Juan 2:11 - Qullan Arunaca

¹¹ Acjja Jesusajj luränwa Caná sat marcana, Galilea ucsana. Aca milagrojj nayrïr milagrönwa. Uca luräwimpisti ch'amap uñacht'ayäna, yatekerinacapasti juparojj iyawsapjjaraquïnwa.

Aymar Bibliia 1986

¹¹ Acjja Jesusajj luränwa Caná sat marcana, Galilea ucsana. Aca milagrojj nayrïr milagrönwa. Uca luräwimpisti ch'amap uñacht'ayäna, yatekerinacapasti juparojj iyawsapjjaraquïnwa.

Qullan Arunaka DC

¹¹ Kuntix Jesusax Galilea uraqinkir Caná markan lurkän ukax nayrïr muspharkañ luräwipänwa; uka luräwimpiw ch'amap uñacht'ayäna, yatiqirinakapasti juparux iyawsapxarakïnwa.

Juan 2:11 Jak'a apnaqawi uñst'ayäwi

1 Reyes 17:24

Warmisti juparojj sänwa: —Jichhacuchawa yattjja jumajj chekpachansa Diosan jakepätama, uqhamarac cuntï siscta ucajja Diosan cheka arunacapätaparaqui —sasa.

Salmos 72:19

kollan sutipajj wiñayatac jach'añchatäpan, khapak cancañapasti oraker phokhantpan. ¡Uqhamäpan!

Salmos 96:3

Aytat cancañapat marcanacar yatiyapjjam, muspharcañ luräwinacapat take jakenacar parlapjjam:

Éxodo 14:31

Ucampis israelitanacajja, Tatitojj jach'a ch'amapampi egipcionacar tucjir uñjasinsti wali Tatiturojj ajjsartapjjäna. Ucat Tatiturojj iyawsasaraquiw confiasipjjäna, uqhamarac Moisés sirviriparusa.

Éxodo 4:9

Ucampis aca pä unanchanac uñjcasasa janitejj iyawsapcätam, ni arunacamsa ist'apcaraquïtam ucajja, jawirat uma aptanisawa oraker wartäta uca umajja oraker purisajja wilaruw tucuni.

Eclesiastés 9:7

Uqhamasti jichhajj cusisiñampi t'ant'am mank'asim, uqhamarac vinomsa umasim, juman luratanacamajj Diosataquejj asquïtap laycu.

Isaías 40:5

Ucapachaw Tatitojj c'ajquir cancañap uñacht'ayani, take jakenacaraquiw uñjapjjani. Pachpa Tatituw ucjja saraqui.”

Malaquías 2:2

Jumanacasti nayarojj jaysañanacamawa, sutejjsa take chuymampiwa jach'añchapjjañama. Janitejj uqham lurapcäta ucqhajj nayasti ñankhachapjjämawa. Cunjämatï jan take chuymampi jach'añchapquistajja, uqhamaraquiw nayajj ñankhachanï cuntï sacerdotëpjjatamat catokapcta ucanacsa.” Uqham siwa take ch'aman Diosajja.

Juan 1:14

Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.

Juan 1:17

Moisés tokew leyejj churatäna, ucampis munasiñajj uqhamarac cheka arunacas Jesucristo tokew juti.

Juan 1:43

Khepürusti Jesusajj Galilea tokeruw sarañ munäna, ucatsti Feliperuw jicjjatäna: —Arquita —sasa.

Juan 1:50

Jesusasti saraquïnwa: —¿Higo ali c'uchun uñjsma uc satajjatti nayarojj iyawsista? Ucat sipansa jichhajj jach'a luräwinacwa uñjäta.

Juan 10:41

Walja jakenacaraquiw uñjiri sarapjjäna, ucatsti sapjjaraquïnwa: —Chekpachansa Juanajj janiw cuna unañchanacs ni milagronacs lurcänti, take cuntejj aca jakjjat arscäna ucajj chekänwa —sasa.

Juan 11:15

Cusistwa jan ucancatajjata, uqhamaw wali jumanacataquejja, iyawsapjjañamataqui. Ucampis uñjiri sarañäni —sasa.

Juan 11:47

Uc yatisinsti fariseonacampi sacerdotenacan jilïrinacapampejj Jach'a Tantachäwiruw jawsthapipjjäna, ucansti sapjjaraquïnwa: —¿Cuns lurañäni? Aca jakejj walja unañchanaca milagronacampwa luri.

Juan 12:18

Ucatwa jakenacajj Jesusar jicjjatiri mistupjjäna, unañchanac, milagronacsa luratapa yatisina.

Juan 12:37

Jesusajj walja milagronaca jupanac nayrakatana lurcchïna ucasa, janiw judionacajj juparojj iyawsapcänti.

Juan 12:41

Isaiasasti acjja arsünwa Jesusan jach'a cancañapa uñjatap laycu, jupataracwa parläna.

Juan 14:13

Take cuntejj jumanacajj sutejjaru mayipjjäta ucjja, nayajj luräwa, Yokajj Awquin jach'a cancañap uñacht'ayañapataqui.

Juan 16:27

Awqui pachpan jumanacar munatap laycu. Jupasti munasipjjtamwa jumanacajj nayaru munasipjjesta, uqhamarac nayajj Diosat jutatajj iyawsapjjesta uca laycu.

Juan 16:30

Jichhaw uñjapjjta take cun yatitama, janiraquiw munascjjeti jumaru qhitin jisct'asiñapasa. Ucatwa iyawsapjjta Diosat jutatama —sasa.

Juan 2:1

Quimsüru pasatatsti mä casarasïwiw utjäna Caná marcana, Galilea tokena. Jesusan taycapajj ucancaraquïnwa,

Juan 2:23

Cunapachatejj Jesusajj Jerusalén marcanccäna Pascua fiestanjja, waljaniw jupar iyawsapjjäna milagronac luratap laycu.

Juan 3:2

Aca Nicodemosti arumaw saräna Jesusar uñjt'aniñataqui, ucatsti saraquïnwa: —Yatichiri, yatipjjtwa Diosajj jumar qhitanitapa nanacar yatichiri; janiraquiw qhitis aca milagronac lurcaspati, janitejj Diosajj jupampïspa ucajja —sasa.

Juan 4:3

Uc yatisinjja Jesusajj Judeat Galilearuw cuttawayjjäna.

Juan 4:46

Jesusasti wasitampiwa Galileanquiri Caná sat chekaru purïna, cawquintejj umat vinor tucuycäna ucaru. Ucansti utjänwa reyin mä jach'a oficialapa, wawapasti Capernaum marcana usutäscänwa.

Juan 4:54

Acampejj Jesusajj pä cutiw milagro lurjjäna, cunapachatejj Judeat Galilearu cutt'ancäna ucqhajja.

Juan 5:23

Yokaru takenis Awquirjam jach'añchapjjañapataqui. Qhititejj Yokaparojj jan jach'añchqui ucajja, janiraquiw qhitanqui uca Awquirojj jach'añchquiti.

Juan 6:14

Jesusan uca milagro luratap uñjasinjja, jakenacajj sapjjänwa: “Chekpachansa aca jakejj jutañapäcän uca profetawa” sasa.

Juan 6:2

Walja jakenacaw khepapat arcapjjäna, usutanacampi milagronaca luratap laycu.

Juan 6:26

Jesusasti jupanacarojj sänwa: —Khanacwa sapjjsma, jumanacajj t'ant'a sist'asiñcam mank'apjjatam laycuquiw thakapjjestajja, janiw milagronac uñjasin amuyt'asipjjatam laycuti.

Juan 6:30

Ucatsti jisct'apjjaraquïnwa: —¿Cuna unañchsa uñacht'ayapjjetasma jumar nanacajj iyawsapjjañajjataquejja? ¿Cuns lurta?

Juan 7:31

Ucampis waljaninacaw jupar iyawsapjjäna, sapjjaraquïnwa: —Cristojj jutcani ucqhajja ¿juc'ampi milagronaca unañchanactï luraspa aca jaket sipansa? —sasa.

Juan 9:16

Ucatsti mayni fariseonacajj sapjjaraquïnwa: —Ac lurqui uca jakejj janiw Diosanccaspati, jan samarañ uru ajjsart'atap laycu —sasa. Mayninacasti sapjjaraquïnwa: —Mä juchararajj, ¿cunjämsa aca milagronac luraspa? —sasa Uqhamasti jupanac taypinjja jaljtañanacaw utjäna.

2 Corintios 3:18

Ucatpï jiwasanacajja, ajanunacasajj jan uca velompi imantatäjjatap laycojj mä espejor uñtatjamaw Tatitun jach'a cancañapatjja c'ajtanjja. Uqhamaraquiw jiwasajj juc'ampi juc'ampi Cristjama tucusctan juc'ampi khanapajj jiwasancatap laycu. Ucwa Ajayüquis uca Tatitojj jiwasanacataquejj luri.

2 Corintios 4:17

Cuntejj aca oraken t'akhesipctan ucanacajj janiw cunäquisa, tucusiriquiwa. Ucat sipan mä jach'a asqui jilarquirir wiñay cusisiñwa apaniraquejja.

2 Corintios 4:6

Diosajj khanapjja ch'amacan khantaycäna, uca pachpa Diosaraquiw khanapjja chuymanacasan khanayi. Uca khanampisti Diosan c'ajquir cancañapajj Jesucriston ajanupan khanquis uc uñt'apjjañasataquiwa.

Deuteronomio 5:24

Ucatsti sapjjestawa: ‘Chekpachapuniwa jiwasan Tatitu Diosasajj uñacht'ayistu jach'a cancañapa, jach'a ch'amapsa, uqhamaraqui arupsa ist'aractanwa nina taypit mistuniri. Jichhüruw uñjtan Tatitu Diosan jakempi parlañ munatapa jan jakeru jiwayasa.

1 Juan 5:13

Acjja kellkanipjjsmawa Diosan Yokapar iyawsapcta ucanacaru, wiñay jacañanïpjjatam yatipjjañamataqui.