Jeremías 7:23 - Qullan Arunaca

²³ Ucampisa jupanacarojj saraquïyätwa nayaru ist'apjjañapa; uqhamatwa nayajj jupanacan Diosapäyäjja, jupanacasti nayan marcajjaraquïniwa sasa. Ucatsti saraquïyätwa cunjämtejj nayajj siscta uqhamar sarnakapjjañapa, uqhamat take cunas sumaqui sarañapataqui.

Aymar Bibliia 1986

²³ Ucampisa jupanacarojj saraquïyätwa nayaru ist'apjjañapa; uqhamatwa nayajj jupanacan Diosapäyäjja, jupanacasti nayan marcajjaraquïniwa sasa. Ucatsti saraquïyätwa cunjämtejj nayajj siscta uqhamar sarnakapjjañapa, uqhamat take cunas sumaqui sarañapataqui.

Qullan Arunaka DC

²³ Ukampis jupanakarux nayar ist'apxañapatakiw mayta; ukhamat nayax jupanakan Diosapïrista, jupanakasti nayan markaxarakïspa sasa. Ukatsti sarakïyätwa kunjämtix nayax siskta ukarjam sarnaqapxañapa, ukhamat taqi kunas sumak sarañapataki.

Jeremías 7:23 Jak'a apnaqawi uñst'ayäwi

Job 36:11

Jupanacatejj Diosaru ist'apjjanejja, jaysapjjaraquinejja, cusisiñata, sumancañampita cusisisaw sapüru sarnakapjjani.

Salmos 119:3

jan cuna ñankha luririnacasa, Tatitun thaquipan sarnakerinacas cusisiñaniraquiwa.

Salmos 40:6

Janiw jumajj wilañchanacampejj cusisctati, janiraquiw loktanacas cusisiyctamti, janiw juch pampachañataquejj wilañchanac mayctati, ucatsipan nayarojj jinchunacajj jist'arista;

Salmos 81:13

Marcajjatejj ist'itasapänjja, Israel marcatejj thaquejjanjam sarasapänjja,

Éxodo 15:26

Saraquïnwa: “Jumanacatejj naya Tatitu Diosaman arunacajja suma ist'apjjäta, ucat munañajjarjam lurapjjaraquïta, uqhamarac camachinacajjarusa, leyinacajjarusa phokhapjjaraquïta ucqhajj janiw cawquïr usunactejj egipcionacar apaycta ucanacampejj t'akhesiyapcämati. Nayätwa jumanacar c'umarachir Tatitumajja” sasa.

Éxodo 16:32

Ucat Moisesajj saraquïnwa: —Tatitusti aqham siwa: ‘Jumanacasti mä phuqhurojja pä litro maná t'ant'a uchapjjam, ucatsti imapjjam wawanacaman wawanacapataqui, jupanacajja uñjapjjañapataqui, nayasti Egiptot apsunisasti wasaranjja cuntejj jumanacaru mank'ayapcsma uca’ sasa.

Isaías 3:10

Ucampis cusisiñaniw asqui jakejja, jupataquisti take cunas waliquïscaniwa. Asqui luratanacapatsti cusisiraquiniwa.

Jeremías 11:4

Uca arust'äwsti, nayra awquinacapampiw lurta, cunapachatejj Egiptot apsuncäyäta ucapacha, uca marcasti jupanacataquejj hierro umatatayañ hornjamänwa, saraquïyätwa: Nayaru ist'apjjeta, cuntejj nayajj sapcäma take ucanac phokhapjjam, uqhamat jumanacajj nayan marcajjäpjjäta, nayasti jumanacan Diosamaraquïyäwa.

Jeremías 11:7

Cunapachatejj awquinacaparu Egiptot apsuncäyäta ucapachasti saraquïyätwa, nayaruc jaysapjjeta sasa, ucatpacha jichhacamasti ucjja sascaquipuntwa.

Jeremías 13:11

Cunjämatejj mä cinturonajj cinturaru muyuntayasitajja, uqhamaraquiw Israel marcasa, Judá marcasa nayan jac'ajjanjja, nayan marcajjäñapataqui, sutejja yatiyapjjañapataqui, jach'a cancañajja, jach'ar aptatäña. Ucampisa janiw ist'apquituti. Naya Tatituw ucjja arsta.

Jeremías 22:21

Cunapachatejj jumajj wali suma sarnakascäyäta ucapachaw nayajj jumarojj parlsma, ucampis janiw ist'añ munctati. Wayna cancañamatpacha uqhampuniw sarnaktajja; ¡arunacajj ist'añsti janipuniw munctati!

Jeremías 22:3

Aca chekansti cunatejj chekapäqui, uqhamaraqui asquïqui uca lurapjjam, t'akhesiyatarusti t'akhesiyiripat khespiyapjjam, yakha marcat jutirinacarusti janiraqui jisc'achapjjamti, ni cuna jan walsa lurapjjaraquimti, wajchanacarusa, ijma warminacarusa. Jan juchani jakenacarusti janiraqui jiwayapjjamti.

Jeremías 24:7

Jupanacarusti mä suma amuyu churaraquï nayan Tatitütajja yatipjjañapataqui; jupanacasti marcajjäniwa, nayasti jupanacan Diosaparaquïyäwa, nayaru take chuymampi cuttanjjapjjatapata.

Jeremías 31:33

Cuna arust'äwtejj qhaya urun Israelampi lurcä ucajj aqhamäniwa: Nayan leyinacajjsti chuymanacaparuw uscü, p'ekenacaparuw kellkantaraquï. Nayasti jupanacan Diosapäyäwa, jupanacasti nayan marcajjaraquïniwa. Naya Tatituw ucjja arsta.

Jeremías 32:23

Ucampisa cunapachatejj jupanacajj aca orakeru mantanipjjän ucapachasti, aca oraksa catuntasipjjän ucapachasa, janiw jumarojj ist'apcäyätamti, uqhamaraqui cuna arunactejj siscäyäta ucanacsa janiw phokhapcaraquïyätamti, take cuntejj jumajj jupanacaru siscäyäta uca arunacsti janiw catokapcänti. Ucatwa jichhajj take aca t'akhesiñanac apayantajja.

Jeremías 38:20

Jeremiasasti ucjjarojj saraquïnwa: —Juma jach'a reyejj janiw jupanacan amparaparu jalt'cätati. Jach'a rey, jumajj jaysam Tatitun arunacaparu cuntejj nayajj jumaru yatiycsma uca arunacaru, ucapachasti take cunas waliquïscaquiniwa, janiw jiwayatäcaraquïtasa.

Jeremías 42:6

Walïnisa, jan walïcanisa jupan arunacapajja, Tatitu Diosasarupuniw jiwasajj jaysañäni, qhitirutejj jichhajj maqhatctan ucaru uqhamat take cunas jiwasataquejj walt'añapataqui —sasa.

Sofonías 3:2

“Janiw Diosan aruparojj ist'cänti, janiraquiw chekachäwi arunacsa ist'añ muncänti, janiraquiw Diosaparus confiascänti, janiraquiw juparus jac'achascaraquïnti.

Zacarías 6:15

Jayanacatpachwa jakejj jutapjjani wasitat Tatitun templop sartayaña yanapt'añataqui; ucqhaw jumanacajj uñt'apjjätajja take ch'amani Tatitun nayaru qhitanitapjja. Ucasti lurasiniwa cunapachatï jumanacajj Tatitu Diosaman arupa ist'apjjäta, iyawsapjjaraquïta ucapacha.

Zacarías 7:7

¿Acasti janiti Tatitun nayra profetanac toke arsuta arunacapäquisti, cunapachatï Jerusalenajj sumancascäna, jakens phokt'atäscaraquïna, uqhamaraqui muyuntatäcäna uca marcanacasa, Néguev sata pampanacasa?

Romanos 16:26

Jichhasti take acanacajj khanañchasiwa Kellkatanac toke, cawquïrinactejj profetanacajj jaytawaycatayna wiñay Diosan arunacaparjama uca. Aca jan uñt'at yatichäwisti khanañchasiwa take jakenacajj juparu iyawsapjjañapataqui, jaysapjjañapataquiraqui.

2 Corintios 10:5

Uqhampï nanacajj t'unjapjjtjja Dios contra jan wali parlanac utjatapjja, uqhamarac Diosan arunacapajj jan uñt'atäñapataqui jarc'quis uca arunacarusa. Take jakenacan amtatanacapsa Cristoruquiw catuyapjjta, ucanacajj juparu ist'apjjañapataqui.

Deuteronomio 11:27

Bendicionsti catokapjjätawa, jumanacatejj Tatitu Diosaman camachi arunacapa phokhapjjäta, cawquïrtejj jichha urun churapcsma ucanaca, ucapacha;

Deuteronomio 13:4

Tatitu Diosama saparuqui arcapjjam, jach'añchapjjaraquim, ist'apjjaraquim camachi arunacapsa, jaysapjjam juparu ucatsti yupaychapjjaraquim, uqhamaraqui juparu chict'atapuni jacapjjaraquim.

Deuteronomio 13:5

Uca visionanac uñjir profetasti jiwayatäniwa jumanacaru Tatitu Diosam contra sartasina amtayatap laycu, cawquïri Diosatejj jumanacaru Egipto marcat esclavo sarnakañat khespiyanipjjtam, ucatsti Tatitu Diosaman thaquipat jithektayañ munatapata. Uqhamatwa saphitpacha jiq'inucupjjäta jumanac taypitjja take jan wali luräwinacjja.

Deuteronomio 30:2

Tatiturutejj cutcatäta, take chuymamampi, take jacañamampi ist'araquïta, jumanacasa, takpach wawanacamasa, cunjämtï jichhajj ewjjapcsma,

Deuteronomio 30:20

Tatitu Diosamarusti munapjjam, ist'apjjaraquim, suma iyawsañampi arcapjjaraquim, jacañajj jupat jutatap laycu, jumanacan walja maranac jacapjjañamataqui, cawquïri oraktï Tatitu Diosajj arupampi arsusin Abrahamaru, Isaacaru, uqhamarac Jacob awquinacamaru churä siscatayna ucanjja.”

Deuteronomio 30:8

Jumanacasti Tatituruw cuttanjjapjjäta ist'apjjaraquïta, uqhamarus cuntejj jichhürun ewjjapcsma uca camachi arunacarjamaraqui sarnakapjjäta.

Deuteronomio 4:10

“Cunapachatï jumanacajj Diosan nayrakatapan jicjjatasipjjäyäta Horeb kolluna ucqhajj, Tatitojj nayarojj sitänwa: ‘Tantachthapim takpach marcaru arunacajj ist'apjjañapataqui, uqhamaraqui ajjsarapjjañapataqui jacañ urunacapana, ucatsti wawanacapar quipca yatichapjjañapataqui’ sasa.

Deuteronomio 4:40

Phokhapjjam jichhüruna cawquïri leyinaca, camachinactï churapcsma ucanaca, ucatsti sumaquiw sarnakapjjäta, jumanacasa, wawanacamasa, uqhamaraqui walja maranacaw jacapjjäta cawquïri oraktï Tatitu Diosajj churapcätam ucanjja.”

Deuteronomio 5:16

‘Awquimaru, taycamaru jach'añcham, cunjämtï Tatitu Diosamajj ewjjawayctam uqhama, uqhamata walja maranaca jacañamataqui aca Diosan churat orakena.

Deuteronomio 5:29

¡Inampich jupanacajj uqham amuyunïpjjaspa, ucatsti jach'añchapjjetaspa, take urunacana camachinacajjsa phokhapjjaraquispa, uqhamatwa wawanacapasa, jupanacasa wiñayataqui sum sarapjjaspa!

Deuteronomio 5:33

Sarapjjamay cawquïri thactï Tatitu Diosajj uñacht'ayapctam ucanjama, uqhamata sum sarañanacamataqui, walja maranaca jacapjjañamataquiraqui cawquïri oraktï Tatitu Diosajj churapcätam ucana.

Deuteronomio 6:3

Uca laycu ist'apjjam israelit jakenaca, ch'amañchasipjjaraquim uca arunac phokhañataqui. Uqhamatwa cusisita sarnakapjjäta, ucatsti mä jach'a marcaw uca oraken tucupjjaraquïta, cawqhantï leches misq'is umjam jalasqui, cunjämatï awquinacaman Diosapajj arupampi arsuwaycän uqhama.

Hebreos 5:9

Uqhama suma tucuyatäsinjja wiñay khespiyasiñ chuririw tucu take jupar jaysirinacarojja;

1 Samuel 15:22

Ucat Samuelojj saraquïna: “Tatitutaquejj arsutanacapar phokhañaw juc'ampi sumajja, sacrificionaca, uqhamarac holocaustonaca loktañat sipansa; arsutap phokhañaw, uqhamarac jupar ist'añawa sumajja, ovej liq'inaca sacrificiot loktañat sipansa.