Jumataqui waliquïchi ucqhajj mä juc'a uma mayï cayunacam jarekasiñamataqui, ucatsti mä juc'a rato koka ch'iwir samart'añamataqui.
Juan 13:5 - Qullan Arunaca Ucatsti mä lamanaruw um warjjati, ucat discipulonacapan cayunacap jarekañaruw uchasi. Jarekasinsti cinturapanccäna uca toallampiraquiw phisqhuräna. Aymar Bibliia 1986 Ucatsti mä lamanaruw um warjjati, ucat discipulonacapan cayunacap jarekañaruw uchasi. Jarekasinsti cinturapanccäna uca toallampiraquiw phisqhuräna. Qullan Arunaka DC Ukatsti mä lamanaruw um warxatäna, ukat yatiqirinakapan kayunakap jariqañar uchasïna, jariqasinsti wak'antatäkän uka isimpiw phiskhurarakïna. |
Jumataqui waliquïchi ucqhajj mä juc'a uma mayï cayunacam jarekasiñamataqui, ucatsti mä juc'a rato koka ch'iwir samart'añamataqui.
saraquïnwa: —Tatanaca, achict'asipjjsmawa, jichhärmajj naya jumanacan sirviriman utapanay korpacht'asipjjamjja. Ucanwa cayunacam jarekt'asipjjäta, ucatsti arumanthiw wali alwat sarjjapjjäta —sasa. Ucampis jupanacajj sapjjänwa: —Yuspagarapjjsmawa, ucampis janiw utamar korpachasipquiristti jan ucasti callequi ict'apjjä —sasa.
Ucatsti takpachaniruw Josean utapar irpäna, uma churaraquïna cayunacap jarirasiñataqui, uqhamarac asnonacaparus mank'a churaraquïna.
Ucatjja Josafat reyejj jisct'araquïnwa: —¿Janit aca chekana Tatitun mä profetapajj utjqui, jupa toke Tatitur jisct'añataquejja? —sasa. Ucatsti Israel reyin mayni oficialapajj sänwa: —Acajjay Safat chachan Eliseo yokapajja, jupasti Eliasan yanapiripänwa —sasa.
Uqhamarac Aaronampiru, wawanacapampir irpasinjja Tatitumpi Jiquisiñ Carpanjja tantachasiñ lugar puncuru puriyasajja umampiw jupanacar jarekäta.
“¡Jarikasipjjam, k'omachasipjjaraquim! ¡Uca ñankha lurañanacamsti nayrakatajjatjja jayar apapjjam! ¡Ñankha lurañanacsti apanucupjjaraquim!
K'oma umampiw jarekjjapjjaraquïma, take k'añunacamatsa k'omachjjapjjaraquïmawa.
“Uca k'omachasiri jakesti isinacapjja t'ajjsokasjjañapawa, jupa pachpasa jarekasjjañaparaquiwa, uqhamarac k'alwa ñic'utapsa mururasiñaparaqui, uqhamat k'oma uñjasjjañapataqui. Uca khepatsti puedjjaraquiniwa campamentoru mantawayjjaña, ucampisa pakallko urunacampiw carpapat ankäjjana jacaraquini.
“Qhä urunjja mä uma jalsuw jist'artanejja, ucana Davidat jutir familianacas, Jerusalenan jaquirinacasa juchanacapa, k'añu cancañanacapa jarekasipjjañapataqui.
Ucat jacht'asisaw Jesusan cayupawjaru kont'asi, ucatsti jachapampiw Jesusan cayupjja jarekäna. Ucatjja ñic'utapampiraquiw ucjja wañsuyaraquïna, ucat jamp'att'asinwa uca k'apquir aceitempejj Jesusan cayuparojj warjjatäna.
Ucatwa Jesusajj warmir uñtasinjja Simonarojj saraqui: —¿Uñjtati aca warmiru? Nayajj utamaruw mantanta, ucatsti janiw nayarojj mä juc'a umsa churquistati cayunacajj jarekasiñataquejja; ucampis aca warmejj jachanacapampiw cayunacajja jareketu, ucatsti ñic'utapampiraquiw wañsuyaraquitu.
Ucampis Jesusajj saraquïnwa: —Qhititejj jichha jarekataquïqui ucajja janiw takpach janchipa jarekañajj waquisquiti k'omäscatap laycu. Jumanacajj k'omäjjapjjtawa, ucampis janiw takeni k'omäpctati —sasa.
Simón Pedron cayunacap jariñataquëjjän ucqhajja, Pedrojj sänwa: —Tata, ¿cayunacajjti jareketäta? —sasa.
Pedrosti sänwa: —Nayarojj janiw cunapachas cayojj jarekquitasmati —sasa. Jesusasti saraquïnwa: —Janitejj jarekcäma ucajja, janiw nayampi chicäcasmati —sasa.
Ucampis mayni soldadojja lanzampi jununtasajj ch'illapwa jist'jäna ucspachaw wilampi umampejj mistunïna.
Jichhasti ¿cunats suyascta? Sartam, bautisasiraquim, Tatitun sutipar iyawsasa, take juchanacamat jarekatäñamataqui’ sasa.
Jumanacatjja yakhepanacajj uqhamäpjjaraquïyätawa, ucampis jichhajj k'omachatäjjapjjtawa, Diosarus catuyatäjjapjjaractawa, Tatit Jesucriston sutiparu, uqhamarac Diosan Kollan Ajayup tokeraqui.
Acjja iglesiaru Diosatac yakhachasawa luri, umampi uqhamarac arupampi k'omachasina,
Suma luräwinac luririt uñt'atäñaparaquiwa, ucanacasti acanacäñapawa: ¿Wawanac uywpachänti? ¿Utaparu tumpirinac catokerïpachänti? ¿Take asqui cancañampi jilatanacaru yanappachänti? ¿T'akhesirinacarojj yanappachänti? ¿Cuna yakha suma luräwinaccha lurpachäna?
Ucatpï Diosarojj jac'achasiñasajj take chuymampi, mä suma cheka iyawsañampi, jupaw chuymanacasjj k'omacharaqui jan juchani amuyasiñasataqui, janchinacasajj k'oma umamp jarekatäjjewa.
Jiwasatejj khanan jacstan, cunjämatejj Diosajj khanancqui uqhamjja, mayaquïtanwa maynimpi maynimpisa, Jesucristo Yokapan wilapaw take juchanacasat k'omacharaquistu.
Tatit Jesucristojj jutawayiwa umampi wilampi unañcht'ata; janiraquiw umampiquiti, jan ucasti umampi uqhamarac wilampi, Ajayu pachparaquiw ucjjatjja testigo, Ajayusti chekaraquiwa.
Diosan cheka testigopa Jesucristotsa catokapjjaraquim bendicionapjja. Uca Jesucristowa jiwatanacat nayrïri jactirejja. Take acapach reyinacjjarus jupajj munañaniraquiwa. Jesucristojj jiwasarojj walwa munistu, juchanacasatsa wilapampiw jarekestu.
Nayasti sistwa: “Tata, jumaw yattajja” sasa. Jupasti saraquituwa: “Acanacajj wali jach'a llaquinacwa pasanipjje, isinacapsti Corderon wilapampi t'ajjsusaraquiw jank'optayanipjje.
Uca awquisti utaparuw irpäna. Ucansti saririnacajja cayunacapa jarekt'asisinjja, mank'asipjjäna, umapjjäna, uqhamarac asnonacaparus mank'añsa churapjjaraquïna.
Abigail warmisti ucanac ist'asinjja wali ajjsartañ chuymampiw orakcama alt'asïna, ucat saraquïna: —Nayajj jupan mä sirviripaquïtwa. Jupan esclavonacapan cayunacap jariñataquisa janc'aquiraquïtwa, jupatejj uqham luram sitaspa ucapachajja —sasa.