Juan 2:23 - Qullan Arunaca

Cunapachatejj Jesusajj Jerusalén marcanccäna Pascua fiestanjja, waljaniw jupar iyawsapjjäna milagronac luratap laycu.

Aymar Bibliia 1986

Cunapachatejj Jesusajj Jerusalén marcanccäna Pascua fiestanjja, waljaniw jupar iyawsapjjäna milagronac luratap laycu.

Qullan Arunaka DC

Jesusax Pascua urun Jerusalén markankkän ukapachasti, muspharkañanak luratap laykux waljaniw juparux iyawsapxäna.

Juan 2:23 Jak'a apnaqawi uñst'ayäwi

Lucas 8:13

Kala taypiru jalantirïqui uca jathasti acawa: qhitinacatejj Diosan arupa ist'apqui, uqhamarac cusisiñamp catokapjje, ucampis janiw wali saphintatäquiti, mä kawkha pachataquiquiw iyawsapjje. Yant'anaca purinjjepanjja jithektjjapjjaquiwa.

Juan 11:45

Mariaru chuymachiri sarapcatayna uca judionacatjja waljaniw Jesusan luräwinacap uñjasina juparojj iyawsapjjäna.

Juan 2:11

Acjja Jesusajj luränwa Caná sat marcana, Galilea ucsana. Aca milagrojj nayrïr milagrönwa. Uca luräwimpisti ch'amap uñacht'ayäna, yatekerinacapasti juparojj iyawsapjjaraquïnwa.

Juan 2:13

Judionacan Pascua fiestapajj niya jac'äjjatap laycojja, Jesusajj Jerusalén marcaruw sarawayjjäna.

Juan 3:2

Aca Nicodemosti arumaw saräna Jesusar uñjt'aniñataqui, ucatsti saraquïnwa: —Yatichiri, yatipjjtwa Diosajj jumar qhitanitapa nanacar yatichiri; janiraquiw qhitis aca milagronac lurcaspati, janitejj Diosajj jupampïspa ucajja —sasa.

Juan 4:45

Galilearu puripansti, ucanquirinacajj sumwa catokapjjäna, Jerusalenan Pascua fiestar sarasina cunanactejj lurcäna ucanac uñjapjjatap laycu.

Juan 5:36

Ucampis Juanan arsutapat sipansa juc'amp suma khanañchäwiwa nayat utjitu. Cunanactejj nayajj lurcta ucajja, Awquejjajj churquitu lurañajjataqui uca pachpawa. Uca luräwinacajjaraquiw khanañchi Awquejjajj nayar qhitanquitu ucatjja.

Juan 6:14

Jesusan uca milagro luratap uñjasinjja, jakenacajj sapjjänwa: “Chekpachansa aca jakejj jutañapäcän uca profetawa” sasa.

Juan 6:2

Walja jakenacaw khepapat arcapjjäna, usutanacampi milagronaca luratap laycu.

Juan 7:31

Ucampis waljaninacaw jupar iyawsapjjäna, sapjjaraquïnwa: —Cristojj jutcani ucqhajja ¿juc'ampi milagronaca unañchanactï luraspa aca jaket sipansa? —sasa.

Gálatas 5:6

Jiwasanacatejj Cristo Jesusampi mayaquïstanjja, janiw cunataquis asquïquiti circuncisión lurayasiñasa jan lurayasiñasa. Ucampis iyawsañanïñäni ucaw juc'amp asquejja, aca iyawsañasti munasiñanwa jacayaraquistani.

1 Juan 3:23

Camachinacapasti aqhamawa: Jesucristo Yokaparojj iyawsañasawa, uqhamarac maynit maynicama munasiñasawa, cunjämtï jupajj sisquistu uqhamarjama.