Levítico 14:7 - Qullan Arunaca

⁷ Ucatsti cawquïri jaketejj uca lepra usut k'omachatäcani ucarusti pakallko cutiw uca wila umampi ch'allt'araquini, ucat k'omat khanañchjjaraquini. Jacasquiri jamach'irusti antutnucjjaraquiniwa.

Aymar Bibliia 1986

⁷ Ucatsti cawquïri jaketejj uca lepra usut k'omachatäcani ucarusti pakallko cutiw uca wila umampi ch'allt'araquini, ucat k'omat khanañchjjaraquini. Jacasquiri jamach'irusti antutnucjjaraquiniwa.

Qullan Arunaka DC

⁷ Ukatsti kawkïri jaqitix uka lepra usut q'umachatäkani ukarux paqallqu kutiw uka wilampi ch'allsuni, ukat q'umätap qhanañchxarakini. Jakaskiri jamach'irusti antutnukxarakiniwa.

Levítico 14:7 Jak'a apnaqawi uñst'ayäwi

2 Reyes 5:10

Ucampis Eliseojj mä yatiyirwa qhitäna, aqham sañapataqui “Saram Jordán jawiraru, pakallk cuti jarisim, ucatsti janchimajj k'omachatäjjaniwa” sasa.

2 Reyes 5:14

Naamán chachasti Jordán jawiraru sarasinjja pakallk cutiwa uma mankhar chhaktäna, cunjämtï profetajj siscäna uqhamaru, ucatsti janchipajja mä wawan janchipjamawa tucuwayjjäna, k'omachatäjjaraquïnwa.

Salmos 51:2

Ñankha luratanacajjat jarekt'ita, jucha luratanacajjat k'omacht'ita.

Salmos 51:7

Hisopo alimp ch'ajjch'uquipita: nayasti k'omachataw uñjasï; jarekt'itaya, nayasti qhunut juc'amp jank'ow tucjjä.

Isaías 52:15

uqhamaraquiw jichhajj muspharasipjjani; reyinacas jupar uñjasajj janiw cuns sapcaniti, cuntejj jupanacajj janipuni ist'apjjerïcatayna ucanac uñjapjjatapa, uqhamarac amuyt'apjjatap laycu.

Ezequiel 36:25

K'oma umampiw jarekjjapjjaraquïma, take k'añunacamatsa k'omachjjapjjaraquïmawa.

Daniel (hebreo) 9:24

“Pakallko tunca semananacaw pasañapa marcamjjaru, uqhamaraqui kollana marcamjjarusa, uqhamat ñankha luräwiru, juchampiru tucjañataqui, ñankha luräwinacatjja pampachäwi jicjjatañataqui, ucatsti cunatejj chekapäqui uca wiñayataqui utt'ayañataqui, uqhamat unañchäwi uñjcta, uqhamaraqui profecía arunac ist'cta ucanacajj phokhasiñapataqui, ucjjarusti cawquïritejj kollanäqui ucajja Diosar catuyatäjjañapcama.

Levítico 13:13

sacerdotejj uñjaraquiniwa; ucatsti uca usutejj takpacha janchi k'ala chhaktaychejja, sacerdotesti k'oma jaketwa khanañchjjaraquini, uca usojj jank'o tucjjatap laycu, uqhamarac jupasti k'omaw uñjasjjaraqui.

Levítico 13:17

uqhamat sacerdotejj juparu uñjjatañapataqui, ucat sacerdotetejj uñjani uca llagajj jank'o tucjjatapa, ucapachasti uca jakerojj k'omatwa khanañchjjaraquini, k'oma kheparjjatap laycu.

Levítico 14:51

Ucat aptaraquini cedro, hisopo alimpi, uqhamarac wila telampi, cawquïri jamach'itejj jacasqui ucampi, ucat take ucanacsti jiwat jamach'in wilapampi uqhamaraqui uca jalsur wila umaruw chilltaraquini ucatjja utaru pakallko cuti ch'allsuraquini.

Levítico 16:14

Uqhamaraquiwa uca vacan wilapatjja mä juc'a aptaraquini, ucat luc'anapampiwa ch'allt'araquini uca tapat ch'ekäjjaru. Ucjjarusti pakallko cutiraquiw uca tapa nayräjjaru ch'allt'araquini,

Levítico 16:19

ucat luc'anapampejj pakallko cutiw altarar ch'allt'araquini. Uqhamwa israelitanacan k'añunacapatjja k'omachani, ucatsti Tatituruw catuyjjaraquini.

Levítico 16:22

Uqhamawa uca cabritojj wasara tokeru chhakjjani, take jakenacan juchanacapa apawayjjani, jan jakeni orakenac tokeru.

Levítico 4:17

luc'anapa wilaru juricht'asajja, pakallko cutiw ch'allt'araquini Tatitun nayrakatapana, velo uñcatasiru.

Levítico 4:6

ucanwa luc'anapa wilaru juricht'asajja, pakallko cuti ch'allt'araquini Tatitun nayrakatapana, santuarion velop tokeru.

Levítico 8:11

Uca pachpa aceitempiraquiw altarjja pakallko cuti ch'allt'araquïna, ucatsti altarjjaru uqhamaraqui cunanacatejj altaran utjcän ucanacjjaruw warjjatjjaraquïna, uqhamaraqui ucan mä tinajajj utjcän ucjjarusa, uqhamaraqui uca tinaja utt'añaparusa, uqhamat take ucanaca Tatitur catuyjjañataqui.

Miqueas 7:19

Nanacatsti wasitatay qhuyapt'ayasipjjeta, ñankha luratanacajjsti jach'a kotar jakontjjam.

Números 19:12

Ucat quimsa ururu, jan ucqhajj pakallko ururusa k'omachasiñ umampiw k'omachasiñapa, ucatsti k'omachataw uñjasjjani. Janitejj k'omachascani quimsïri ururu jan ucajj pakallko ururusa, ucqhajj janiw k'omachat uñjascaniti.

Juan 19:34

Ucampis mayni soldadojja lanzampi jununtasajj ch'illapwa jist'jäna ucspachaw wilampi umampejj mistunïna.

Hebreos 10:22

Ucatpï Diosarojj jac'achasiñasajj take chuymampi, mä suma cheka iyawsañampi, jupaw chuymanacasjj k'omacharaqui jan juchani amuyasiñasataqui, janchinacasajj k'oma umamp jarekatäjjewa.

Hebreos 12:24

Uqhamarac Jesusarusa, jupawa machak arust'äwin arjjatiripajja, jupan k'omanchir wilapaw juc'amp suma parljjayistu Abel chachan wilapat sipansa.

Hebreos 9:13

Chekaraquïnwa toronacana, cabritonacan wilanacapampi, uqhamarac kachu vaca kallunacan khellanacapampi altaran naqhantqui, juchararanacjjaru ch'alljjatatäcaraqui ucajja, ch'amaniraquiw ankäjjat k'omachañataquejja.

Hebreos 9:19

Moisesajj Diosan take camachinacapjja yatiyänwa takpach jakenacaru; ucatsti mä wila t'awra aptäna, mä hisopo laymimpi, vaca kallunacana, cabritonacan wilaparu, umampiruw chilltäna, ucjjarojj ley libroru uqhamarac take jakjjaruraquiw ch'alljjatäna.

Hebreos 9:21

Moisesajj santuariorusa, uqhamarac take cunanacatejj ucan utjcäna ucanacamppacharuw wilamp ch'alljjataraquïna.

Hebreos 9:26

Uqhamäsapän ucajja walja cutiraquiw jiwañapäsapänjja aca orake kalltatpachjja. Jichhajj take uca urunac phokhasisquipanjja, Cristojj mä sapa cutiquiw pacha tucuyar uñstani, jupapachparaquiw mä sacrificio loktasiwayi take juchanac apakañataqui.

1 Pedro 1:2

Take jumanacarusti Dios Awquiw ajllisipjjtam nayratpacha amtataparjama. Kollan Ajayu tokeraquiwa jumanacarojj jupataqui yakhachasipjjtam, jupar jaysapjjañamataqui, Jesucriston wilapampi k'omachatäpjjañamataquiraqui. Jumanacasti Diosan bendicionanacapjja jilarquiri catokapjjam, uqhamarac suman sarnakasiñsa.

1 Juan 5:6

Tatit Jesucristojj jutawayiwa umampi wilampi unañcht'ata; janiraquiw umampiquiti, jan ucasti umampi uqhamarac wilampi, Ajayu pachparaquiw ucjjatjja testigo, Ajayusti chekaraquiwa.