Proverbios 6:17 - Qullan Arunaca

¹⁷ Jach'a jach'a tucuñanacaru, c'ari parlañanacaru, jan juchani jake jiwayañanacaru,

Aymar Bibliia 1986

¹⁷ Jach'a jach'a tucuñanacaru, c'ari parlañanacaru, jan juchani jake jiwayañanacaru,

Qullan Arunaka DC

¹⁷ Jach'a jach'a tukuñanakaru, k'ari parlañanakaru, jan juchan jaqi jiwayañanakaru,

Proverbios 6:17 Jak'a apnaqawi uñst'ayäwi

2 Reyes 21:16

Manasés reyejj Judá marcar juchanac luraycäna, uqhamarac jupan jan wali luratanacapatsa Tatitun nayrakatapana ucanacat ucjjarojja, Jerusalenanjja walja jan juchaninacan wilanacapwa wartäna, mä thiyata mä thiycama uca lurañanacamp phokhantasa.

2 Reyes 24:4

uqhamarac jan juchan wila wartatap laycuraqui; ucatsti uca lurañampiraqui Jerusalenar phokhantatapata. Ucatwa Tatitojj jan juc'amp perdonañ muncänti.

Salmos 10:4

Ñankha lurir jakejj, jan p'enkanpachaw arsu: “Janiw Diosajj utjquiti, janiw qhitis luratajjat camsquitaniti” sasa. Uqhamac jupajj amuyi.

Salmos 101:5

Jamasat jake masipjjat parlirirojj amuct'ayäwa; uñch'uquisir jakempiru, jach'a jach'a tucurimpirojj janiw alekac uñcatcäti.

Salmos 131:1

Tatay chuymajjajj janiw inampst'irïquiti, janiraquiw nayranacajjas jach'a jach'a tucurïquiti, janiw muspharcañ jach'a yänacan khepap sarcti, ucanacan jan nayatacjamätap laycu.

Salmos 18:27

Jumaw t'akhesiyat jakenacarojj khespiytajja, jach'a jach'a tucurinacarusti jisc'achtawa.

Salmos 31:18

C'arisir lajjranacajj amutur tucupjjpan, asqui jakenacar chuym usuyapjjatapata, jach'achasiñampi, jisc'achasiñamp uñjapjjatapata.

Salmos 5:6

c'arinacarojj t'unjtawa; ch'ojjña chuyman jakenacampiru, jake jiwayirinacampirojj uñisnuctawa.

Salmos 5:7

Ucampis nayajj jach'a munasiñam laycuw kollan utamarojj mantä, kollan utam mankhansti alt'at chuymampiw yupaychäma.

Proverbios 1:11

Inas sapjjaracchïtam ‘Jutam, nanacampi chica sararaquim, ucatsti munañasaru mä sipita waquichañäni, mä qhiti jan juchani pasasquiri jakeru jiwayañataqui.

Proverbios 1:16

Jupanacasti janc'aquiwa ñankha lurañ munapjje, ¡masinacaparus janc'aquiw jiwayañsa munapjjaraqui!

Proverbios 12:22

Tatiturojj c'ari parlirinacajj ajjtasiyiwa, ucampis cheka parlirinacajja cusisiyiwa.

Proverbios 14:5

Cheka testigojj janiw c'arisquiti, ucampis c'ari testigojja c'arinaca arsu.

Proverbios 16:5

Jach'a jach'a tucur jakenacarojj uñisiwa; jupanacasti mutuyatäpjjaniwa.

Proverbios 17:7

Jan amuyt'an jaketaquejja janiw sumäcaspati suma arunac parlañapajja, janiraquiw mä jilïri jaken c'ari arunaca parlañapas sumäcaraquispati.

Proverbios 21:4

Jach'a jach'a tucuñasa, amtañasa, jan walinac lup'iñasa, juchawa.

Proverbios 26:28

C'ari jakejj chekarojj uñisiwa; koña sallka aruni jakesti jan walt'añanacwa sartayi.

Proverbios 28:17

Qhititejj jake jiwaycani ucajja, jiwañcamaw imantasiñatac jalnakascani. ¡Uca jakerojj jan qhitis jarc'panti!

Proverbios 30:13

Yakhep jakenacajj jach'a jach'aw tucupjje, ucatsti mayninacarojj jisc'achañampiw uñjapjje.

Proverbios 6:16

“Tatitojj sojjta jan walinacaruw uñisi; ucat juc'ampisa pakallkcama:

Isaías 1:15

Cunapachatejj jumanacajj amparanacam loktasa mayisinipjjetäta ucapachajj, nayajj janiw jumanacar uñtanipcämati; oracionanaca walja lurasipcäta ucapachajj, janiw nayajj ist'apcämati. Amparanacamajj wilararcamaquiwa.

Isaías 2:11

Jach'a jach'a tucur jakenacasti alt'atäpjjaniwa, jach'a ch'aman tucur jakenacasti alt'ayataw uñjasipjjani. Uca urusti Tatituquiraquiw jach'a cancañap uñacht'ayani.

Isaías 3:16

Tatitusti saraquiwa: “Sionanquir jach'a jach'a tucur warminacarusti, qhitinacatejj p'eksa alayar waytasa sarnakapqui, jisc'achañ chuymampi uñtasa, jisc'a jisc'ar chellktasa cunanacampi c'achachatäquitejj cayunacapas ucanac chhullokeyasa.

Isaías 3:9

Juparusti pachpa uñnakatapaw juchañchasqui. Juchanacapsti janiraquiw imt'asipquiti, Sodoma marcjamaraquiw takeniru yatiyapjje. ¡Ay jupanacataqui, jupanacpacharaquiw mutuyäwi waquichasisipqui!

Jeremías 26:15

Ucampisa acjja suma yatipjjaraquim: Jumanacatejj nayaru jiwayapjjetätajja, ucapachajj take aca marcanquir jakenacasa, jumanacasa juchañchatäpjjätawa mä jan juchani jakeru jiwayapjjatanacamatjja, khanpachansa Tatitojj nayaru qhitanitapata take acanaca khana jumanacaru yatiyañajjataqui.”

Juan 8:44

Jumanacan awquimajj Supayawa, jumanacajj Supayancapjjtawa. Cuntejj jupajj munqui ucwa lurapjjaractajja. Supayajj kalltatpacha jake jiwayiriwa. Janiw cunapachas jupajj chek parlquiti, jupajj c'arïtap laycu. Cunapachatejj c'arinac parlqui ucqhajja jupatacwa parlasqui, c'arïtap laycu, uqhamarac c'arin awquipätap laycuraqui.

Deuteronomio 19:10

Uqhamatwa jan juchan jaken wilapajj jan wartascaniti, aca cawquïri oraktejj Tatitu Diosamajj churapctam ucanjja, janiraquiwa jumanacarojj cuna jiwayatatsa juchañchapcätamti.

Deuteronomio 27:25

‘Maldicitäpan cawquïritejj kollke apakasisin mä jan juchani jakeru jiwaycani ucajja.’ Ucatsti takpach marcaw sani: ‘Uqhamäpan’ sasa.

1 Pedro 5:5

Uqhamaraqui, jumanacajj waynanaca, jilïri chuymaninacarojj ist'apjjam. Takeniw maynit mayniru ist'asipjjañama llamp'u chuymampi: “Diosajj jach'a jach'a tucurinacarojj jisc'achiwa, llamp'u chuymaninacarusti munasiñapanjja yanaparaquiwa.”

Apocalipsis 22:15

Ucampis ankaruw kheparapjjani jan wali sarnakerinacasa laykasirinacasa, wachoka juchan sarnakerinacasa, jake jiwayirinacasa, yakha diosanacar yupaychirinacasa, uqhamarac take sallkjirinacasa.