Juan 2:24 - Qullan Arunaka DC

²⁴ Ukampis Jesusax janiw jupanakar alkataskänti, jupan taqinir uñt'atap layku.

Aymar Bibliia 1986

²⁴ Ucampis Jesusajj janiw jupanacar alcatascänti, jupajj takeniru uñt'atap laycu.

Qullan Arunaca

²⁴ Ucampis Jesusajj janiw jupanacar alcatascänti, jupajj takeniru uñt'atap laycu.

Juan 2:24 Jak'a apnaqawi uñst'ayäwi

1 Crónicas 28:9

Jumasti, Salomón, munat wawaxa, awkiman Diosapar wasitat uñt'xam, ukatsti taqi chuymampi, suma amtampirak luqtam, Tatitusti taqi amuyunakas uñt'i, jiwasan amtäwinakasa, lup'ïwinakas uñt'araki. Ukhamasti jumatix jupar thaqtätaxa, jikxatätawa, ukampis jumatix jupar apanukütaxa, jupax wiñayatakiw apanukütam.

1 Crónicas 29:17

Diosaxay, nayax yattwa, jumaw chuymanak uñt'taxa, jumatakix chiqa kankañaw askixa. Ukat chiqa chuymampix taqi akanak chursma. Jichhasti kusisitaw uñjarakta markamax akan tantacht'atäsina, munasiñ chuymampiw waxt'äwinak churapxtam.

Jeremías 17:9

“Jaqin chuymapjam ñanqha, sallqjirix janiw utjkiti. ¿Khitis ukan ukhamätap amuyt'aspa?

Mateo 9:4

Ukampis Jesusax jupanakan lup'itap amuyänwa, ukat jupanakarux jiskt'äna: —¿Kunatarak jumanakasti jan wali amtañanïpxtasti?

Marcos 2:8

Ukampis Jesusax jupanakan lup'itanakap mäkiw amuyäna, ukat jupanakar jiskt'äna: —¿Kunatsa jumanakax ukham lup'isipkta?

Juan 1:42

Ukatsti Andresax Simón jilaparuw Jesusan ukar irpäna. Jesusasti jupar uñjasin sänwa: —Jumax Juanan yuqapa, Simón sutinïtawa, ukampis jichhax Cefas sutinïyätawa, ukasti Pedro sañ muni —sasa.

Juan 16:30

Jichhax taqi kun yatitam yatipxta, janirakiw khitin jumar jiskhiñapsa munktati. Ukat nanakax Diosat jutatam iyawsapxta —sasa.

Juan 21:17

Jesusax mä kutimpis jiskt'askakïnwa: —Simón, Juanan yuqapa, ¿munasipunistati? —sasa. Pedrosti llakthaptänwa kimsa kuti: “munasistati” sas jiskt'atap layku, ukat sarakïna: —Tatay, jumaw taqi kun yattaxa. Jumaw nayan jumar munasitax yattaxa —sasa. Jesusasti sänwa: —Ukhamax ovejanakax awatim.

Juan 4:16

Jesusasti juparux sänwa: —Chachamar jawsir saram, ukatsti jupamp chika akawjar kutt'anim —sasa.

Juan 5:42

Ukhamarus nayax jumanakar uñt'apxsmawa, Diosar jan munatanakamsa yatiraktwa.

Juan 6:15

Jesusasti jaqinakan jupar munkir jan munkir reyit qunt'ayañ munapxatap amuyasinxa, wasitat qullu amstar sarxäna, ukan sapak jikxatasiñataki.

Juan 6:64

Ukampis jumanak taypin jan iyawsirinakaw utjaski —sasa. Jesusax qalltatpach yatïna khitinakas jupar jan iyawsapkani uka, ukatsti khititix jupar aljantkani uksa yatirakïnwa.

Hechos 1:24

Ukatsti taqiniw Tatitut mayisipxäna akham sasa: “Tatay, jumaw taqinin chuymap uñt'taxa, jupa paninit khitirus jumax ajllista, ukay uñacht'ayapxita

Hechos 15:8

Jaqinakan chuymap uñt'ir Diosasti jan judiöpkis uka jaqinakar katuqatap uñacht'ayiwa, jupanakar Qullan Ajayu churasa, kamisatix jiwasanakar churkistu ukhamarak jupanakar churi.

Deuteronomio 31:21

Kunapachatix jupanakxaru wali jan walt'añanakampi, llakinakamp jutkani ukapachasti, aka q'uchux jupanakatak mä qhanañchäwïniwa, qhipa wawanakapasti amtapxaniwa, ukatsti q'uchupxarakiniwa; ukampis kawkïr uraqtix churañ arskta ukar janïr mantapkipanxa, nayax yatxtwa kawksaru chuymanakapan wayusitapsa” sasa.

Hebreos 4:13

Janiw kuna luratapas Diosan nayraqatapan imantaskaspati; taqi kunapuniw jupan nayraqatapan qhanstani, taqi luratasat arsuñasaw wakt'istani.

1 Samuel 16:7

Ukampis Tatitux sänwa: “Jan jumax uñnaqapaki, ukhamarak jach'a tansätapaksa uñkatkamti, janiw nayax jupar ajlliskti. Jaqix uñnaqak uñkati, ukampisa nayax jaqin chuymap uñjaraktxa” sasa.