Juan 6:14 - Qullan Arunaca

¹⁴ Jesusan uca milagro luratap uñjasinjja, jakenacajj sapjjänwa: “Chekpachansa aca jakejj jutañapäcän uca profetawa” sasa.

Aymar Bibliia 1986

¹⁴ Jesusan uca milagro luratap uñjasinjja, jakenacajj sapjjänwa: “Chekpachansa aca jakejj jutañapäcän uca profetawa” sasa.

Qullan Arunaka DC

¹⁴ Jaqinakasti Jesusan uka muspharkañ luratap uñjasinxa, sapxänwa: —Chiqpachansa aka jaqix jutañapäkän uka profetawa —sasa.

Juan 6:14 Jak'a apnaqawi uñst'ayäwi

Génesis 49:10

Janiw qhitis Judärojj ch'amapjja apakañ puedcaniti, cuna varatejj amparapancqui ucsa janiw apakcaraquispati, uca varan dueñopa jutañapcama, qhitirutejj marcanacajj jaysapcani ucqhacama.

Mateo 11:3

jisct'añataqui —¿Jumätati jutañapäquis uca Cristojja, jan ucajj yakharuch suyapjjäjja? —sasa.

Mateo 21:11

Jakenacasti sapjjänwa: —Galileancquis uca Nazaretanquir Jesús profetawa —sasa.

Lucas 24:19

Ucapachaw Jesusajj jupanacarojj jisct'äna: —¿Cunarac pasisti? —sasa. Jupanacasti sapjjänwa: —Nazaretanquir Jesusajja wali ch'aman profetänwa, luräwinsa, arunsa Dios nayrakatana, uqhamarac jakenac nayrakatansa.

Lucas 7:16

Uc uñjasinjja takeniw ajjsarthapipjjäna, ucat Diosar yupaychañ kalltapjje: “Mä jach'a profetaw jiwas taypin uñsti. Diosaw juti marcapar yanapt'iri” sasa.

Juan 1:21

Ucjjarusti wasitampiwa jisct'apjjäna: —Uqhamasti ¿qhitïtasa? ¿Elías profetätati? —sasa. Juanasti saraquïnwa —Janiw ucäctsa —sasa. Ucjjarusti jisct'apjjaraquïnwa: —Uqhamasti ¿qhä profeta jutañapäqui ucätati? —sasa. Juanasti sänwa: —Janiw ucäctsa —sasa.

Juan 11:27

Martasti saraquïnwa: —Jïsa Tata, nayajj iyawstwa jumajj Cristötama, Diosan Yokapa, acapachar jutañapäcän uca —sasa.

Juan 2:11

Acjja Jesusajj luränwa Caná sat marcana, Galilea ucsana. Aca milagrojj nayrïr milagrönwa. Uca luräwimpisti ch'amap uñacht'ayäna, yatekerinacapasti juparojj iyawsapjjaraquïnwa.

Juan 4:19

Uc ist'asinjja warmejj sänwa: —Tata, amuyatajjatjja mä profetjamaquïtawa.

Juan 4:25

Ucjjarusti warmejj saraquïnwa: —Nayajj yattwa Cristo sutini Mesiasan jutañapa; cunapachatejj jupajj jutcani ucqhawa take cun yatichistani —sasa.

Juan 4:42

Ucatsti warmirojj sapjjänwa: —Jichhajj, janiw juman arsutamatacti iyawsapctjja, jan ucasti nanac pachpawa jupat ist'apjjtjja, yatipjjaractwa jupajj acapachan khespiyiri chekpach Cristötapa.

Juan 6:2

Walja jakenacaw khepapat arcapjjäna, usutanacampi milagronaca luratap laycu.

Juan 6:26

Jesusasti jupanacarojj sänwa: —Khanacwa sapjjsma, jumanacajj t'ant'a sist'asiñcam mank'apjjatam laycuquiw thakapjjestajja, janiw milagronac uñjasin amuyt'asipjjatam laycuti.

Juan 6:30

Ucatsti jisct'apjjaraquïnwa: —¿Cuna unañchsa uñacht'ayapjjetasma jumar nanacajj iyawsapjjañajjataquejja? ¿Cuns lurta?

Juan 7:40

Yakhepanacajj uc ist'asajj sapjjänwa: “Chekpachansa aca jakejj jutañapäcän uca profetawa” sasa.

Hechos 7:37

Uca quicpa Moisesaraquiw israelitanacarojj parläna: ‘Diosaw jumanacataquejj mä profeta sayt'ayarapipjjätam jumanac taypita, cunjämtï nayar qhitanquit uqhama. Juparuw ist'apjjäta.’