Juan 2:11 - Qullan Arunaka DC

¹¹ Kuntix Jesusax Galilea uraqinkir Caná markan lurkän ukax nayrïr muspharkañ luräwipänwa; uka luräwimpiw ch'amap uñacht'ayäna, yatiqirinakapasti juparux iyawsapxarakïnwa.

Aymar Bibliia 1986

¹¹ Acjja Jesusajj luränwa Caná sat marcana, Galilea ucsana. Aca milagrojj nayrïr milagrönwa. Uca luräwimpisti ch'amap uñacht'ayäna, yatekerinacapasti juparojj iyawsapjjaraquïnwa.

Qullan Arunaca

¹¹ Acjja Jesusajj luränwa Caná sat marcana, Galilea ucsana. Aca milagrojj nayrïr milagrönwa. Uca luräwimpisti ch'amap uñacht'ayäna, yatekerinacapasti juparojj iyawsapjjaraquïnwa.

Juan 2:11 Jak'a apnaqawi uñst'ayäwi

1 Reyes 17:24

Warmisti ukxaruw säna: —Jichhakuchaw yatta, chiqpachan jumax Diosan profetapätawa, arsutamasti Tatitun chiqa arsutapawa —sasa.

Salmos 72:19

qullan sutipax wiñayatak jach'añchatäpan. ¡Qhapaq kankañapasti uraqir phuqhantpan! ¡Ukhamäpan!

Salmos 96:3

Aytat kankañapat markanakar yatiyapxam, muspharkañ luräwinakapat taqi jaqinakar parlapxam,

Éxodo 14:31

Israelitanakax kunjämtix Tatitux jach'a ch'amapampi egipcionakar tukjkäna ukanak uñjasinsti, Tatitur axsartapxänwa, ukat jupar iyawsapxäna, Moisés luqtiriparus jaysapxarakïna.

Éxodo 4:9

Ukampis janitix aka pä chimpu uñjkasasa iyawsapkätam, arunakamsa janirak ist'apkätam ukaxa, jawirat uma aptanisaw uraqir wartäta, uka umasti ukspachaw wilar tukuni —sasa.

Eclesiastés 9:7

T'ant'amsti kusisiñamp manq'asim, vinomsa kusisiñampirak umt'asim, juman luratanakamax Tatiturux kusisiyiwa.

Isaías 40:5

Ukapachaw Tatitux jach'a ch'amap uñacht'ayani, taqi jaqinakarakiw uñjapxani. Pachpa Tatituw ukham arsu.”

Malaquías 2:2

Jumanakasti nayarux jaysañanakamawa, sutixsa taqi chuymampiw jach'añchapxañama. Janitix ukham lurapkäta ukaxa nayax ñanqhachapxämawa. Taqi chuymampi jan jach'añchapxatamatxa, jumanakatak aski waxt'äwinakaxsa, ñanqhachañaruw tukuyä, sacerdote kankañ katuqapkta ukanaksa apaqapxämawa” siwa, taqi ch'aman Tatituxa.

Juan 1:14

Arusti jaqiruw tuküna, ukatsti jiwasanak taypin jakarakïna. Jiwasanakasti jach'a qhapaq kankañap uñjapxtan, uka jach'a qhapaq kankañsti, Awkin mä sapa Yuqapätap laykuw katuqäna, munasiñampi askimpi phuqhantata.

Juan 1:17

kamachix Moisés tuqiw churasïna, ukampis munasiñampi, chiqa kankañampix Jesucristo tuqiw juti.

Juan 1:43

Qhipürusti Jesusax Galilea tuqiruw sarañ amtäna, Feliper jikxatasinsti, juparuw säna: —Arkita —sasa.

Juan 1:50

Jesusasti sarakïnwa: —¿Higo quqa kayun uñjsma satatti nayar iyawsista? Ukatsipan akat qhiparux jach'a luräwinak uñjäta —sasa.

Juan 10:41

Ukawjarusti walja jaqipuniw Jesusar uñjir sarapxäna, ukatsti sapxarakïnwa: —Chiqpachansa, Bautisir Juanax janiw kuna muspharkañ unañchanaksa lurkänti, taqi kuntix jupax aka jaqit yatiykän ukax chiqäskapuniwa —sasa.

Juan 11:15

Nayan jan ukankataxat kusista, ukax jumanakan iyawsapxañamatakïniwa. Jichhax uñjir sarañäni —sasa.

Juan 11:47

Uk yatisinsti, fariseonakampi, sacerdotenakan jilïrinakapampix Jach'a Tantachäwiruw jawsthapipxäna, ukansti sapxarakïnwa: —¿Kunarak lurañänisti? Aka jaqix walja muspharkañ unañchanak luraski.

Juan 12:18

Ukat jaqinakax Jesusar jikxatir mistunipxäna, uka muspharkañ luratap yatisina.

Juan 12:37

Jesusax walja muspharkañanak jupanak nayraqatan lurkchïn ukasa, janiw judionakax jupar iyawsapkänti;

Juan 12:41

Isaías profetasti, Jesusan jach'a kankañap uñjatap laykuw ukham qillqäna, jupatarak ukham arsüna.

Juan 14:13

Taqi kuntix jumanakax sutixar mayipkäta uk nayax lurä, ukhamat Awkin jach'a kankañap Yuqa tuqi uñacht'ayatäñapataki.

Juan 16:27

pachpa Awkin jumanakar munatap layku. Diosax jumanakarux munasipxtamwa, jumanakan nayar munapxatamata, Diosat nayan jutatax iyawsapxatam layku.

Juan 16:30

Jichhax taqi kun yatitam yatipxta, janirakiw khitin jumar jiskhiñapsa munktati. Ukat nanakax Diosat jutatam iyawsapxta —sasa.

Juan 2:1

Kimsa uru saraqatarusti, Galilea uraqinkir Caná markan mä jaqichasïwiw utjäna. Jesusan taykapasti ukankänwa,

Juan 2:23

Jesusax Pascua urun Jerusalén markankkän ukapachasti, muspharkañanak luratap laykux waljaniw juparux iyawsapxäna.

Juan 3:2

Jupasti mä arumaw Jesusan ukar saräna, ukat jupar sarakïna: —Yatichiri, Diosan jumaru nanakar yatichiri khithanitap yatipxta; janiw khitis jumax lurkta uka muspharkañanak lurkaspati, janitix Diosax jupampïkaspa ukaxa —sasa.

Juan 4:3

Uk yatisinsti, Jesusax Judeat mistuwayasin Galilea tuqiruw sarxäna.

Juan 4:46

Jesusasti wasitampiw Galileankir Caná sat chiqar purïna, kawkhantix umat vinor tukuykän ukaru. Uka markansti reyin utt'ayat mä jach'a jilïriw utjäna, wawapaw Cafarnaúm markan usutäskäna.

Juan 4:54

Akasti Jesusan payïr muspharkañ luräwipawa, uksti jupax Judea uraqit Galilea uraqir kutinisaw luräna.

Juan 5:23

kamisatix Awkir jach'añchapki, ukhamarak Yuqar taqpachan jach'añchañapataki. Yuqar jan jach'añchirix, janiw khithanki uka Awkir jach'añchkiti.

Juan 6:14

Jaqinakasti Jesusan uka muspharkañ luratap uñjasinxa, sapxänwa: —Chiqpachansa aka jaqix jutañapäkän uka profetawa —sasa.

Juan 6:2

Walja jaqinakaw qhipapat arkapxäna, usutanakar muspharkañ luras k'umaraptayatap layku.

Juan 6:26

Jesusasti jupanakarux sänwa: —Qhanak sapxsma, jumanakax t'ant'a sist'asiñkam manq'apxatam laykukiw thaqhapxistaxa, janiw muspharkañanak uñjas layku thaqhapkistati.

Juan 6:30

Ukatsti jiskt'asipkakïnwa: —Nanakan jumar iyawsañatakisti, ¿kuna unañchäwinakarak uñachayapxitasmasti? ¿Kunarak luräwinakamasti?

Juan 7:31

Waljaniw jupar iyawsapxäna, ukat sapxarakïna: —Cristox jutkani ukkhasti ¿aka jaqit sipan juk'amp muspharkañanakti lurpachänisti? —sasa.

Juan 9:16

Mayni fariseonakasti sapxarakïnwa: —Khititix ak lurki ukax janiw Diosankirïkaspati, sábado uru jan yäqatap layku —sasa. Mayninakasti sapxarakïnwa: —Mä juchararasti, ¿kunjämarak aka muspharkañ luraspasti? —sasa. —Jupanak taypin kunayman amuyuw utjäna,

2 Corintios 3:18

Ukatpï taqi jiwasanakax, ajanunakasan uka velompi jan imantatäxatap laykux, mä lirphur uñtatjamaw Tatitun qhapaq kankañapat k'ajtanxa, ukatsti jupar uñtataw tukupxaraktan, jupan qhanapax jiwasankatap layku, uksti Ajayükis uka Tatituw jiwasanakatak luri.

2 Corintios 4:17

Aka uraqin t'aqhisitasax janiw kunäkisa, tukusirikiwa; ukampis mä jach'a aski jilarkir wiñay kusisiñ apani.

2 Corintios 4:6

Diosax qhanap ch'amakan qhantaykän uka pachpa Diosarakiw chuymanakasan qhantayi. Uka qhanampisti Diosan k'ajkir kankañapax Jesucriston ajanupan qhankis uk uñt'apxañasatakiwa.

Deuteronomio 5:24

ukatsti sapxistawa: ‘Chiqpachapuniw jiwasan Diosasax qhapaq kankañapampi, jach'a ch'amapamp uñacht'ayistu, arupsa nina taypitpach ist'apxtan. Jichhüruw uñjtan Tatitu Diosan jaqimpi parlatapa, jaqir jan jiwayasa.

1 Juan 5:13

Aksti Diosan Yuqapar iyawsirinakaruw qillqanipxsma, wiñay jakañanïpxatam yatipxañamataki.