1 Juan 3:23 - Qullan Arunaka DC

²³ Jupan kamachipax Jesucristo Yuqapar iyawsañawa, maynit maynikam munasiñawa, kunjämtix jupax munkistu ukhama.

Aymar Bibliia 1986

²³ Camachinacapasti aqhamawa: Jesucristo Yokaparojj iyawsañasawa, uqhamarac maynit maynicama munasiñasawa, cunjämtï jupajj sisquistu uqhamarjama.

Qullan Arunaca

²³ Camachinacapasti aqhamawa: Jesucristo Yokaparojj iyawsañasawa, uqhamarac maynit maynicama munasiñasawa, cunjämtï jupajj sisquistu uqhamarjama.

1 Juan 3:23 Jak'a apnaqawi uñst'ayäwi

Mateo 22:39

Payïr kamachisti ukar uñtatarakiwa: ‘Jaqi masimarux juma kipkarjam munasim.’

Marcos 9:7

Ukapachaw mä qinayax jupanakar ch'iwxattäna. Uka qinay taypitsti mä aruw ist'asïna: “Akaw nayan munat Wawaxaxa. Jupar ist'apxam” sasa.

Juan 1:12

Ukampis jupar katuqasin iyawsirinakax Diosan wawanakapäxiwa.

Juan 13:34

Aka machaq kamachi churapxsma: Maynit maynikam munasipxam. Kunjämtix nayax munasipksma, ukhamarak jumanakax maynit maynikam munasipxam.

Juan 14:1

Uka qhipatsti Jesusax yatiqirinakapar saskakïnwa: —Jumanakax jan llakisipxamti. Diosar iyawsapxam, nayarus iyawsapxarakita.

Juan 15:12

Nayan kamachixax akawa: Maynit maynikam munasipxam, kamisatix nayax jumanakar munasipxsma ukhama.

Juan 17:3

Uka wiñay jakañasti juma sapa chiqpach Diosar uñt'añan utji, jumax khithankta uka Jesucristor uñt'apxañapataki.

Juan 2:23

Jesusax Pascua urun Jerusalén markankkän ukapachasti, muspharkañanak luratap laykux waljaniw juparux iyawsapxäna.

Juan 3:18

Khititix Diosan Yuqapar iyawski ukax, janiw juchañchatäkiti, khititix jan iyawski ukasti niya juchañchatäxiwa, Diosan mä sapa Yuqapar jan iyawsatap layku.

Juan 6:29

Jesusasti jupanakarux sarakïnwa: —Diosax jupan khithanitapar iyawsapxañam muni, ukaw luräwipaxa —sasa.

Hechos 16:31

Jupanakasti ukxaruw sapxäna: —Jesucristo Tatitur iyawsam, ukat qhispiyasïta jumasa, utamankirinakasa —sasa.

Efesios 5:2

Taqinirus munasiñampi uñjapxam, kunjämtix Cristox munaskistu ukhama, jiwasanak laykuw jakañapsa katuyasiwayi, Diosatak mä suma q'apkir luqtäwïkaspas ukhama.

1 Tesalonicenses 4:9

Jilatanak pura munasiñxatsti janiw jumanakar qillqaniñax wakiskxiti, pachpa Diosaw jumanakar maynit maynikam munasiñ yatichapxtam.

1 Timoteo 1:15

Ukax chiqäskapuniwa, taqiniw iyawsapxañapa: Cristo Jesusax aka uraqirux juchararanakar qhispiyiriw juti, jupanakatsti nayaw nayrïrïtxa.

1 Pedro 1:22

Jumanakasti, Tatitun arunakapar jaysasinxa, jilatanakar chiqpach munañatakiw q'umachasxapxtaxa. Ukhamax maynit maynikamax taqi chuymampi, taqi ch'amamp munasipxañamawa.

1 Pedro 4:8

Taqi kunat sipansa, jumanakkamax munasipxapunim, munasiñax walja juchanak pampachi.

1 Juan 2:7

Munat Jilatanaka, janiw jumanakarux machaq kamachi qillqanipksmati: jan ukasti, qalltatpach katuqapkta uka pachpawa. Aka nayra kamachisti ist'apkäyät uka arunakawa.

1 Juan 3:11

Jumanakax qalltatpach ist'apkta uka arunakax akham siwa: “Maynit maynikam munasipxañasawa” sasa.

1 Juan 4:15

Khititix “Jesusax Diosan Wawapawa” sas arski ukax Diosan jaki, Diosasti jupan jakaraki.

1 Juan 4:21

Jesucristox aka kamachi churistu: “Khititix Diosar munaski ukax jilaparux munasirakpan” sasa.

1 Juan 5:13

Aksti Diosan Yuqapar iyawsirinakaruw qillqanipxsma, wiñay jakañanïpxatam yatipxañamataki.