Juan 15:21 - Qullan Arunaca

²¹ Take acanacjja lurapjjätamwa nayan sutejj laycu, jupanacajj qhitanquitu ucarojj jan uñt'apjjatap laycuraqui.

Aymar Bibliia 1986

²¹ Take acanacjja lurapjjätamwa nayan sutejj laycu, jupanacajj qhitanquitu ucarojj jan uñt'apjjatap laycuraqui.

Qullan Arunaka DC

²¹ Taqi akanaksti, nayan sutix laykuw lurapxätam, nayar khithankitu ukar jan uñt'apxatap layku.

Juan 15:21 Jak'a apnaqawi uñst'ayäwi

Salmos 69:7

Juma laycuw jisc'achat uñjasta, ajanojjas p'enkamp chhaktatawa.

Isaías 66:5

Tatitun arunacap ist'apjjam, jumanaca qhitinacatejj arunacapa phokhapcta ucanaca: “Jumanacan yakhepa marca masinacamajja qhitinacatejj jumanacar uñisipctam, arcnakapjjaractam nayan sutejja aytasipjjatam laycu, ucanacasti sapjjewa: ‘Tatitojj jach'a cancañap uñacht'aypanaya, jumanacarusti c'uchicwa uñjañ munapjjsma’ sasa. Ucampis jupanacajj mä p'enka jisc'achjataw uñjasipjjani.

Mateo 10:18

Marca apnakerinacan uqhamarac reyinacan nayrakataparus apapjjaraquïtamwa nayan sutejj laycu, uqhamatwa nayatjja jupanacar parlapjjätajja uqhamarac jan judiöpquis uca jakenac nayrakatansa.

Mateo 10:22

Take jakenacaraquiw jumanacarojj uñisipjjätam nayar arcapjjatam laycu, ucampis qhititejj tucuycama sayt'cani ucawa khespiyatäni.

Mateo 10:39

Qhititejj jacañap khespiyasiñ munanejja, apt'asiniwa, ucampis qhititejj jacañap naya laycu apt'asinejja, khespiyasiniwa.

Mateo 24:9

“Jumanacarusti catuntayapjjaraquïtamwa t'akhesiyañataqui, ucatsti jiwayapjjaraquïtamwa. Take jakenacaraquiw jumanacarojj uñisipjjätam nayar arcapjjatam laycu.

Mateo 5:11

“Cusisipjjam cunapachatejj jakenacajj take jan wali arunacampi, uqhamarac janchiru chhojjriñchañanacampi uñisipjjätam, sapjjaraquïtam take jan walinaca nayar arcapjjatam laycu ucqhajja.

Marcos 13:13

Takenin uñisitaw naya laycojj sarnakapjjäta. Ucampis qhititejj tucuycam sayt'canejja ucaw khespiyatäni.

Lucas 21:12

“Ucampis take acanac nayrakatasti, catuntapjjätamwa jumanacarojja uqhamaraqui t'akhesiyañataquiw arcnakapjjaraquïtam. Sinagoganacaruw taripatäñatac apapjjätam, carcelaruw apantayapjjätam, uqhamarac reyinaca, marca apnakerinacan nayrakataparuw apapjjätam sutejj laycu.

Lucas 21:17

Take orakpacharaquiw uñisipjjätam naya laycu.

Lucas 6:22

“Cusisiñanïpjjtaw cunapachatï jakenacajj uñisipcätam ucapachajja, uqhamarac jupanacat jakonucupcätam, cunayman jan wali sapjjaraquïtam, uqhamarac sutinacamsa ñankha sutjam amuyapjjaraquini, Jaken Yokap laycu ucapachajja.

Juan 15:24

Janitejj nayajj jupanac taypin jan qhitis lurqui ucanac lurquiriscäyäta ucajja, janiw cuna juchanïpcasapänsa. Ucampis jichhajj uñj-jjapjjewa, uqhampachasa nayarojj uñisisipcaquituwa, Awquejjarus uqhamaraqui.

Juan 16:3

Acjj lurapjjaniwa, jan Awquiru ni nayaru cunapachas uñt'apjjatap laycu.

Juan 17:25

Suma Awquiy, acapachajj janiw uñt'ctamti, ucampis nayajj uñt'smawa, acanacasti yatjjapjjewa juman nayaru qhitanitama.

Juan 8:19

Ucatsti jisct'apjjaraquïnwa: —¿Cawquinquis Awquimajja? —sasa. Jesusasti ucjjarojj sänwa: —Jumanacajj janiw nayar uñt'apquistati, ni Awquejjarusa. Nayarutejj uñt'apjjetasmajja, Awquejjarojj uñt'apjjaraquismawa —sasa.

Juan 8:54

Jesusajj ucjjarojj saraquïnwa: —Naya pachpatejj jach'añchasëjja, jach'ar tucutajjajj janiw cunataquis walïcaniti. Ucampis qhititejj jach'a cancaña churquitojja ucajj Awquejjawa, qhitirutï jumanacajj ‘Diosajjaw’ sapcta uca pachpa.

Juan 8:55

Ucampis jumanacajj janiw uñt'apctati, nayasti uñt'twa. Nayatejj: ‘Janiw uñt'cti’ sirista ucajja, jumanacjam c'ariw tucuraquirista. Chekpachansa nayajj uñt'twa, cuntejj jupajj sisqui ucwa luraracta.

Hechos 17:23

Jumanacajj sacrificionac loktasipjjerïctas ucawjanac sarnakcasinjja, nayajj mä altar jicjjatta aqham kellkatani: ‘Jan uñt'at Diosaru’ sasa. Uca jan uñt'casin yupaychapctas uca Diosatpï nayajj jumanacarojj parlapjjsmajja —sasa.

Hechos 26:9

“Nayrajja, naya pachpawa Nazaretanquir Jesusan sutip contra jan walinac luraña amtäyäta.

Hechos 3:17

“Jichhasti jilatanaca, nayajj yattwa jan sum amuyt'casaw jumanacasa, uqhamarac jilïrinacamasa Jesusarojj jiwayapjjtajja.

Hechos 4:17

Ucampis jan juc'ampi marcar parlapjjañapataquejj ajjsarañ churañäni, jan juc'amp qhitirus acat qhursar Jesusan sutip aytasis parlapjjañapataqui —sasa.

Hechos 5:41

Apostolonacasti jilïrinacan nayrakatapatjja cusisitaw mistuwayjjapjje: —Diosajj jiwasanacarojj walicwa ajllisistojja aqham Tatitun sutip laycu t'akhesiñasataquejja —sasa.

Hechos 9:14

Jichhas jupajj ucaruw jutascaraqui, jach'a sacerdotenacan arsutanacapampi, Tatitun take arquirinacapar catuntañataqui —sasa.

Hechos 9:16

Nayaraquiw juparojj uñachayä kawkha t'akhesiñapatejj naya laycu jupan utjqui uca —sasa.

Romanos 1:28

Niyaquitejj Diosarojj jan uñt'añ munapcchejja, Diosajj jupanacarojj uca jan wali luräwinacapar chhakañapataquiw jaytanucu, ucat jan walïqui uc lurapjjañapataqui.

1 Corintios 15:34

Jumanacajj sum amuyasipjjam, janirac juc'ampi juch lurcjjapjjamti. Jumanacat yakhepanacasti janïraw Diosar uñt'apquiti, acsti sistwa jumanacan p'enkasipjjañamataqui.

1 Corintios 2:8

Acapach marca apnakerinacajj aca Diosan amtäwipjja janiw amuyt'apcänti. Amuyt'apjjasapän ucajj janiw alajjpach Tatiturojj crusan jiwayapcasapänti.

2 Tesalonicenses 1:8

Diosar jan catokerinacar mutuyiriw jutani, uqhamarac Tatit Jesucristosan khespiyasiñ arunacapar jan ist'irinacarusa.

1 Juan 3:1

Yatipjjam Dios Awquejj kawksa munasistu wawanacapat uñt'atäñasataqui, jïsa wawanacapapunïsctanwa. Ucatpï Diosar jan iyawsirinacajj jan uñt'quistutejja, Diosar jan uñt'apjjatap laycu.

3 Juan 1:7

Jupanacajj Tatit Jesucristor sirviñataquiw sarañjja kalltapjjejja, janiraquiw cuna yanapsa catokañ munapcänti Diosar jan uñt'irinacatjja.

Apocalipsis 2:3

Wali llamp'usiña take cunataquis usctajja. Naya laycusti waliraqui ch'am tuctajja, jan karjasisaw t'akhisiractajja.