2 Timoteo 1:3 - Qullan Arunaca

Diosarojj yuspagartwa jumat amtasisina uruy aruma oracionanacajjanjja, qhitirutejj nayajj k'oma chuymajjampi sirvctjja, cunjämatejj awquinacajjajj lurcäna uqhama.

Aymar Bibliia 1986

Diosarojj yuspagartwa jumat amtasisina uruy aruma oracionanacajjanjja, qhitirutejj nayajj k'oma chuymajjampi sirvctjja, cunjämatejj awquinacajjajj lurcäna uqhama.

Qullan Arunaka DC

Arumas urus Diosat mayiskasax jumat nayax amtasipuntwa, ukat Diosarux yuspagarta, juparurakiw q'uma chuymaxamp arkta, kunjämtix nayra awkinakaxax lurapkän ukhama.

2 Timoteo 1:3 Jak'a apnaqawi uñst'ayäwi

Lucas 2:37

Jichhasti quimsakallk tunca pusini maranëjjänwa uca viudajja. Jupasti templotjja janiw misturïcänti, jan ucasti arumay uruwa Tatitur sirvïna ayunonaca, oracionanac lurasa.

Hechos 22:3

“Nayajj judiötwa. Cilicianquir Tarso marcan naciriraquïtwa. Ucampis aca Jerusalén marcanwa jilsuwayta. Gamaliel chacharaquiw nayarojj sum yatichawayitu awquinacasar churat leyiparjama. Take chuymajjampiraquiw Diosar sirviñar uchasta, cunjämtejj jumanacajj jichhürunacajj sirvipctas uqhama.

Hechos 23:1

Pablojj uca jach'a jilïrinacar uñcatasinjja sänwa: —Jilatanaca, jichhürcamajj nayajj k'oma chuymampiw jacasiwayta Dios nayrakatanjja —sasa.

Hechos 24:14

Ucampis nayajj arstwa, awquinacajjan Diosapar sirvitajja, aca machak yatichäwi sapqui ucarjama. Iyawsaractwa cunatejj leyinsa, profetanacansa kellkatäqui uca arunacaru.

Hechos 24:16

Ucatwa ch'amañchasipunta Diosan nayrakatapansa, jakenacan nayrakatapansa, k'oma chuymanïñpuni jacasiña.

Hechos 26:4

“Take judionacajj asquiw yatipjje, cunjämtejj nayajj jupanac taypin jaccäyäta marcajjana, uqhamarac Jerusalenana, wawatpacha ucjja.

Hechos 27:23

Jichha arumajj mä angelaw uñstitu, Diosan qhitanita. Nayajj uca Diosancaractwa, juparuraquiw sirviracta.

Romanos 9:1

Nayasti chekacwa sista Cristor iyawsatajj laycu, janiraquiw c'ariscti, chuymajjan amtäwinacapjja Kollan Ajayuw apnakasqui, cunatejj chekäqui uca nayar yatiyasa.

2 Corintios 1:12

Mayaw nanacarojj cusisiyapjjetu. Chuymanacajjajj sapjjetuwa nanacajj aca orakenjja mä suma chuymampi, uqhamarac k'oma chuymampi sarnakapjjatajja, jumanac taypinjja yämasa. Diosaw qhuyapayasiñapanjja uqham sarnakañataquejj yanapapjjetu, janiw nanacan amuyt'asipjjatanacajj laycuti.

Gálatas 1:14

Judionacan religionapanccäyät ucqhajja, walja nayamp chica marca masinacajjatjja take cunansa nayrancäyätwa. Nayasti awquinacajjan saräwinacap wali chekapar phokhañ munirïyätwa.

Efesios 1:16

nayajj oracionanacajjanjja jumanacat amtasisinjja yuspagarapuntwa.

1 Tesalonicenses 3:10

Uruy arumaw Diosar mayipjjtjja jumanacar nanac quipca uñjañataqui, uqhamat iyawsäwinacamajj phokhachañäquis ucajj phokhachatäñapataqui.

1 Timoteo 1:19

Mayninacajj chuymanacapar jan ist'apjjatapatwa, iyawsäwinacapanjja aynacht'apjje.

1 Timoteo 1:5

Aca camachin amtäwipajj acawa: Munasipjjam k'oma chuymat jutqui uca munasiñampi suma chuymampi, uqhamarac chekpach iyawsäwimpi.

1 Timoteo 5:5

Mayni warmitejj chekpachana ijmächejja, sapaquirac kheparawayjjchi ucajja, Diosaruquiw suyt'i, jan karjtasinwa uruy aruma oracionjj luraraqui.

2 Timoteo 1:5

Amtastwa chekpach iyawsäwinïtamata. Nayrakatajja Loida awichamampi, uqhamarac Eunice taycamampiw uca iyawsäwinïnjja, jumas uca pachpa iyawsäwiniraquïtawa.

2 Timoteo 3:15

Jumajj wawatpachwa Tatitun arunacapjja yatta, uca arunacaw yatichiristam, uqhamarac khespiyañaru irpiristam Cristo Jesusar iyawsäwi toke.

Hebreos 13:8

Jesucristojj pachpaquïsquiw wasürusa, jichhürusa, wiñayasa.

1 Samuel 12:23

Nayasti Tatitu contrajj janic juchañchasïti, jumanacataqui mayiñ apanucusajja. Ucampisa nayajj yatichapjjämawa, sumana uqhamarac chekapana sarnakapjjañamataqui.