Éxodo 22:21 - Qullan Arunaca

²¹ “Jaya marcanquir jakerusti janiw nuwätati, ni llaquisiyätasa, jumanacasti uca quipca jaya marcanquir jakenacäpjjaraquiyätawa Egipto marcanjja.

Aymar Bibliia 1986

²¹ “Jaya marcanquir jakerusti janiw nuwätati, ni llaquisiyätasa, jumanacasti uca quipca jaya marcanquir jakenacäpjjaraquiyätawa Egipto marcanjja.

Qullan Arunaka DC

²¹ 21 (20) “Janiw yaqha markat jutir jaqirux t'aqhisiyätati, janirakiw llakisiyätasa, jumanakax Egipto markan yaqha markankir jaqinakäpxarakïyätawa.

Éxodo 22:21 Jak'a apnaqawi uñst'ayäwi

Job 6:27

¡Jumanacajj wajcharus jiwayirjamäpjjtawa, pachpa jake masimarusa jumanacajj aljantirjamäpjjtawa!

Salmos 146:9

Tatituw yakha marcanquir jakenacarojj uñji, wajchanacampir ijma warminacampiruw uywi, ñankha lurir jakenacataquisti thaquip chhaktayi.

Éxodo 20:2

“Nayätwa juman Tatitu Diosamajja, nayaw Egiptotjja apsunsma cawqhantejj sirviñampi t'akhesiscayäta ucqhatjja.

Éxodo 23:9

“Janiraquiw jaya marcanquirirojj t'akhesiyätati, jumanacasti Egiptonjja jaya marcanquir jakenacäpjjaraquiyätawa uca laycusti yatipjjtawa yakha marcanjja cunjämatejj jacañäqui ucjja.

Isaías 1:17

¡Asqui lurañanac yatekapjjam, cunatejj chekapäqui uca lurañanacaruraqui ch'amachasipjjam, t'akhisiyatanacarusti arjjatapjjam, wajchanacarusti chekapar uñjapjjam, ijma warminacatsti arjjatasipjjaraquim!”

Jeremías 22:3

Aca chekansti cunatejj chekapäqui, uqhamaraqui asquïqui uca lurapjjam, t'akhesiyatarusti t'akhesiyiripat khespiyapjjam, yakha marcat jutirinacarusti janiraqui jisc'achapjjamti, ni cuna jan walsa lurapjjaraquimti, wajchanacarusa, ijma warminacarusa. Jan juchani jakenacarusti janiraqui jiwayapjjamti.

Jeremías 7:6

janiraqui yakha marcat jutirinacarus sinti irnakayapjjätati, ni wajchanacarusa, ni ijmanacarusa, ni jan juchani jakenacarusa aca chekanjja jiwayapjjätati, ni yakha diosanacarusa yupaychapjjaraquïtati, ucanacampisti jumanacpachaquiw aynacht'apjjasmajja.

Ezequiel 22:7

Jakenacamasti janiwa awquinacaparusa, taycanacaparusa suma uñjapcaraquiti, yakha marcat jutiri jakenacarusa ñankhachapjjaraquiwa, wajchanacarusa, ijma warminacarusa inaquiw irnakayapjje.

Levítico 19:13

“Janiraqui jake masima contrajj ch'amampiqui sayt'asimti, janiraqui cunatejj jupancqui ucsa aparamti. Irnakerina pagopsti janiraqui khepürcama apjjäsimti.

Levítico 19:33

“Jaya marcat jutiri jakenacarusti cawquïrinacatejj jumanac taypin jacani ucarusti janipuni t'akhesiyapjjamti. Jumanacat maynïrïcaspasa uqhama uñjapjjam; juparusti munapjjaraquim jupajj jumanacjama jakëtapa laycu. Uqhamarusa jumanacajj Egiptonjja jaya jakenacäsipcaraquïyätawa. Nayätwa jumanacan Tatitu Diosamajja.

Levítico 25:35

“Mayni marca masimatejj aynacht'ata uñjasini, ucat juman ucaru jutaraquini yanapa mayiñataqui, ucapachasti jaya marcat jutiri jakëcaspasa uqhamwa catokäta, jupsti utamaruw catokaraquïta.

Zacarías 7:10

Jan t'akhesiyapjjamti ijmanacarojja, ni wajchanacarusa, ni yakha marcanquirinacarusa, ni pobrenacarusa. Janiraqui lup'ipjjamsa maynit maynicam jan wali lurasiñatsa.”

Malaquías 3:5

Take ch'aman Diosasti siwa: “Nayaw jumanacaru juchañchiri jutä. Uca quipcaraquiw nayajj testigot sayt'ä qhitinacatejj laykasipqui, yakha warminacampi sarnakapqui, c'ari juramento lurapqui, irnakerinacarusa jan pagapquiti, ijmarus wajcharus jachayapqui, yakha marcat jutir jakenacarus jan wal uñjapqui, uqhamaraqui jan ajjsarapquituti take ucanacjjarojja.”

Deuteronomio 1:16

Uca quipcaraquiwa juezanacarus aca ewjjanac churayäta: ‘Takeniruraqui sum uñjapjjam, sapakat mayniruraqui suma cheka cancañampi uñjapjjam, marca masi jakenacamaru uqhamarac yakha marcat jutir jakenacarusa;

Deuteronomio 10:18

Jan ucasti cheka cancañampiw uñjaraqui wajcharusa, viuda warmirusa, uqhamaraquiwa muni, mank'ayaraqui, isi churaraqui, jumanac taypin jacqui uca yakha marcat jutir jakerusa. Jumanacasti Egipto marcanjja yakha marcanquirïpjjaraquïyätawa.

Deuteronomio 10:19

Jumanacasti munasiñ chuymampiya qhuyapayapjjam yakha marcat jutir jakerojja, jumanacas yakha marcat jutir jaket uñt'atäpjjaraquïyätaw Egipto marcanjja uca laycu.

Deuteronomio 15:15

Janirac Egipto marcan esclavo sarnakatamjja armasimti, ucatsti Tatitu Diosamaw khespiyaniractam. Ucatwa jichhajj jumaru aca ewjjanaca chursma.

Deuteronomio 23:16

Kheparpan jumanac taypin jacañapataqui, cawquïri marcjjay ajllischini, cawqhan jacañjjay thakhaschini, ucatsti janiraquiw qhitis cunsa sañapäquiti.

Deuteronomio 23:7

“Ucat sipansa janiw jumanacajj edomitas sat jakenacarojj jisc'achapjjätati jupanacajj jumanacan familianacamätap laycu.

Deuteronomio 24:17

“Jan lurapjjamti cunatejj jan chekäqui ucanacjja, yakha marcat jutir jakenacampi ni wajchanacampisa, ni viuda warmin isipsa prendatjja catupjjamti.

Deuteronomio 27:19

‘Maldicitäpan cawquïritejj mä yakha marcat jutir jakeru, mä ijmarusa, uqhamaraqui mä wajcharus jan cheka cancañampi uñjirejja.’ Ucatsti takpach marcaw saraquini: ‘Uqhamäpan’ sasa.