Juan 13:5 - Qullan Arunaka DC

⁵ Ukatsti mä lamanaruw um warxatäna, ukat yatiqirinakapan kayunakap jariqañar uchasïna, jariqasinsti wak'antatäkän uka isimpiw phiskhurarakïna.

Aymar Bibliia 1986

⁵ Ucatsti mä lamanaruw um warjjati, ucat discipulonacapan cayunacap jarekañaruw uchasi. Jarekasinsti cinturapanccäna uca toallampiraquiw phisqhuräna.

Qullan Arunaca

⁵ Ucatsti mä lamanaruw um warjjati, ucat discipulonacapan cayunacap jarekañaruw uchasi. Jarekasinsti cinturapanccäna uca toallampiraquiw phisqhuräna.

Juan 13:5 Jak'a apnaqawi uñst'ayäwi

Génesis 18:4

Jumanakatak walikïchi ukaxa, mä juk'a uma mayï kayunakam jariqasiñataki, ukatsti aka quqa ch'iwir samart'apxam.

Génesis 19:2

ukat jupanakarux sarakïna: —Tatanaka, achikt'asipxsmawa, jichhärmax nayan utaxanay qurpacht'asipxam. Ukan kayunakam jariqt'asipxäta, ukatsti arumanthiw wali willjtat sarxapxäta —sasa. Ukampis jupanakax sapxänwa: —Walikïskaniwa, nanakax jichhärmax anqak ikt'awayapxä —sasa.

Génesis 43:24

Ukatsti taqpachaniruw Josean utapar mantayäna, kayunakap jariqasiñatakix uma churäna, asnonakaparusti manq'a churarakïna.

2 Reyes 3:11

Josafat reyisti jiskt'änwa: —¿Janit aka chiqan Tatitun profetapax utjkpacha, jupa tuqi Tatitur jiskt'añasataki? —sasa. Ukatsti Israel reyin mayni yanapiripaw ukxar säna: —Aka jak'ankiw Safat chachan Eliseo yuqapaxa, jupax Eliasan yanapiripänwa —sasa.

Salmos 51:2

2 (4) ¡Ñanqha luratanakaxat jariqt'ita! ¡Jucha luratanakaxat q'umacht'ita!

Éxodo 29:4

Ukatxa Aaronampiru, wawanakapampirux Tatitump Jikisiñ Carpan mantañapawjaruw irpäta, ukat jupanakar jariqasiyäta;

Isaías 1:16

“¡Jariqasipxam, q'umachasipxarakim! ¡Uka ñanqha lurañanakamsti nayraqataxat jayar apapxam! ¡Ñanqha lurañanaksti apanukupxarakim!

Ezequiel 36:25

Q'uma umampiw jariqt'xapxäma, yaqha diosanakar yupaychas q'añuchasitanakamatsa q'umachxapxarakïmawa;

Levítico 14:8

“Uka q'umachasiri jaqisti isinakap t'axsuqasxañapawa, jupas jariqasxañaparakiwa, ñik'utapsa, taqpach janchipan utjki uka t'arwanaksa q'al mururasiñapa, ukhamat q'uma uñjasxañapataki. Ukapachakiw wasitat campamentor mantxaspa, ukampisa paqallqu urunakampiw chhujllapat anqäxan jakañapa.

Zacarías 13:1

“Khä urun mä uma jalsuw jist'artani, ukan Davidat saraqir wila masinakapasa, Jerusalén markan jakirinakasa juchanakapa, q'añu luratanakap jariqasipxañapataki.

Lucas 7:38

Jacht'asisaw Jesusan kayupawjar qunt'asïna, ukatsti jachapampiw Jesusan kayup jariqäna. Ukatsti ñik'utapampiw wañsuyarakïna, ukat jamp'att'asin uka q'apkir qullampix Jesusan kayuparuw warxatäna.

Lucas 7:44

Ukatsti Jesusax warmir uñtasin Simonaruw säna: —¿Aka warmirux uñjtati? Nayax utamaruw mantanta, ukatsti janiw nayarux mä juk'a umsa kayunakax jariqasiñatak churkistati; ukampis aka warmix jachapampiw kayunakax jariqitu, ñik'utapampiw wañsuyaraki.

Juan 13:10

Ukampis Jesusax sarakïnwa: —Khititix jichha jariqatäki ukax janiw taqpach janchip jariqañax wakiskiti, jupan q'umäskatap layku. Jumanakasti q'umäxapxtawa, janis taqpachan q'umäpksta ukasa —sasa.

Juan 13:6

Simón Pedron kayunakap jariñatakïxän ukkhasti, Pedrox sänwa: —Tatay, ¿kamisarak jumasti kayunakax jariqitätasti? —sasa.

Juan 13:8

Pedrosti sänwa: —Janipuniw kayunakax jariqkitasmati —sasa. Jesusasti sarakïnwa: —Janitix jariqkäm ukasti, janiw nayampïkasmati —sasa.

Juan 19:34

Ukampis maynïr soldadox ch'illapat lanzampiw jununtäna, ukspachaw wilampi umampix jalsunïna.

Hechos 22:16

Jichhasti, jan juk'amp suyamti. Sartasim, bautismo katuqarakim, Tatitun sutip aytasis taqi juchanakamat jariqasim’ sasa.

1 Corintios 6:11

Jumanakat yaqhipanakax ukhamäpxarakïyätawa; ukampis jichhax q'umachatäxapxtawa, jumanakax Tatit Jesucriston sutipxaru, Diosasan Qullan Ajayup tuqiw qullana, aski jaqinakarus tukuyatäpxarakta.

Efesios 5:26

Uksti qullanar tukuyañatakiw ukham luri, uma jariqäwimpi arup tuqi q'umachasa,

1 Timoteo 5:10

Jupanakasti suma luräwinak luririt uñt'atäñapawa, wawanakap sum uywatap layku, utapar sart'irinakar sum katuqatap layku, qullan markapankirinakan kayunakap jariqatap layku, t'aqhisirinakar yanapatap layku, yaqha aski luräwinak lurañatak ch'amachasitap layku.

Hebreos 10:22

Ukat Diosarux chiqpach chuymampi, taqpach iyawsañampi, jan walinakat q'umachat chuymampi, janchinakasas q'uma umampi jariqat jak'achasipxañäni.

1 Juan 1:7

Ukampis jiwasatix qhanan jakañäni, kunjämatix Diosax qhanankki ukhamxa, maynit maynikamax mayakïtanwa, Jesucristo Yuqapan wilapasti taqi juchanakasat q'umachistu.

1 Juan 5:6

Jesucristox uma tuqi, wila tuqiw juti; janiw uma sapatakti, jan ukasti umampita, wilampit juti. Diosan Ajayupaw qhanañchi, uka Ajayusti chiqapawa.

Apocalipsis 1:5

Diosan chiqa qhanañchiripa Jesucristotsa katuqasipxarakim. Uka Jesucristow jiwatanak taypit nayrïr jaktirixa, taqi akapach reyinakar apnaqañatakis jupax munañanirakiwa. Jesucristox jiwasar munasistuwa, juchanakasatsa wilap wartasaw jariqistu,

Apocalipsis 7:14

Nayasti ukxaruw sista: “Tata, jumaw yattaxa” sasa. Jupasti sarakituwa: “Uka jaqinakax uraqin wali jach'a llakinakampi t'aqhisinipki ukanakawa, isinakap Corderon wilapampi t'axsusaw janq'uptayapxi.

Jueces 19:21

Uka awkisti utaparuw irpäna, ukansti saririnakax kayunakap jariqt'asiñapkama, manqt'asiñapkama, umt'asiñapkamax, jupax asnonakaruw manq'añ churäna.

1 Samuel 25:41

Abigail warmisti wali axsart'añ chuymampiw uraqkam alt'äna, ukatsti sänwa: —Nayax Davidan mä luqtiripakïtwa, ukhamarus uywatanakapan kayunakap jariqañatakis jank'akirakïtwa —sasa.