Lucas 7:44 - Qullan Arunaca

⁴⁴ Ucatwa Jesusajj warmir uñtasinjja Simonarojj saraqui: —¿Uñjtati aca warmiru? Nayajj utamaruw mantanta, ucatsti janiw nayarojj mä juc'a umsa churquistati cayunacajj jarekasiñataquejja; ucampis aca warmejj jachanacapampiw cayunacajja jareketu, ucatsti ñic'utapampiraquiw wañsuyaraquitu.

Aymar Bibliia 1986

⁴⁴ Ucatwa Jesusajj warmir uñtasinjja Simonarojj saraqui: —¿Uñjtati aca warmiru? Nayajj utamaruw mantanta, ucatsti janiw nayarojj mä juc'a umsa churquistati cayunacajj jarekasiñataquejja; ucampis aca warmejj jachanacapampiw cayunacajja jareketu, ucatsti ñic'utapampiraquiw wañsuyaraquitu.

Qullan Arunaka DC

⁴⁴ Ukatsti Jesusax warmir uñtasin Simonaruw säna: —¿Aka warmirux uñjtati? Nayax utamaruw mantanta, ukatsti janiw nayarux mä juk'a umsa kayunakax jariqasiñatak churkistati; ukampis aka warmix jachapampiw kayunakax jariqitu, ñik'utapampiw wañsuyaraki.

Lucas 7:44 Jak'a apnaqawi uñst'ayäwi

Génesis 18:4

Jumataqui waliquïchi ucqhajj mä juc'a uma mayï cayunacam jarekasiñamataqui, ucatsti mä juc'a rato koka ch'iwir samart'añamataqui.

Génesis 19:2

saraquïnwa: —Tatanaca, achict'asipjjsmawa, jichhärmajj naya jumanacan sirviriman utapanay korpacht'asipjjamjja. Ucanwa cayunacam jarekt'asipjjäta, ucatsti arumanthiw wali alwat sarjjapjjäta —sasa. Ucampis jupanacajj sapjjänwa: —Yuspagarapjjsmawa, ucampis janiw utamar korpachasipquiristti jan ucasti callequi ict'apjjä —sasa.

Génesis 43:24

Ucatsti takpachaniruw Josean utapar irpäna, uma churaraquïna cayunacap jarirasiñataqui, uqhamarac asnonacaparus mank'a churaraquïna.

2 Samuel 11:8

Ucatsti utaparuw qhitjjaraquïna, cayunacapa jarekasiñapataqui. Cunapachatejj Uriasajj palaciot mistuwayjjäna uca khepatpachwa Davidajj mä suma mank'a apayäna wajjt'äwïcaspas uqhama.

Lucas 7:38

Ucat jacht'asisaw Jesusan cayupawjaru kont'asi, ucatsti jachapampiw Jesusan cayupjja jarekäna. Ucatjja ñic'utapampiraquiw ucjja wañsuyaraquïna, ucat jamp'att'asinwa uca k'apquir aceitempejj Jesusan cayuparojj warjjatäna.

Lucas 7:43

Simonasti juparojj sänwa: —Nayan amuyatajjatjja, jila manunïcäns ucaw jil munpachajja —sasa. Jesusasti saraquïnwa: —Walic sasctajja, uqhampunïsquiwa —sasa.

Juan 13:5

Ucatsti mä lamanaruw um warjjati, ucat discipulonacapan cayunacap jarekañaruw uchasi. Jarekasinsti cinturapanccäna uca toallampiraquiw phisqhuräna.

1 Timoteo 5:10

Suma luräwinac luririt uñt'atäñaparaquiwa, ucanacasti acanacäñapawa: ¿Wawanac uywpachänti? ¿Utaparu tumpirinac catokerïpachänti? ¿Take asqui cancañampi jilatanacaru yanappachänti? ¿T'akhesirinacarojj yanappachänti? ¿Cuna yakha suma luräwinaccha lurpachäna?

Santiago 2:6

Ucampis jumanacajj pobrenacarojj jisc'achapjjtawa. ¿Janit jumanacarusti kamir jakenacasti inac irnakayasipctamsti, uqhamarac autoridadanac nayrakatarus katatipjjaractamjja?

Jueces 19:21

Uca awquisti utaparuw irpäna. Ucansti saririnacajja cayunacapa jarekt'asisinjja, mank'asipjjäna, umapjjäna, uqhamarac asnonacaparus mank'añsa churapjjaraquïna.

1 Samuel 25:41

Abigail warmisti ucanac ist'asinjja wali ajjsartañ chuymampiw orakcama alt'asïna, ucat saraquïna: —Nayajj jupan mä sirviripaquïtwa. Jupan esclavonacapan cayunacap jariñataquisa janc'aquiraquïtwa, jupatejj uqham luram sitaspa ucapachajja —sasa.