Hechos 23:1 - Qullan Arunaca

¹ Pablojj uca jach'a jilïrinacar uñcatasinjja sänwa: —Jilatanaca, jichhürcamajj nayajj k'oma chuymampiw jacasiwayta Dios nayrakatanjja —sasa.

Aymar Bibliia 1986

¹ Pablojj uca jach'a jilïrinacar uñcatasinjja sänwa: —Jilatanaca, jichhürcamajj nayajj k'oma chuymampiw jacasiwayta Dios nayrakatanjja —sasa.

Qullan Arunaka DC

¹ Pablox Jach'a Tantachäwinkir uka jilïrinakar uñkatasin säna: —Israelit jilatanaka, nayax Dios nayraqatan q'uma chuymampiw jichhürkam jakasiwayta —sasa.

Hechos 23:1 Jak'a apnaqawi uñst'ayäwi

Proverbios 28:1

Ñankha lurir jakejja jan qhitin arcnakcataw jaltjje, ucampis asqui jakenacajja janiw cunarus ajjsarquiti, mä leonjamawa ch'aman sayt'asi.

Mateo 5:22

Ucampis nayajj sapjjsmawa, qhititejj jilapampi colerasinejja, jilïrinacan tantachasïwipanjja juchañchatäniwa, uqhamarac qhititejj jilapar tokjjani ucasti jach'a jilïrinacan tantachasïwipan juchañchatäniwa. Uca quicparaqui ñankha arunacampi ñankhachani, jilapar jan walinac sirejja infierno ninataquïñapawa.

Hechos 22:1

“Jilatanaca, uqhamarac awquinaca: Ist'apjjam cuntejj nayajj arsuscä ucanaca” sasa.

Hechos 22:30

Comandantesti khepürojj cadenanac Pablot jararayasinjja jilïr sacerdotenacaruw tantachasiñapatac jawsayi, uqhamarac yakha jach'a jilïrinacarusa. Jupasti yatiñpun munäna, cunattï judionacajj Pablorojj juchañchapcän uca. Tantacht'asipjjëpansti Pablorojj jupanac nayrakataruw irpayäna.

Hechos 22:5

Sinagoganacan jilïrinacapasa uqhamarac take jilïri jakenacasa ucjja yatipjjaraquiwa. Jupanac quicpaw uqham lurañataquejj arunac churapjjetäna, Damasconquir judío jilatanacar caturaniñajjataqui. Uqhamaw uca marcar sarta, iyawsirinacar thakeri, ucat aca Jerusalenar apanisin jupanacar mutuyañataqui.

Hechos 23:15

Jichhasti jumanacajj jach'a jilïrinacampi comandantetay mayipjjam aqham sasaqui: ‘Kharürojj uca Pablorojj nanac nayrakatar irpanipjjam, juc'amp sum yatjjatañataqui.’ Nanacasti janc'aquiw suyapjjä janïr purquipan jupar jiwayañataqui —sasa.

Hechos 23:20

Waynitusti sänwa: —Judionacajj jupanacpuraw arust'asipjje jumar mayiñataqui, kharüru Pablor jilïrinac nayrakatapar irpayañamataqui, juc'ampi mä cunsa yatjjatañatacjama.

Hechos 23:28

Cunatsa juchañchapjjpacha uc yatjjatañataquejja, jupanacan jach'a tantachasïwiparuw irpayta.

Hechos 23:6

Ucatsti Pablojj amuyänwa uca tantachasïwina yakhepanacajj saduceonacäpjjatapa, mayninacasti fariseöpjjataparaqui. Ucatwa jach'at arsu: —Jilatanaca, nayajj fariseötwa, fariseo familiataraquïtwa. Jichhasti jiwatanacan jactañap suyatajj laycuw juchañchapjjestajja —sasa.

Hechos 24:16

Ucatwa ch'amañchasipunta Diosan nayrakatapansa, jakenacan nayrakatapansa, k'oma chuymanïñpuni jacasiña.

Hechos 6:15

Ucapachajj autoridadanacampi take qhitinacatï ucan kont'atäsipcän ucanacampejja, Estebanan ajanuparojj uñjapjjewa mä angelan ajanupjama.

1 Corintios 4:4

Chuymajjanjja janiw cunas nayar juchañchirejj utjcaraquiti, ucampis ucajj janiw sañ munquiti nayan jan juchanïtajj-jja. Tatituwa juc'ampis nayar juchañchañataquis jan juchañchañataquis utjejja.

2 Corintios 1:12

Mayaw nanacarojj cusisiyapjjetu. Chuymanacajjajj sapjjetuwa nanacajj aca orakenjja mä suma chuymampi, uqhamarac k'oma chuymampi sarnakapjjatajja, jumanac taypinjja yämasa. Diosaw qhuyapayasiñapanjja uqham sarnakañataquejj yanapapjjetu, janiw nanacan amuyt'asipjjatanacajj laycuti.

2 Corintios 4:2

Cunatejj jamasan lurasqui, uqhamarac cunatejj p'enkäqui ucanacjja apanucupjjtwa. Janiw jan wali amtañanacampi sarnakapcti janiraquiw Diosan arunacapsa maysar k'ewipcti. Cunatejj chekäqui ucacwa parlapjjtjja, uqhamataracwa takenimpis waliquiw sayasipjjaractjja Dios nayrakatanjja.

2 Timoteo 1:3

Diosarojj yuspagartwa jumat amtasisina uruy aruma oracionanacajjanjja, qhitirutejj nayajj k'oma chuymajjampi sirvctjja, cunjämatejj awquinacajjajj lurcäna uqhama.

Hebreos 13:18

Orapjjamay nanacataqui. Yatisipjjaractwa nanacan chuymanacajjajj waliquïscatapa take cunans sum sarnakañ munapjjatanacajj laycu.

1 Pedro 3:16

Chuymanacaman samaratäñataquejja sum sarnakapjjam, uqhamata jumanacan Cristor iyawsapjjatam laycu, uqhamarac asqui luräwinacamat jan wali parlir jakenacajj jan wali parlatanacapatjja jupanacpacha p'enkasipjjañapataqui.