1 Juan 3:23 - Qullan Arunaca

²³ Camachinacapasti aqhamawa: Jesucristo Yokaparojj iyawsañasawa, uqhamarac maynit maynicama munasiñasawa, cunjämtï jupajj sisquistu uqhamarjama.

Aymar Bibliia 1986

²³ Camachinacapasti aqhamawa: Jesucristo Yokaparojj iyawsañasawa, uqhamarac maynit maynicama munasiñasawa, cunjämtï jupajj sisquistu uqhamarjama.

Qullan Arunaka DC

²³ Jupan kamachipax Jesucristo Yuqapar iyawsañawa, maynit maynikam munasiñawa, kunjämtix jupax munkistu ukhama.

1 Juan 3:23 Jak'a apnaqawi uñst'ayäwi

Mateo 22:39

Payïri camachisti ucar uñtataraquiwa: ‘Jake masimarusti juma quipcarjam munaraquim.’

Marcos 9:7

Ucatsti mä kenayaw jupanacarojj ch'iwjjattäna. Uca kenay taypitsti mä aruraquiw ist'asi: “Acaw nayan munat Wawajjajja. Jupar ist'apjjam” sasa.

Juan 1:12

Ucampis juparu catokapqui iyawsapcaraqui ucanacarusti munañanïñwa churi Diosan wawanacapa tucupjjañapataqui.

Juan 13:34

Aca machak camachwa churapjjsma: Maynit maynicama munasipjjam. Cunjämtejj nayajj munasipjjsma, uqhama jumanacajj maynit maynicam munasipjjañamaraquiwa.

Juan 14:1

“Jan jumanacajj llaquisipjjamti. Iyawsapjjam Diosaru, nayarus iyawsapjjaraquita.

Juan 15:12

Nayan camachejjajj acawa: Munasipjjam maynit maynicama, cunjämtejj nayajj jumanacar munasipjjsma uqhama.

Juan 17:3

Aca wiñay jacañajj juma sapa chekpach Diosar uñt'añanwa utji, uqhamarac Jesucristoru cawquïrirutejj jumajj qhitancta ucaru.

Juan 2:23

Cunapachatejj Jesusajj Jerusalén marcanccäna Pascua fiestanjja, waljaniw jupar iyawsapjjäna milagronac luratap laycu.

Juan 3:18

Qhititejj Diosan Yokapar iyawsqui ucajja, janiw juchañchatäquiti, ucampis qhititejj jan iyawsqui ucajj niyaw juchañchatäjje, Diosan mä sapa Yokapar jan iyawsatap laycu.

Juan 6:29

Jesusasti jupanacarojj saraquïnwa: —Diosajj cawquïrirutejj jupajj qhitanqui ucar iyawsapjjañamwa muni —sasa.

Hechos 16:31

Pablomp Silasampisti ucjjarojj sapjjänwa: —Jesucristo Tatitur iyawsam, ucatwa khespiyasïta jumasa, utamanquirinacasa —sasa.

Efesios 5:2

Munasiñan jacapjjam, cunjämtejj Cristo Tatitojj munasquistu uqhama. Jupajj jiwasanac laycuw jacañap apt'asi, mä wilañchat ovejar uñtata, Diosatac suma k'apquir ofrenda loktasa.

1 Tesalonicenses 4:9

Jilatanac pura munasiñjjatjja janiw jumanacar kellkaniñajj waquiscjjeti, Dios pachpaw yatichapjjtam maynit maynicama munasiñjja.

1 Timoteo 1:15

Acajj chekawa, takeniw acjj iyawsapjjañapa: Cristo Jesusajj aca orakerojj juchararanacar khespiyiriw juti, ucanacatsti nayaw nayrïrïtjja.

1 Pedro 1:22

Jichhajj jumanacajja, Kollan Ajayu toke Tatitun arunacap ist'asinjja, almanacamjja k'omachasjjapjjtawa jilatanacaru chekpachan munañataqui. Uqhamajj maynit maynicamaw munasipjjañama take chuyma, uqhamarac take ch'amampi.

1 Pedro 4:8

Ucat sipansa jumanacanjja munasiñajj utjapunpan, munasiñasti walja juchanacwa perdonaraqui.

1 Juan 2:7

Jilatanaca, janiw jumanacaru machak camachi kellkanipcsmati, jan ucasti cawquïr camachinacatejj kalltäwitpacha utjapcäyätamjja uca pachpawa. Aca nayra camachejj cuntejj ist'apcäyätajja kalltäwitpacha uca pachpa arunacaraquiwa.

1 Juan 3:11

Aca arunacwa ist'apjjtajja kalltäwitpacha: “Munasipjjam maynit maynicama” sasa.

1 Juan 4:15

Qhititejj arsquejja: “Jesusajj Diosan Wawapawa” sasa, uquïrejja Diosanwa jaqui, Diosasti jupanaraqui.

1 Juan 4:21

Jupajj aca camachwa churawayistu: “qhititejj Diosar munqui ucajja jilaparojj munañaparaquiwa.”

1 Juan 5:13

Acjja kellkanipjjsmawa Diosan Yokapar iyawsapcta ucanacaru, wiñay jacañanïpjjatam yatipjjañamataqui.