Juan 15:20 - Qullan Arunaka DC

²⁰ Kuntix sapkäyäsma uk amtasipxam: ‘Janiw khiti uywatas uywiripat sipan juk'ampïkiti’ sasa. Nayarux uñisipxituwa, jumanakarusti uñisipxarakïtamwa; yatichäwinakaxtix imapxchixa, jumanakan yatichäwinakam imapxarakiniwa.

Aymar Bibliia 1986

²⁰ Amtasipjjam cuntejj sapjjäyäsmajja: “Janiw qhiti uywatas uywiripat sipanjja juc'ampïquiti” sasa. Nayarojj uñisipjjetuwa, jumanacarojj uñisipjjaraquïtamwa; yatichäwinacajjtejj imapjjchejja, jumanacan yatichäwinacamjja imapjjaraquiniwa.

Qullan Arunaca

²⁰ Amtasipjjam cuntejj sapjjäyäsmajja: ‘Janiw qhiti uywatas uywiripat sipanjja juc'ampïquiti’ sasa. Nayarojj uñisipjjetuwa, jumanacarojj uñisipjjaraquïtamwa; yatichäwinacajjtejj imapjjchejja, jumanacan yatichäwinacamjja imapjjaraquiniwa.

Juan 15:20 Jak'a apnaqawi uñst'ayäwi

Ezequiel 3:7

Ukampisa, Israel markax janiw jumar ist'añ munkätamti, nayar jan ist'añ munatap layku. Taqi Israel markax k'ullu, jan amuyt'asirïpxiwa.

Mateo 10:24

“Janiw khiti yatiqiris yatichiripat sipan juk'ampïkiti, janirakiw mä uywatas uywiripat sipan juk'ampïkiti.

Marcos 10:39

Jupanakasti sapxänwa: —T'aqhisipxiristwa —sasa. Jesusasti sänwa: —Jïsa, ukhamäniwa. Jumanakax wal t'aqhisipxäta, kunjämtix nayax t'aqhiskä ukhama.

Lucas 2:34

Ukat Simeonax jupanakar aski waxt'äwip churäna, Jesusan taykaparusti sarakïnwa: —Aka wawax Israelankirinakat waljanin qhispiñapatak uchatawa, waljanin mutupxañapatak uchatarakiwa; jupasti mä chimpüniwa, yaqhipanakax katuqapxaniwa, yaqhipanakasti janiw katuqapkaniti,

Lucas 6:40

Janiw khiti yatiqiris yatichiripat juk'ampïkiti, yatiqañ tukuyxaspa ukkhakiw yatichiripjamäxaspa.

Juan 10:31

Judionakasti qalanak irtasisin wasitatampiw k'upjañ munapxäna,

Juan 11:57

Fariseonakampi, jilïr sacerdotenakampisti taqiniruw sapxatayna: ‘Jesusan kawkinkatap khitis yatinixa, nanakar yatiyapxitpan jupar katuntañataki’ sasa.

Juan 13:16

Qhanak sapxsma, janiw khiti uywatas uywiripat sipan juk'ampïkiti, janirakiw khiti khithatas khithiripat sipan juk'ampïkiti.

Juan 5:16

Ukat judionakax Jesusar arknaqapxäna, sábado urun ukham luratap layku.

Juan 7:32

Fariseonakasti kuntix jaqinakax Jesusxat parlapkän uk ist'apxäna; ukat jilïr sacerdotenakampi, fariseonakampix, Jesusar katjayañatakiw Tatitun utap uñjirinakar khithapxäna.

Juan 8:51

Qhanak sapxsma, khititix nayan arsutaxar jayskani ukax wiñayatakiw Diosamp jakani —sasa.

Juan 8:52

Judionakasti juparux sapxarakïnwa: —Jichhakuchapï ñanqha ajayunïtam yatxapxtxa. Abrahamasa, taqi profetanakas jiwarxapxiwa, jumasti saraktawa: “Khititix nayan arsutaxar jaysani ukasti, wiñayatakiw Diosampi jakani” sasa.

Juan 8:59

Uk ist'asinsti, Jesusarux qalamp k'upjas jiwayañ munapxäna; ukampis Jesusax jaqinak taypiruw imantasïna, ukat Tatitun utapat mistuwayxäna.

Hechos 14:22

Uka markanakansti Tatitur iyawsirinakarux ch'amañcht'apxänwa, ixwt'apxarakïnwa: “Tatitur iyawsañanakaman ch'aman sayt'apxam. Diosan markapar mantañatakix, t'aqhisiñax wakisipuniwa” sasa.

1 Corintios 4:12

ukatsti qariñkamaw amparanakaxampi irnaqapxta. Ñanqhachirinakarux sumampiw kutiyapxta; arknaqataw uñjasipxta, uksti amukiw mutupxta.

2 Corintios 4:9

Uñisiñampis arknaqapkchitu ukasa, janiw sapa irpanukutäpkti, uraqirus takisipkchitu ukasa, janipuniw tukjatäpktsa.

1 Tesalonicenses 2:15

Uka judionakaw Tatit Jesusarux jiwayapxäna, kunjämtix nayrapachax profetanakar jiwayapkatayna ukhama, nanakarusti jaqunukupxituwa. Diosarux janiw kusisiyapkiti, taqi jaqinakan timaparuw tukupxi,

2 Timoteo 3:12

Cristo Jesusar katuyat jakañ munapki ukanakax ukham t'aqhisiyatäpxaniwa;

1 Samuel 8:7

Tatitusti juparux sänwa: “Kuntix markax mayktam ukarux jaysaskakim, ukampix janiw jumaruti jisk'achapktamxa, jan ukasti nayaruw jisk'achasipkitu, jupanakax janiw nayan apnaqatäñ munapkiti.