Éxodo 22:21 - Qullan Arunaka DC

²¹ 21 (20) “Janiw yaqha markat jutir jaqirux t'aqhisiyätati, janirakiw llakisiyätasa, jumanakax Egipto markan yaqha markankir jaqinakäpxarakïyätawa.

Aymar Bibliia 1986

²¹ “Jaya marcanquir jakerusti janiw nuwätati, ni llaquisiyätasa, jumanacasti uca quipca jaya marcanquir jakenacäpjjaraquiyätawa Egipto marcanjja.

Qullan Arunaca

²¹ “Jaya marcanquir jakerusti janiw nuwätati, ni llaquisiyätasa, jumanacasti uca quipca jaya marcanquir jakenacäpjjaraquiyätawa Egipto marcanjja.

Éxodo 22:21 Jak'a apnaqawi uñst'ayäwi

Job 6:27

¡Jumanakax wajcharus jiwayirjamäpxtawa, pachpa jaqi masimarus jumanakax aljantirjamäpxtawa!

Salmos 146:9

Tatituw yaqha markankir jaqinakarux imi, wajchanakampiru, ijma warminakampiruw uywi, ñanqha lurir jaqinakatakisti thakhip chhaqtayi.

Éxodo 20:2

“Nayaw juman Tatit Diosamätxa, nayaw Egipto uraqit irpsunsma, t'aqhisiyat jikxataskäyät uka markata.

Éxodo 23:9

“Yaqha markankir jaqir janiw t'aqhisiyätati, jumanakasti Egipton yaqha markankir jaqinakäpxäyätawa, kunjämäkitix yaqha markan jakañax uk jumanakax yatxapxtawa.

Isaías 1:17

¡Aski lurañanak yatiqapxam, kunatix chiqapäki uka lurañatak ch'amachasipxam, t'aqhisiyatanakarus yanapt'apxam, wajchanakarus chiqapar uñjapxam, ijma warminakarus arxatapxarakim!”

Jeremías 22:3

Aka chiqansti kunatix chiqapäki, askïkaraki uk lurapxam, t'aqhisiyatarusti t'aqhisiyiripat qhispiyapxam, yaqha markat jutirinakarusti jan jisk'achapxamti, wajchanakaru, ijma warminakarus janirak kuna jan walsa lurapxamti. Jan juchan jaqinakarusti jan jiwayapxamti.

Jeremías 7:6

yaqha markat jutirinakarusa, wajchanakarusa, ijmanakarus jan sinti irnaqayapxamti, jan juchan jaqinakarus aka chiqanxa jan jiwayapxamti, yaqha diosanakarutix yupaychasipkakïta ukkhax, jumanakpachaw aynacht'apxäta,

Ezequiel 22:7

Jaqinakamasti janiw awkiparusa, taykaparusa suman uñjapkiti, yaqha markat jutiri jaqinakarus ñanqhachapxiwa, wajchanakarusa, ijma warminakarus inakiw irnaqayapxi.

Levítico 19:13

“Jan jaqi masimarux ch'amampiki saykatamti, kunatix jupankki uksa janirak aparamti. “Irnaqirin irnaqatapat qawqhatix churañäki uk janirak qhipürkam apxäsimti.

Levítico 19:33

“Yaqha markat jutir jaqinakaru, khitinakatix jumanak taypin jakki ukanakarusti janipun t'aqhisiyapxamti.

Levítico 19:34

Jumanakat maynïrïkaspas ukham uñjapxam; jupanakarux jumanakjam jaqïtapat munasipxam. Ukhamarus jumanakax Egiptonxa, jaya markat jutir jaqinakjamäpxayätawa. Nayätwa jumanakan Tatit Diosamaxa.

Levítico 25:35

“Mayni marka masimatix aynacht'at uñjasini, ukat juman ukar yanap mayir jutani ukasti, jaya markat jutir jaqïkaspas ukham utamarux katuqäta.

Zacarías 7:10

Ijma warminakarusa, wajchanakarusa, yaqha markat jutirinakarusa, jan kunaninakarusa, jan t'aqhisiyapxamti. Janirak maynit maynikam ñanqhachasiñsa lup'ipxamti” sasa.

Malaquías 3:5

Taqi ch'aman Tatitux siwa: “Nayaw jumanakar taripir jutä. Ukhamarus nayax uñjkta ukanak arsü khitinakatix layqasipki, yaqha warminakamp sarnaqapki, k'ari juramento lurapki, irnaqirinakarus sallqjapki, ijmanakarusa, wajchanakarus jachayapki, yaqha markat jutir jaqinakarus jan wal uñjapki, nayarus jan axsarapkituti ukanakatakiw arsurakï.

Deuteronomio 1:16

Ukhamarusa, jumanakan ajllit taripirinakarux aka arunak iwxarakta: ‘Taqinir sum uñjapxam, marka masinakamaru, yaqha markat jutir jaqinakarusa, sapaqat maynir suma chiqa kankañamp uñjapxarakim;

Deuteronomio 10:18

Jupasti chiqa kankañampiw wajcharusa, ijmarusa uñji, jumanak taypin jakki uka jan uñt'at jaqirux munasiwa, manq'ayiwa, isi churaraki.

Deuteronomio 10:19

Jumanakasti munasiñ chuymampiy yaqha markat jutir jaqirux khuyapayapxam, jumanakax Egipto markan yaqha markankir jaqjam sarnaqapxatam layku.

Deuteronomio 15:15

Janiw jumax Egipto markan t'aqhisiyat sarnaqatam armasïtati, Tatit Diosamaw qhispiyantam. Ukat nayax jumar aka iwxanak chursma.

Deuteronomio 23:16

16 (17) Jan ukasti jumanak taypin jakayapxäta, kawkïr markantix jupax jakañatak ajlliskani uka markana, jumanakasti jupar sum uñjapxäta.

Deuteronomio 23:7

7 (8) “Ukampisa janiw jumanakax edomita sat jaqinakarux jisk'achapxañamäkiti, jupanakax jumanakan wila masinakamawa; janirakiw egipcionakar jisk'achapxañamäkiti, jupanakan markapan jumanakax jakapxäyätaxa;

Deuteronomio 24:17

“Janiw yaqha markat jutir jaqinakarusa, wajchanakarus t'aqhisiyapxätati, janirakiw mayt'asir ijma warmitsa isipa apaqätati.

Deuteronomio 27:19

“ ‘Ñanqhachatäpan yaqha markat jutir jaqiru, mä ijmaru, mä wajcharus jan chiqa kankañampi uñjir jaqixa.’ Uka arsutarusti taqpach markaw sani: ‘Ukhamäpan’ sasa.