Juan 15:21 - Qullan Arunaka DC

²¹ Taqi akanaksti, nayan sutix laykuw lurapxätam, nayar khithankitu ukar jan uñt'apxatap layku.

Aymar Bibliia 1986

²¹ Take acanacjja lurapjjätamwa nayan sutejj laycu, jupanacajj qhitanquitu ucarojj jan uñt'apjjatap laycuraqui.

Qullan Arunaca

²¹ Take acanacjja lurapjjätamwa nayan sutejj laycu, jupanacajj qhitanquitu ucarojj jan uñt'apjjatap laycuraqui.

Juan 15:21 Jak'a apnaqawi uñst'ayäwi

Salmos 69:7

7 (8) Juma laykuw jisk'achat uñjasta; p'inqatsa ajanuxax ninapuniw nakhi;

Isaías 66:5

Tatitun arunakap ist'apxam, khitinakatix arunakap phuqhapkta ukanaka: “Jumanakan yaqhipa marka masinakamaxa, khitinakatix jumanakar uñisipktam, nayan sutix aytasipxatam layku arknaqapktam, ukanakasti sapxiwa: ‘Tatitux jach'a kankañap uñacht'aypan; jumanakarusti k'uchik uñjañ munapxsma’ sasa. Ukampis jupanakax mä p'inqa jisk'achjataw uñjasipxani.

Mateo 10:18

nayan sutix laykusti, marka apnaqirinakana, reyinakan nayraqatapar irpataw uñjasipxäta; ukhamat jupanak nayraqatana, jan judiöpkis uka jaqinak nayraqatan nayat qhanañchapxäta.

Mateo 10:22

Taqi jaqinakaw nayar arkapxatam laykux jumanakar uñisipxätam; ukampis khititix tukuykam sayt'kani ukakiw qhispiyasini.

Mateo 10:39

Khititix jakañap qhispiyasiñ munanixa, apt'asiniwa, ukampis khititix jakañap naya layku apt'asinixa, qhispiyasiniwa.

Mateo 24:9

“Jumanakarusti, nuwjañataki, jiwayañatakiw katuyapxätam, taqi jaqinakarakiw nayar arkapxatam laykux uñisipxätam.

Mateo 5:11

“Kusisipxam kunapachatix jaqinakax nayar arkapxatam layku tuqipxätam, usuchjapxätam, k'arintapxätam ukkhaxa.

Marcos 13:13

Naya laykux taqinin uñisit sarnaqapxäta, ukampis khititix tukuykam sayt'kani, ukakiw qhispiyatäni.

Lucas 21:12

“Ukampis taqi akanak nayraqatasti, jumanakaruw katuntapxätam, t'aqhisiyañatakiw arknaqapxarakïtam. Sinagoganakaruw taripañatak apapxätam, carcelaruw uchantapxätam, ukatsti reyinakana, marka apnaqirinakan nayraqataparuw sutix layku irpapxätam.

Lucas 21:17

sutix laykusti taqinin uñisitaw sarnaqapxäta;

Lucas 6:22

“Kusisiñanïpxtaw kunapachatix jaqinakax uñisipkätam, jupanak taypit jaqunukupkätam, kunayman jan wali sapkätam, sutinakamsa ñanqha sutjam amuyapkani, Jaqin Yuqap layku ukapachaxa.

Juan 15:24

Janitix nayax jupanak taypin jan khitis lurki ukanak jan lurkiriskäyätxa, janiw kuna juchanïpkasapänsa; ukampis jichhax taqi ukanak uñjxapxiwa, ukhampachas nayarusa, Awkixarus uñisisipkakituwa.

Juan 16:3

Awkirus, nayarus jan uñt'apxatap laykuw taqi ukanak lurapxani.

Juan 17:25

Chiqpach suma Awkixay, akapachankirinakax janiw uñt'apktamti; ukampis nayax uñt'smawa, jupanakasti juman nayar khithanitam yatipxaraki.

Juan 8:19

Ukatsti jiskt'apxarakïnwa: —¿Kawkinkarak awkimasti? —sasa. Jesusasti jupanakarux sarakïnwa: —Jumanakax janiw nayar uñt'apkistati, janirakiw Awkixarus uñt'apktati. Nayarutix uñt'apxitasmaxa, Awkixarux uñt'apxarakismawa —sasa.

Juan 8:54

Jesusasti jupanakarux sarakïnwa: —Naya pachpatix jach'añchasiristxa, jach'ar tukutaxax inamayäspawa. Ukampis nayarux Awkixaw jach'añchaskitu, jumanakasti juparux “Diosaxaw” sapxtawa.

Juan 8:55

Ukampis jumanakax janiw uñt'apktati, nayasti juparux uñt'twa; nayatix: “Janiw jupar uñt'kti” siristxa, jumanakjam k'ari jaqïristwa. Chiqpachansa nayax jupar uñt'twa, kuntix jupax siski uk lurarakta.

Hechos 17:23

Ukawjanak sarnaqkasin nayax uñjta jumanakan walja diosanakar yupaychapxatama, wilañchanak luqtasipxirïktas ukawjan mä altar jikxatta akham qillqatani: ‘Jan uñt'at Diosaru’ sasa. Jan uñt'kasin yupaychapktas uka Diosatpï nayax jumanakar yatiyapxsmaxa.

Hechos 26:9

“Nayrax, naya pachpaw Nazaretankir Jesusan sutip jisk'achas jan walinak lurañ amtäyäta.

Hechos 3:17

“Jilatanaka, jichhax yatxtwa, jan sum amuyt'kasaw jumanakasa, jilïrinakamas Jesusarux jiwayapxtaxa.

Hechos 4:17

Ukampis marka taypin jan juk'amp ukxat parlasiskañapatakisti, jupanakar axsarayañäni, akat uksar jan juk'amp khitirus Jesusan sutip aytasis parlasipkañapataki —sasa.

Hechos 5:41

Ukatsti apostolunakax jilïrinakan nayraqatapat wali kusisitaw mistuwayxapxäna, Diosan jupanakar Jesusan sutip layku t'aqhisiñatak ajllitapata.

Hechos 9:14

Jichhasti aka markaruw puriniraki, jilïr sacerdoten arsut qillqatapampi, ukhamat juman sutim aytasirinakar katurañataki” sasa.

Hechos 9:16

Nayaw juparux uñachayä kunanaktix sutix layku t'aqhisiñap wakiskani uka” sasa.

Romanos 1:28

Diosar jan uñt'añ munapxatap laykuxa, jupax jan wali amtäwinakaparuw jaytanuku, kunatix jan lurañäki uk lurapxañapataki.

1 Corintios 15:34

Jumanakax sum amuyasipxam, janirak juch lurkxapxamti, jumanakat yaqhipanakax janïraw Diosar uñt'apkiti. Uksti jumanakan p'inqa tukuñamatakiw sapxsma.

1 Corintios 2:8

Aksti janiw jichhür akapach apnaqirinakax amuyapkiti, jupanakatix amuyasapän ukax janiw alaxpach Tatiturux cruzar ch'akkatapkasapänti.

2 Tesalonicenses 1:8

Khitinakatix Diosar jan uñt'apki ukanakaru, Jesucristo Tatitusan suma yatiyäwi arunakap jan jaysapki ukanakar mutuyiriw jutani.

1 Juan 3:1

Uñjapxam, Dios Awkix walpun munasistu, Diosan wawanakapaw satäñasatakixa, jïsa, wawanakapapunïsktanwa. Ukatpï Diosar jan iyawsirinakax jan uñt'kistutixa, jupanakan Diosar jan uñt'apxatap layku.

3 Juan 1:7

Jupanakasti Jesucriston sutipxar sarañatakiw mistupxi, ukatsti janirakiw Diosar jan uñt'ir jaqinakat kuna yanap katuqañsa munapkiti.

Apocalipsis 2:3

Jumax llamp'u chuyma kankañanïtawa, sutix laykusti jan qarjasisaw wal t'aqhisiraktaxa.