Hechos 22:3 - Qullan Arunaca

³ “Nayajj judiötwa. Cilicianquir Tarso marcan naciriraquïtwa. Ucampis aca Jerusalén marcanwa jilsuwayta. Gamaliel chacharaquiw nayarojj sum yatichawayitu awquinacasar churat leyiparjama. Take chuymajjampiraquiw Diosar sirviñar uchasta, cunjämtejj jumanacajj jichhürunacajj sirvipctas uqhama.

Aymar Bibliia 1986

³ “Nayajj judiötwa. Cilicianquir Tarso marcan naciriraquïtwa. Ucampis aca Jerusalén marcanwa jilsuwayta. Gamaliel chacharaquiw nayarojj sum yatichawayitu awquinacasar churat leyiparjama. Take chuymajjampiraquiw Diosar sirviñar uchasta, cunjämtejj jumanacajj jichhürunacajj sirvipctas uqhama.

Qullan Arunaka DC

³ “Nayax judío jaqïtwa. Cilicia suyunkir Tarso markan yurirïtwa, ukampis aka Jerusalén markan jilsuwayta, Gamaliel yatichirin yatiqiripätwa, nayra awkinakasan kamachiparjam yatichatätwa. Taqi chuymaxampiw Diosar luqtarakta, kamisatix jumanakax taqi chuymamp luqtapkarakta ukhama.

Hechos 22:3 Jak'a apnaqawi uñst'ayäwi

2 Samuel 21:2

Davidasti gabaonita jakenacaru jawsayasinjja jupanacampiw parlaraquïna (gabaonita jakenacajj janiw israelita jakenacäpcänti jan ucasti amorreonacat jilt'iri mä kawkha jakenacänwa, israelitanacajj jupanacampiraquiw mä juramento lurapjjatayna, Saúl reyisa israelita jakenaca laycu uqhamaraqui Judá jakenaca laycojj uca gabaonita jakenacarojj tucjañwa munaraquïnjja).

2 Reyes 4:38

Ucatjja Eliseojj Gilgal chekaruwa cutt'jjäna. Qhä urunacansti uca orakenjja mank'at t'akhesiñaw utjäna. Mä cutisti cunapachatï profetanacajj Eliseoru muytata kont'atäsipcäna ucqhajja, Eliseojj uywataparojj sänwa: “Nina patjjaru jach'a phuqhu ucham, ucatsti mank'a phayam profetanacataqui” sasa.

Lucas 10:39

Martasti mä cullacaniraquïnwa, ucasti María satänwa. Jupasti Jesusan cayupawjaruw kont'asi cuntï siscän uc ist'añataqui.

Lucas 2:46

Ucatsti quimsür pasatatwa juparojj templon ley yatichirinac taypin kont'atäsquiri jicjjatapjjäna, jupanacaru ist'asquiri uqhamarac jisct'asquiri.

Lucas 8:35

Jakenacasti mistunipjjänwa cunatï pascatayna uc uñjiri. Jesusan jac'aparu purisinsti, qhitittï ñankha ajayunacajj mistcän uca jakeruw Jesusan cayuparu kont'atäsquiri, isthapita uqhamarac amuyuniraqui jicjjatapjje, ucatsti jupanacajj ajjsarapjjänwa.

Hechos 11:25

Uca khepatsti Bernabeajj Tarsoruw saräna, Saulor thakeri. Jicjjatasinsti, Antioquiaruw irpanïna.

Hechos 15:23

Ucanacaruw cartjja apayapjjäna aqham sas kellkata: “Nanac apostolonacampi jilïrinacampi uqhamaraqui jilatanacampejj aruntanipjjsmawa Antioquianquir, uqhamarac Sirianquir, Cilicianquir jan judiöpquis uca jilatanacajjaru.

Hechos 15:41

Jupasti Siria chekaw pasawayäna, uqhamaraqui Cilicia cheka iglesianacana jilatanacar ch'amañcht'awayasa.

Hechos 21:20

Ucanac ist'asinsti jupanacajj Diosaruw wal yuspagarapjjäna. Pablorusti sapjjaraquïnwa: —Waliquiw jilata, ucampis jumajj yattawa judionacatjja walja warank jakenacan iyawsapjjatapa. Take jupanacasti, ‘Moisesan leyinacapajj phokhañapapuniwa’ sapjjänwa.

Hechos 21:39

Pablosti sänwa: —Nayajj Cilicianquir wali aytat Tarso marcanquir judío jakëtwa. Ucampis achict'assmawa jakenac nayräjjana arst'asiñajja —sasa.

Hechos 23:34

Carta leet'asinsti, marca apnakerejj Pabloruw jisct'i: ¿Cawquinquirïtas jumajja?, sasa. Cilicianquirïtap yatisinsti Pablorojj sänwa:

Hechos 23:6

Ucatsti Pablojj amuyänwa uca tantachasïwina yakhepanacajj saduceonacäpjjatapa, mayninacasti fariseöpjjataparaqui. Ucatwa jach'at arsu: —Jilatanaca, nayajj fariseötwa, fariseo familiataraquïtwa. Jichhasti jiwatanacan jactañap suyatajj laycuw juchañchapjjestajja —sasa.

Hechos 26:5

Jupanacasti ucjja sumaracwa yatipjjaraqui, arsuñ munapjjchejja, arsusipcaquispawa. Nayajj waynatpachaw fariseöyäta. Uquïr thaquisti Diosan leyiparjamajj, mä suma phokhañ thaquiraquiwa, maynïr judionacat sipansa.

Hechos 26:9

“Nayrajja, naya pachpawa Nazaretanquir Jesusan sutip contra jan walinac luraña amtäyäta.

Hechos 5:34

Ucampisa, jilïrinac taypinjja mä fariseo chachaw utjäna, Gamaliel sutini. Jupasti ley yatichiriraquïnwa, jakenacampisti wali yäkataraquïnwa. Jupasti sayt'asisinjja, apostolonacarojj ankaruw irpsuyi mä juc'a ratotaqui.

Hechos 6:9

Ucapachasti “Antutat Esclavonaca” satäcän ucanacatsti mä kawkhaniw sinagogat Esteban contra sartapjjäna. Uqhamarac yakhep Cirenenquirinacampi, Alejandrianquirinacampi, Asianquirinacamp cuna, Estebanamp jisqhintasiñataqui.

Hechos 9:1

Ucchañcamasti Saulojj janiw amuct'cänti Tatitun arquirinacap contra parlañjja —Jiwarayapunïwa —sasa. Ucatwa jilïr sacerdoten ucarojj saräna.

Hechos 9:11

Tatitusti juparojj saraquïnwa: —Jichhajj janc'aqui saram, Derecha sat calleru. Ucatsti Judasan utapan Tarsonquir mä jaker thaktam, jupasti Saulo sutiniwa. Jupajj oración lurascaraqui.

Hechos 9:30

Jilatanacasti uc amuyasinjja Saulorojj Cesarearuw irpjjapjje. Ucatsti Tarso marcaruraquiw qhitjjapjjaraqui.

Romanos 11:1

Jichhasti jisct'aractwa: ¿Diosajj jupan ajllit marcaparojj janipunit muncjjpacha? Janiw uqhamäquiti. Naya quipcaw israelitätjja, Abrahaman familiapataraquïtjja. Benjamín castat jutiriraqui.

2 Corintios 11:22

¿Hebreöpjjeti jupanacajja? Nayajj hebreoraquïtwa. ¿Israel marcanquirïpjjeti? Nayas uca marcanquiriraquïtwa; ¿Abrahaman wawanacapäpjjeti? Nayas ucaraquïtwa.

Gálatas 1:14

Judionacan religionapanccäyät ucqhajja, walja nayamp chica marca masinacajjatjja take cunansa nayrancäyätwa. Nayasti awquinacajjan saräwinacap wali chekapar phokhañ munirïyätwa.

Gálatas 1:21

Uca pasatatjja Siria, uqhamarac Cilicia ucsa tokenacaruw sarjjta.

Deuteronomio 33:3

Tatitusti marcaparojj muniwa, jupar catuyasipqui uca jakenacarojja imaraquiwa, jupanacasti cayunacaparuw quillisipjje, jupan arunacap catokapjjaraqui.