1 Juan 5:10 - Qullan Arunaca

¹⁰ Qhititejj Diosan Yokaparojj iyawsqui uquïrejj jacäwipampiw khanañchi. Qhititejj Diosar jan iyawsquejja c'arit uñt'ayi, Diosajj Yokapjjat khanañchatapjja jan iyawsatap laycu.

Aymar Bibliia 1986

¹⁰ Qhititejj Diosan Yokaparojj iyawsqui uquïrejj jacäwipampiw khanañchi. Qhititejj Diosar jan iyawsquejja c'arit uñt'ayi, Diosajj Yokapjjat khanañchatapjja jan iyawsatap laycu.

Qullan Arunaka DC

¹⁰ Khititix Diosan Yuqapar iyawski ukaxa, uka qhanañchäwix chuymapankiwa. Jan iyawsiristi Diosarux k'aritjam uñt'ayi, Diosan Yuqap tuqi qhanañchäwi jan iyawsatap layku.

1 Juan 5:10 Jak'a apnaqawi uñst'ayäwi

Job 24:25

Ucatejj jan uqhamäcchi ucasti, ¿qhitiraqui sitaspa: “Janiw uqhamäquiti” sasasti? ¿Qhitisa khanañcharaquitaspa nayan pantjatätajja?”

Salmos 25:14

Tatitojj arquirinacapampejj sum parlasi; jupanacarusti arusjäwir mantatap uñt'ayi.

Proverbios 3:32

Tatitusti jan wali luririnacarojj janiw munquiti, ucampis jupajj asqui jakenacampiwa parlasi.

Isaías 53:1

¿Qhitirac ist'atasarusti iyawsani? ¿Qhitirurac Tatitusti ch'amapjja uñacht'ayataynasti?

Jeremías 15:18

¿Cunatsa t'akhesiñajjajj jan tucusi? ¿Cunatsa chhojjrinacajjas jan kollañjamäqui, take kollanacampis janirac kollasquiti? Nayataquejj maysa uñtjjtajja, chhaktir umar uñtataraquiw tuctajja.

Números 23:19

Janiw Diosajj jiwir jakenacjamäquiti. Janiw c'arisquiti ni yakha amuyunïquisa. Cunapachatejj jupajj cunsa arsu ucqhajj lurapuniwa. Cunapachatejj cunsa arupampejj arsu ucqhajj phokhapuniwa.

Juan 3:16

“Diosajj acapachar wal munatap laycuw mä sapa Yokapar qhitani, take qhitinacatejj jupar iyawsapqui ucanacajj jan chhakañapataqui, jan ucasti wiñay jacañanïñapataqui.

Juan 3:18

Qhititejj Diosan Yokapar iyawsqui ucajja, janiw juchañchatäquiti, ucampis qhititejj jan iyawsqui ucajj niyaw juchañchatäjje, Diosan mä sapa Yokapar jan iyawsatap laycu.

Juan 3:33

Ucampis cawquïritejj iyawsqui ucajja: “Chekaw” siwa Diosan arsutaparojja.

Juan 5:38

Arunacapasti janiw jumanacanjj utjquiti, qhä Awquin qhitanitaparu jan iyawsapjjatam laycu.

Hechos 8:37

[Felipejj juparojj saraquïnwa: —Take chuymamp iyawsasma ucajja, bautisatäsmawa. Uca jilïr jakesti ucjjar arsusinjja siwa: —Nayajj iyawstwa Jesucristojj Diosan Yokapätapa.]

Romanos 8:16

Uca quipca Ajayuraquiw jiwasan ajayusamp chica Diosan wawanacapätas khanañchi.

Gálatas 4:1

Acampejj aqhamwa sañ munta: Cunapachatejj herencia catokerejj wawäsquejja, janiw cunans mayjäquiti esclavotjja, chekpachansa take cunasa jupancchi ucasa.

Gálatas 4:6

Uqhamajj jupan wawapätasa uñacht'ayañataquejja, Diosajj Yokapan Ajayupwa chuymanacasar qhitaniraqui, uca Ajayusti arsuwa: “¡Awquejja!” sasa.

Colosenses 3:3

Jumanacasti Cristomp chicaw jiwjjapjjta, jichhasti jumanacan jacañanacamajj Cristomp chicäjjewa Diosan nayrakatapana.

Hebreos 3:12

Jilatanaca, amuyasipjjam, jan jumanacatjja qhitis jan wali chuymanïpati uqhamat jacquir Diosat jithektañapataqui jupar jan iyawsatapata.

2 Pedro 1:19

Uqhamat profetanacan arupajj juc'amp thurt'at uñjasi. Jumanacasti uca profetanacan arunacapar ist'asinjja walicwa lurasipctajja, uca arunacasti mä lamparjamaw ch'amacanacanjja khani, urojj khanjtaniñapcama, willjta warawarasti mistuniñapcama jakenacan chuymanacapar khant'añataqui.

1 Juan 1:10

Ucampis jiwasatejj: “Janiw cuna juchs lurcti” sisna ucajja, Diosaruw c'arir tucuytan, chekpachansa janiw arup catokctanti.

1 Juan 5:1

Take qhititejj iyawsañampi Jesusarojj: “Tatit Cristowa” sisqui ucajj chekpach Diosan wawapawa; maynitejj awquir munchejja, aca awquin wawanacaparojj munañaparaquiwa.

Apocalipsis 12:17

Uc uñjasasti dragonajj wal colerasïna, ucatsti warmin mayni wawanacapampi nuwasiriw saräna, qhitinacatejj Diosan camachiparu jaysapqui, uqhamarac Jesucriston arunacaparus jaysapcaraqui ucanac contra.

Apocalipsis 2:17

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhititejj atipjcani ucanacarusti maná sat imantat t'ant'atwa mank'ayäjja; ucatsti mä jank'o kala churaraquëjja. Uca kalansti mä machak sutiw kellkt'ata, uca sutsti janiw qhitis yatquiti jan ucasti qhititejj catokqui ucaquiw yati.’

Apocalipsis 2:28

Khantati warawararacwa jupanacarojj churäjja.