt'apctasa, ch'amacan sarnakapjjtajja. Aca oraken utt'äwipasti qhathatisquiwa.

Salmos 94:20

Ñankha lurir taripirinacasti, ¿jumamp mayachasispati? leyin sutipar jan chekapar uñjirinacasti, ¿jumamp chicäspati?

Proverbios 2:13

Imaraquïtamwa cheka sarnakäwinaca apanucusina, jan walinac luras sarnakerinacatsa;

Mateo 7:22

Cunapachatejj uca urojj purincani ucapachajja, waljaniraquiw sapjjaraquitani: ‘Tatay, Tatay, nanacajj sutimaruwa parlapjjäyäta, sutimaruraquiw ñankha ajayunacarus jaksupjjäyäta, uqhamarac sutimjjaruraquiw walja milagronacs lurapjjäyäta’ sasa.

Juan 11:10

Ucampis maynitejj aruma sarnakejja, khana jan utjatap laycojj lanctasiwa —sasa.

Juan 12:35

Jesusasti ucjjarojj sänwa: —Mä juc'a urunacaquiw khanajj jumanac taypincani. Sarnakapjjamay khana utjquipanjja, jan ch'amacamp catjayasiñataqui; ch'amacan sarnakeristi janiw cawcsaru saratapsa yatquiti.

Juan 12:46

Nayajj khanätwa, qhitinacatejj nayaru iyawsquitu ucanacajja jan ch'amacan sarnakapjjañapataquiw acapacharojj jutta.

Juan 8:12

Jesusajj wasitampiw jakenacaru parläna: —Nayätwa acapach khanajja. Qhititejj nayaru arquitani ucajja, jacañ khananïniwa, janiraquiw mayampis ch'amacan sarnakcjjaniti —sasa.

Juan 8:55

Ucampis jumanacajj janiw uñt'apctati, nayasti uñt'twa. Nayatejj: ‘Janiw uñt'cti’ sirista ucajja, jumanacjam c'ariw tucuraquirista. Chekpachansa nayajj uñt'twa, cuntejj jupajj sisqui ucwa luraracta.

1 Timoteo 4:2

C'ari chuyman jakenacaruw ist'apjjani, ucanacan chuymanacapajj janiw cuns amuycjjeti, parintat fierrompis nacsutäcaspa uqhama.

Santiago 2:14

Munat jilatanaca, ¿cunataquis walejja maynitejj: “Nayajj iyawstwa” sischi ucatjja janiraqui cuna ascsa lurcchiti ucajja? ¿Uca iyawsañapasti khespiyaspati?

Santiago 2:16

ucat jumanacatjja maynejj sani: “Waliqui, janjjatasim, mank'asiraquim” sasa, ucatsti janiraqui issa ni mank'sa churcaniti ucqhajja, ¿cuna asquis uca arsutapajja?

Santiago 2:18

Inas maynejj sischini: “Jumajj iyawsañanïtawa, ucampis nayajj suma luräwinac lurtjja” sasa. Jichhajj uñacht'ayitaya jan suma luräwinacan iyawsañamjja, nayasti uñacht'ayaraquïmawa iyawsañajj-jja suma luratanacajj toke.

1 Juan 1:10

Ucampis jiwasatejj: “Janiw cuna juchs lurcti” sisna ucajja, Diosaruw c'arir tucuytan, chekpachansa janiw arup catokctanti.

1 Juan 1:3

Khanañchapjjsmaw jumanacaru cuntejj uñjapjjtjja, ist'apjjaractjja ucjjata, jumanacajj nanacampi mayachasipjjañamataqui cunjämatejj nanacajj chekpachansa mayaquïpjjtjja Dios Awquimpi, uqhamarac Jesucristo Yokapampisa.

1 Juan 1:8

Jiwasatejj sañäni: “Janiw juchanïcti” sasa, ucapachajj jiwas pachpaw c'arintastan, janiraquiw jiwasan cheka luräwejj utjquiti;

1 Juan 2:4

Ucampis cawquïritejj sanejja: “Nayajj uñt'twa” sasa, ucatsti janirac camachinacap imcaniti ucasti, c'ariwa. Jupanjj janiraquiw cheka arojj utjquiti.

1 Juan 4:20

Ucampis cawquïritejj sejja: “Nayajj Diosarojj muntwa” sasa, ucatsti jilapar uñisiscaraquejja, ucasti c'ariwa. Maynitejj jilapar uñjcasina jan muncchejja, ¿cunjämatsa Diosarojj munaspa jan uñjasajja?