Joel 3:19 - Qullan Arunaka DC

¹⁹ 19 (19) Judá markankir jaqinakar nuwapxatapata, markapan jan juchan jaqinakar jiwayapxatapatxa, Egipto markax ch'usa laqayanakar tukuyatäniwa, Edom uraqisti ch'usa wasarar tukuyatarakïniwa.

Aymar Bibliia 1986

¹⁹ Egiptojj k'alaw tucusini, Edom orakesti wasarar tucuyataraquïniwa, Judá marcan utjasir jakenacar nuwapjjatap laycu, uqhamarac marcapansa jan juchan jaker jiwayapjjatapata.

Qullan Arunaca

¹⁹ Egiptojj k'alaw tucusini, Edom orakesti wasarar tucuyataraquïniwa, Judá marcan utjasir jakenacar nuwapjjatap laycu, uqhamarac marcapansa jan juchan jaker jiwayapjjatapata.

Joel 3:19 Jak'a apnaqawi uñst'ayäwi

Salmos 137:7

Tatay, Edom uraqinkir jaqinakan arsutap amtam, Jerusalén markax aynacht'kän ukürux sapxänwa: “T'unjapxam, taqpach tukjapxam” sasa.

Isaías 11:14

Uka markanakan jakirinakax inti jalanta tuqinkir filisteonakaruw nuwantapxani, qhipäxat nuwantasaw liwinukupxani; inti jalsu tuqinkir markanakarux qamir yänakap aparapxani, Edom markankirinakasa, Moab markankirinakasa, jupanakaruw jaysapxani, Amón markankirinakarusa jupanakaw apnaqapxani.

Isaías 11:15

Tatitusti jupanakatakix Mar Rojo siski uka chiqa thakhi jist'arani; Éufrates jach'a jawirxaruw ch'amapampix luqxatani, mä jach'a thaya thayt'ayanini, uka thayaw paqallqu jisk'a jawiranakar jaljani, wiskhunakap jan apsusisakiw makhatapxani.

Jeremías 49:17

“Edom markan t'unjatäñapax axsarkañ wali jach'äniwa. Taqi khitinakatix uka chiqa sarakipapkani ukanakasti, uka mutuyäwip uñjasax wal mulljasipxani,

Lamentaciones 4:21

¡Edom marka, jichhax larusim, kusisirakim; Us uraqin munañan apnaqiri! ¡Jumarux t'aqhisiñax wakt'arakïtamwa, ukatsti machjata, q'alalaw uñjasïta!

Abdías 1:1

Tatitux mä unañchäwi tuqiw Abdías profetar yatiyäna. Tatitun mä yatiyäwip ist'apxta; mä yatiyiriw markanakar yatiyir sari: “¡Sartasipxam! ¡Edom markar nuwantir sarañäni!” sasa. Tatitusti Edom markarux siwa:

Habacuc 2:17

Kuna jan walinaktix Líbano qulluru lurktaxa ukanakasti jumar saykatiriw kutt'anini, animalanakap jiwaraykta ukas jumanakatakix jach'a sustjasiñäniwa. Taqi akanakasti jaqi jiwarayatanakamata, markpachana, taqi jaqinakapar t'aqhisiyatanakamat jutani.

Zacarías 10:10

Jupanakarux Egipto markat kutt'ayanxä, Asiria markat apanxarakï, Galaad uraqimpina, Líbano qullunakampin jakayarakï; waljanipunïpxaniwa uraqis jupanakatakix pist'aniwa.

2 Tesalonicenses 1:6

Ukampis khitinakatix jumanakar t'aqhisiyapktam ukanakar Diosan mutuyañapax wakisiwa,