Levítico 14:8 - Qullan Arunaca

⁸ “Uca k'omachasiri jakesti isinacapjja t'ajjsokasjjañapawa, jupa pachpasa jarekasjjañaparaquiwa, uqhamarac k'alwa ñic'utapsa mururasiñaparaqui, uqhamat k'oma uñjasjjañapataqui. Uca khepatsti puedjjaraquiniwa campamentoru mantawayjjaña, ucampisa pakallko urunacampiw carpapat ankäjjana jacaraquini.

Aymar Bibliia 1986

⁸ “Uca k'omachasiri jakesti isinacapjja t'ajjsokasjjañapawa, jupa pachpasa jarekasjjañaparaquiwa, uqhamarac k'alwa ñic'utapsa mururasiñaparaqui, uqhamat k'oma uñjasjjañapataqui. Uca khepatsti puedjjaraquiniwa campamentoru mantawayjjaña, ucampisa pakallko urunacampiw carpapat ankäjjana jacaraquini.

Qullan Arunaka DC

⁸ “Uka q'umachasiri jaqisti isinakap t'axsuqasxañapawa, jupas jariqasxañaparakiwa, ñik'utapsa, taqpach janchipan utjki uka t'arwanaksa q'al mururasiñapa, ukhamat q'uma uñjasxañapataki. Ukapachakiw wasitat campamentor mantxaspa, ukampisa paqallqu urunakampiw chhujllapat anqäxan jakañapa.

Levítico 14:8 Jak'a apnaqawi uñst'ayäwi

2 Crónicas 26:21

Uzías reyejj jiwañap urucamaw lepra usunïna. Jupasti reyi cancañapanjja mä utaru yakhachatawa lepra usuni jacäna, ucatsti juparojj jarc'apjjänwa Tatitun temploparu mantañapjja. Reyin utapsti Jotam yokapawa apnakjjäna, uqhamarac take Judá marcpacha.

Éxodo 19:10

Tatitojj Moisesarojj sascaquïnwa: —Saram, ucatsti marcaru waquichanim jichhüru, kharüru jupanacajj k'omachasipjjpan, uqhamarac isinacapsa t'ajjsusipjjaracpan.

Éxodo 19:14

Moisesajj kollutjja sarakanjjänwa israelit jakenacaru waquichañataqui, Diosaru catuyasipjjañapataqui; uqhamarac israelitanacajj isinacapjja t'ajjsusipjjänwa.

Levítico 11:25

“Cawquïritejj uca jiwat animalanacaru llamct'ani ucasti isipjja t'ajjsokasjjañapawa, ucampisa jayp'thapiñapcamajja k'añuquipunïscaniwa.

Levítico 14:20

ucsti altarjjaruraquiw loktaraquini, granonacat ofrenda churatäquis ucanacampi chica. Uqhamatwa sacerdotejj uca jaketaquejj juchat pampachatäña jicjjatani, uca jakesti k'omawa uñjasjjaraquini.

Levítico 14:9

Pakallko urunaca phokhasjjepansti k'alwa ñic'utapjja mururasjjaraquini, uqhamaraqui sunqhanacapsa, nayra phichhunacapsa, janchipan utjqui uca t'awranacsa k'alwa qhitsusiraquini, uqhamarac isinacapsa t'ajjsurasjjaraquini, jupa quipcasa jarekasjjaraquini, ucapachaw k'omachata uñjasjjaraquini.

Levítico 15:13

“Uca jaketejj uca jatha aywiyañ usupata c'umarachasjjani ucapachasti pakallko urunacaw jact'asini k'omachasiñapataquejja, isinacapjja t'ajjsokasjjaraquiniwa, uqhamarac jupas jalsu umampiwa jarekasjjaraquini, ucapachaw k'omachatäjjaraquini.

Levítico 8:6

Ucat Aaronampiru, wawanacapampiruw jawsäna, ucatsti umampiw jarekaraquïna.

Números 6:9

“Cawquïri jaketï acatjamat jupa thiyaru jiwani, uqhamat ñic'utapjja k'añu tucuyani, Tatituru catuyatäcchi ucasa, jupajj ñic'utapjja pakallko ururojj mururasiniwa, cunapachatï k'omachasiñap urojj purincani ucqha.

Números 8:7

Uca k'omachäwsti aqham lurapjjäta: Jumaw ch'allaquipäta k'omachasiñ umampi, ucatsti jupanacajj janchipan ñic'utanacapsa take qhuchhurasipjjani, isinacapsa t'ajjsurasipjjaraquini, uqhamatwa k'omachatäpjjani.

Deuteronomio 21:12

jupajj utaparuw irpasini ñic'utanacap mururasiñapataqui, uqhamaraqui amparapan sillunacapsa qhuchhurasiñapataqui;

1 Pedro 3:21

Uca umasti bautismo umaruw uñtasejja, uca tokeraquiw jichhajj khespitätanjja. Uca bautismosti janiw janchi k'omachañataqui asquïquiti, jan ucasti Diosat mä k'oma chuyma mayiñanquiwa; Jesucriston jactäwip tokeraquiw khespitätanjja,

Apocalipsis 7:14

Nayasti sistwa: “Tata, jumaw yattajja” sasa. Jupasti saraquituwa: “Acanacajj wali jach'a llaquinacwa pasanipjje, isinacapsti Corderon wilapampi t'ajjsusaraquiw jank'optayanipjje.