Juan 2:23 - Qullan Arunaka DC

²³ Jesusax Pascua urun Jerusalén markankkän ukapachasti, muspharkañanak luratap laykux waljaniw juparux iyawsapxäna.

Aymar Bibliia 1986

²³ Cunapachatejj Jesusajj Jerusalén marcanccäna Pascua fiestanjja, waljaniw jupar iyawsapjjäna milagronac luratap laycu.

Qullan Arunaca

²³ Cunapachatejj Jesusajj Jerusalén marcanccäna Pascua fiestanjja, waljaniw jupar iyawsapjjäna milagronac luratap laycu.

Juan 2:23 Jak'a apnaqawi uñst'ayäwi

Lucas 8:13

Qala taypir purir jathasti, khitinakatix Diosan arup ist'apki, kusisiñamp katuqapki jupanakawa, ukampis janiw wali saphintatäpkiti, mä qawqha urunakatakikiw iyawsapxi, yant'anak sartipansti qhiparuw kutt'awayxapxi.

Juan 11:45

Mariar chuymachir sarapkatayna uka judionakat waljaniw Jesusan luräwinakap uñjasin jupar iyawsapxäna.

Juan 2:11

Kuntix Jesusax Galilea uraqinkir Caná markan lurkän ukax nayrïr muspharkañ luräwipänwa; uka luräwimpiw ch'amap uñacht'ayäna, yatiqirinakapasti juparux iyawsapxarakïnwa.

Juan 2:13

Judionakan Pascua jach'a urup niya jak'ankxipansti, Jesusax Jerusalén markaruw saräna.

Juan 3:2

Jupasti mä arumaw Jesusan ukar saräna, ukat jupar sarakïna: —Yatichiri, Diosan jumaru nanakar yatichiri khithanitap yatipxta; janiw khitis jumax lurkta uka muspharkañanak lurkaspati, janitix Diosax jupampïkaspa ukaxa —sasa.

Juan 4:45

Galilear purisinsti, ukankir jaqinakax wali sum juparux katuqapxäna, jupanakasti Pascua urutakiw Jerusalenar sarapxatayna, ukan Jesusan muspharkañ luratanakap uñjapxatayna.

Juan 5:36

Ukampis Juanat sipan yaqhaw nayat arsurix utji. Kuntix nayax lurkta ukaxa, Awkix lurañaxatak katuykitu ukawa; ukasti Awkin nayar chiqpach khithanitap yatiyi.

Juan 6:14

Jaqinakasti Jesusan uka muspharkañ luratap uñjasinxa, sapxänwa: —Chiqpachansa aka jaqix jutañapäkän uka profetawa —sasa.

Juan 6:2

Walja jaqinakaw qhipapat arkapxäna, usutanakar muspharkañ luras k'umaraptayatap layku.

Juan 7:31

Waljaniw jupar iyawsapxäna, ukat sapxarakïna: —Cristox jutkani ukkhasti ¿aka jaqit sipan juk'amp muspharkañanakti lurpachänisti? —sasa.

Gálatas 5:6

Cristo Jesusampi mayakïstanxa, janiw kunatakis wakiskiti circuncisión katuqañasa, jan katuqañasa. Jan ukasti, iyawsañanïñaw juk'amp askixa, uka iyawsañasti munasiñan jakayarakistani.

1 Juan 3:23

Jupan kamachipax Jesucristo Yuqapar iyawsañawa, maynit maynikam munasiñawa, kunjämtix jupax munkistu ukhama.