Joel 3:19 - Qullan Arunaca

¹⁹ Egiptojj k'alaw tucusini, Edom orakesti wasarar tucuyataraquïniwa, Judá marcan utjasir jakenacar nuwapjjatap laycu, uqhamarac marcapansa jan juchan jaker jiwayapjjatapata.

Aymar Bibliia 1986

¹⁹ Egiptojj k'alaw tucusini, Edom orakesti wasarar tucuyataraquïniwa, Judá marcan utjasir jakenacar nuwapjjatap laycu, uqhamarac marcapansa jan juchan jaker jiwayapjjatapata.

Qullan Arunaka DC

¹⁹ 19 (19) Judá markankir jaqinakar nuwapxatapata, markapan jan juchan jaqinakar jiwayapxatapatxa, Egipto markax ch'usa laqayanakar tukuyatäniwa, Edom uraqisti ch'usa wasarar tukuyatarakïniwa.

Joel 3:19 Jak'a apnaqawi uñst'ayäwi

Salmos 137:7

Tatay, Edom orakenquir jakenacan arsutap amtam. Jerusalén marcajj aynacht'cän ucürojj sapjjänwa: “T'unjapjjam, saphitpach tucjapjjam” sasa.

Isaías 11:14

Panpachaniraquiw inti jalanta toker sarapjjani ucatsti filisteonacar khepäjjat liwinucupjjaraquini; inti jalsu tokenquir marcanacarusti panpachaniw kamir cancañapjja aparapjjani. Jupanacan ch'amanacapasti Edom, uqhamaraqui Moab sisqui ucacamaw purini, amonitanacarusti jupanacaw apnakapjjaraquini.

Isaías 11:15

Tatitusti jupanacataquejj Mar Rojo kota chekwa thacjja jist'arani; Eufrates jawirjjaruraquiw amparapjja loktanini, mä jach'a thaywa thayt'ayaniraquini, pakallko lokanacaruraquiw jaljani, ucatsti jan wisqhunacap apsusisaraquiw maqhatapjjani.

Jeremías 49:17

Tatitojj siwa: “Edom marcan t'unjatäñapajj wali jach'äniwa, ajjsarcañaraquïniwa. Take qhitinacatejj uca cheka pasapcani ucanacasti wali sustjasipjjani uca mutuyäwip uñjasajja, Sodoma, Gomorra sat marcanacjamaraquïniwa, uca jac'anacanquiri marcanacjamaraquïniwa, cunapachatejj t'unjatäpcän uqhama. Janiraquiw qhitis uca marcanacanjja jaccjjapjjaniti, ni sarcamayasa ucan utjcjjapjjaniti.

Lamentaciones 4:21

¡Edom marca, jichhajj larusim, cusisiraquim; Uz sat oraken apnakeri! ¡Jumarojj t'akhesiña umañajj wact'araquïtamwa, ucatsti k'alala, machjataw uñjasiraquïta!

Abdías 1:1

Tatitusti acwa yatiyäna Abdiasaru, mä unañchäwi toke. “Tatitun mä yatiyäwipwa ist'apjjtan; mä yatiyiriw marcanacar yatiyir sari: ‘Sartasipjjam, Edom contra nuwasir sarañäni’ sasa. Dios Tatitojj Edomarojj siwa:

Habacuc 2:17

Cuna jan walinactejj Líbano kolluru lurctajja ucanacasti juma contraw cutt'aninejja, animalanacapa jiwaraycani ucqhajja jumanacataquejja jach'a sustjasiñäniwa. Acasti jutaniwa jake jiwarayatanacamata, nacionpachana jakenacaru, marcanacana t'akhesiyapjjatanacamata.

Zacarías 10:10

Jupanacarojj Egiptot cutt'ayanjjaraquïwa, Asiriatsa apanjjaraquïwa, Galaad orakempiru, Líbano kollunacampiruw apjjäjja, waljätap laycojj orakes pist'aniw jupanacataquejja.

2 Tesalonicenses 1:6

Diosajj chekawa jumanacaru t'akhesiyapctam ucanacaru t'akhesiyañataquejja.