Israelan Diosapajj arsuraquiwa; Israelar arjjatiristi saraquituwa: ‘Qhititejj Diosar ajjsartasa jakenacar apnakcani ucasti,
Jeremías 22:3 - Qullan Arunaca Aca chekansti cunatejj chekapäqui, uqhamaraqui asquïqui uca lurapjjam, t'akhesiyatarusti t'akhesiyiripat khespiyapjjam, yakha marcat jutirinacarusti janiraqui jisc'achapjjamti, ni cuna jan walsa lurapjjaraquimti, wajchanacarusa, ijma warminacarusa. Jan juchani jakenacarusti janiraqui jiwayapjjamti. Aymar Bibliia 1986 Aca chekansti cunatejj chekapäqui, uqhamaraqui asquïqui uca lurapjjam, t'akhesiyatarusti t'akhesiyiripat khespiyapjjam, yakha marcat jutirinacarusti janiraqui jisc'achapjjamti, ni cuna jan walsa lurapjjaraquimti, wajchanacarusa, ijma warminacarusa. Jan juchani jakenacarusti janiraqui jiwayapjjamti. Qullan Arunaka DC Aka chiqansti kunatix chiqapäki, askïkaraki uk lurapxam, t'aqhisiyatarusti t'aqhisiyiripat qhispiyapxam, yaqha markat jutirinakarusti jan jisk'achapxamti, wajchanakaru, ijma warminakarus janirak kuna jan walsa lurapxamti. Jan juchan jaqinakarusti jan jiwayapxamti. |
Israelan Diosapajj arsuraquiwa; Israelar arjjatiristi saraquituwa: ‘Qhititejj Diosar ajjsartasa jakenacar apnakcani ucasti,
uqhamarac jan juchan wila wartatap laycuraqui; ucatsti uca lurañampiraqui Jerusalenar phokhantatapata. Ucatwa Tatitojj jan juc'amp perdonañ muncänti.
Ijma warminacjja ucsacwa qhitanucüyätajja, wajcha wawanacarusti t'akhesiyaraquïyätawa.
“Ijma warminacatsti asu wawanacapsa aparapjjewa, pobrenacatsa isinacap lluch'supjjaraqui.
Diosajj wajchanacan awquipawa, ijma warminacan arjjatiripawa, jupajj kollan utjäwipan jaqui.
jan yäkat jakeru, jan cunan jakenacar arjjatapjjam, ñankha lurir jakenacat tuwakapjjam.
Jupanacajj asqui jaker ñankha lurañ amtapjje, jan juchan jaker jiwayañataquiw juchañchapjje.
ijma warminacaruw jiwayapjje, korpacht'ayasir jakenacaruw jiwayapjje, wajchanacaruw jiwayapjje,
“Jaya marcanquir jakerusti janiw nuwätati, ni llaquisiyätasa, jumanacasti uca quipca jaya marcanquir jakenacäpjjaraquiyätawa Egipto marcanjja.
“Janiw jan walinac lurasina t'akhesiyapjjätati viudanacarusa, ni wajchanacarusa,
Jach'a jach'a tucuñanacaru, c'ari parlañanacaru, jan juchani jake jiwayañanacaru,
Jilïri apnakerinacamasti nayataqui sayt'asirinacawa, lunthatanacampis sumancapjjaraquiwa. Takenis kollke chilltayasircamaquïpjjewa, wajjt'äwinac catokañac munasipcaraqui. Wajcharojj janiw chekapar uñjapquiti, janiraquiw ijma warminacarus chekaparu uñjapquiti.
Chekpachansa janiw ucajj uqhamäquiti, cawquïri ayunotejj cusisiyquitu ucajj acawa: Cunatejj jan chekapäqui uca ñach'jjäsir cadenanac t'akjjaña, yugor ñach'jjäsquis uca chinunaca jararaña, t'akhesiyatanacarusti jan juc'ampi t'akhesiyjjaña, uqhamarusa take cunatejj jan walïqui ucanac tucjaña;
mank'at awtjatarusti mank'a churaña, jan utaninacarusti utamaru catokaña, jan isinirojj ist'ayaña, jake masirusti yanapt'añaraqui.
Israelitanacasti nayarojj apanucuwayapjjetuwa, aca oraksti yakha orakeruw tucuyapjjaraqui, aca chekanwa yakha diosanacaru inciensonac loktasipjjaraqui, uca diosanacsti janiw jupanacajj uñt'apcänti; ni nayra awquinacapasa, ni Judá orakenquir reyinacasa uñt'apcänti; aca orakerusti jan juchani jakenacan wilapampiw phokhantapjjaraqui.
“Ucampis juma sapaquiw llaquistajja take cunsa jan wali lurañanacampi jicjjatatanacamata; jan juchanirojj jiwayaractawa, marcamarusti, t'akhesiyaractawa wali ch'ama lurañanacampi.”
Uqhamasti jilïrinacampi, jakenacampisti sacerdotenacarojj sapjjaraquïnwa, uqhamaraqui profetanacarusa: “Janiw cuna juchas utjquiti aca jakeru jiwayatäñapataqui catuyañajja, Tatitu Diosan sutipjjaruraquiw jiwasarojj parlistu” sasa.
wali pokontatäpjjewa, suma mankt'ataraqui. Ñankha luratanacapasti janiw korpanïquiti. Janiw wajcharojj chekaparu uñjapquiti, pobrenacarus janiraquiw chekaparu uñjapquiti.
Ucampisa jupanacarojj saraquïyätwa nayaru ist'apjjañapa; uqhamatwa nayajj jupanacan Diosapäyäjja, jupanacasti nayan marcajjaraquïniwa sasa. Ucatsti saraquïyätwa cunjämtejj nayajj siscta uqhamar sarnakapjjañapa, uqhamat take cunas sumaqui sarañapataqui.
Maynitejj jach'a jach'a tucuñ munchejja, nayar uñt'atapat jach'a jach'a tucpan, nayan Tatitütajj yatitapata, aca oraken munasiñampi, asquiru, chekaparuraqui luratajjata, ucaraquiw nayatacjamajja. Naya Tatituw ucjja arsta.”
pobrerusa, pist'ata jakerusa t'akhesiyaraquini. Mayninacatsa lunthataraquini, qhititejj mayt'asqui ucatsa janiraqui phokcaniti uca manupjja, uqhamaraqui uca c'ari diosanacaruraqui catuyasini, uqhamaraqui cuntejj nayajj uñiscta uca luräwinac luraraquini.
Janiw qhitirus t'akhesiyquiti, jan ucasti manuparusa cuntejj mayt'ascatayna ucatjja phokjjaraquiwa; janiw qhititsa lunthatcaraquiti, mank'añapatsti qhititejj jan mank'añanïqui ucarus churaraquiwa, jan isinirus ist'ayaraquiwa.
Jakenacamasti janiwa awquinacaparusa, taycanacaparusa suma uñjapcaraquiti, yakha marcat jutiri jakenacarusa ñankhachapjjaraquiwa, wajchanacarusa, ijma warminacarusa inaquiw irnakayapjje.
“Tatitojj aqham siwa: ¡Israel marcan jilïrinacapa, ucqhacamaqui! ¡Jan juc'ampi marcajjaru t'akhesiycjjapjjamti, janiraqui jumanacajj cuns inaqui lurayasipjjamti! ¡Take cunsa asquiru, chekaparu lurapjjaraquim! ¡Jan juc'ampi marcajjat orakenacapa lunthatcjjapjjamti! Naya, Tatituw, ucjja mayipjjsma.
Egiptojj k'alaw tucusini, Edom orakesti wasarar tucuyataraquïniwa, Judá marcan utjasir jakenacar nuwapjjatap laycu, uqhamarac marcapansa jan juchan jaker jiwayapjjatapata.
“Cunapachatejj mä queja t'akjäta ucapachasti jan ñankhanacjja luramti; janiraqui pisi ch'amanirusa arjjatamti ni munañanina nayrakataparusa alt'asimti. Cunapachatejj mä queja uñjcäta ucapachasti cunatejj chekapäqui ucaru jaysasa luram.
¡Jan walïqui ucjja uñisipjjam! ¡Sumäquis ucjja munapjjam! Tribunalanacansti chekapar uñjañajj utjpan; inach uqhamat take ch'amani Tatitu Diosajj qhuyapayasispa Israel marcan jilt'irinacaru.
Ucat sipana, chekaparu uñjäwejj walja umanacjam jalpan, asqui sarnakañasti jalsur umjam jan tucusquiriraquïpan.
Marcanquir juesanacasti kollke chilltayasipjjaraquejja, sacerdotenacasti kollke laycuquiraquiw yatichapjje, profetanacasti profecía arunacapjja aljapjjaraquiwa; ucatsti parlapjjaraquiwa Tatitojj jupanacampïcaspa uqhama, sapjjaraquiwa: ‘Tatituw jiwasampïsqui, janiw cuna jan walis pasquistaspati’ sasa.
Jake, Tatitojj sistamwa, cunatejj asquïqui ucjja, uqhamarac cuntejj jupajj jumatjja suyqui ucsa; jumajj chekapäqui uc luram, qhuyapayasiriraquim, uqhamarac Tatit Diosamarus alt'at chuymamampirac jaysam.
Take ch'aman Diosasti siwa: “Nayaw jumanacaru juchañchiri jutä. Uca quipcaraquiw nayajj testigot sayt'ä qhitinacatejj laykasipqui, yakha warminacampi sarnakapqui, c'ari juramento lurapqui, irnakerinacarusa jan pagapquiti, ijmarus wajcharus jachayapqui, yakha marcat jutir jakenacarus jan wal uñjapqui, uqhamaraqui jan ajjsarapquituti take ucanacjjarojja.”
“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacajj jisc'a achunacatwa diezmo churapjjtajja, menta, anís, comino ucanacata, ucampis janiw jaysapctati cunatejj leyinjja wali asquïqui ucjja. Cawquïritejj chekäqui, qhuyapayasiñäqui, iyawsañäcaraqui ucjja apanucupjjtawa. Acanacawa lurapjjañamänjja, maya lurañanacjja jan jaytanucusa.
Jan ucasti cheka cancañampiw uñjaraqui wajcharusa, viuda warmirusa, uqhamaraquiwa muni, mank'ayaraqui, isi churaraqui, jumanac taypin jacqui uca yakha marcat jutir jakerusa. Jumanacasti Egipto marcanjja yakha marcanquirïpjjaraquïyätawa.
“Jan lurapjjamti cunatejj jan chekäqui ucanacjja, yakha marcat jutir jakenacampi ni wajchanacampisa, ni viuda warmin isipsa prendatjja catupjjamti.
“Cawquïri israelit jaketejj jilaparu munquir jan munquir esclavor tucuyañataqui, jan ucajj aljañatac imantquiri catjatäni, ucasti juchañchasin jiwayatäniwa, uqhamat jumanac taypita ñankha lurir jakenac tucjañataqui.
“Cunapachatejj yakhepanacajj ch'ajjwañana sarnakapjjani, ucanacajj tribunalaruwa uñstapjjañapa, juezanacan uñjañapataqui, ucatsti juezanacaw cawquïritejj juchanïqui ucarojj juchañchascani, jan juchanïqui ucarus janirac juchañchcaniti.
‘Maldicitäpan cawquïritejj mä yakha marcat jutir jakeru, mä ijmarusa, uqhamaraqui mä wajcharus jan cheka cancañampi uñjirejja.’ Ucatsti takpach marcaw saraquini: ‘Uqhamäpan’ sasa.
Cuna Diosar arcañatejj k'omäqui chekapäcaraqui Dios Awqui nayrakatan ucajj acanacawa: Wajchanacaru, ijmanacaru, llaquitanacaru yanapt'aña, ucatsti janiraqui acapach k'añu lurañanacampejj k'añuchasiña ucawa.